買完好後悔的 3 件 👎🏻 可以慳返唔買

今個月「買完後悔榜」排第 1 位嘅係 :

德國 LCN「Warming Foot Cream 微熱腳霜」→ 

蘊含歐洲七葉樹籽萃取 + 海洋紅藻 + 水解彈性蛋白等等, 搽咗之後會產生微熱, 有效促進血液循環, 消減小腿水腫及消除疲勞, 並滋潤腿部肌膚。

$192 @ SaSa

首先支 cream 個質地係好古怪、好古怪! 就算搖勻咗先用, 唧出嚟都係好似水溝 cream、溝唔埋咁嘅樣, 十足十似過期貨咁 (但 check 過係有排未到期) 😰

而搽上小腿個感覺都係好怪, 要推好耐先至均勻...... 跟住隔咗 5 mins 會開始 feel 到微熱, 都 ok 嘅唔會太㷫, 但就唔覺得消減到小腿水腫 = 買嚟嘥氣 👎🏻

第 2 位 : 韓國「CHOK CHOK Gells Gel Socks」保濕凝膠腳膜護理襪 →

係網上熱推產品, 內含維他命 E + 橄欖 + 薰衣草精油啫喱, 穿上 10-30 分鐘脫掉不用沖洗, 足部皮膚即能變得光滑細嫩, 告別乾燥死皮, 改善粗糙 (可手洗)。

$26 @ 周街藥妝店 / sasa 等等都有售

N 年前曾經響美國買過對「Bath & Body Works」相同嘅啫喱腳膜襪 (約百幾蚊), 效果係極好! 著完 15-20 mins 雙腳皮膚勁軟滑, 方便之餘仲可以用到幾十次 😍

可惜佢已經 discontinue 咗好耐冇再出, 買唔返喇...... 

見呢對韓國啫喱襪個樣一模一樣, 又只係 $26 蚊就試一試

對襪都幾重手, 裡邊有好厚身嘅修䕶成份凝膠, 仲有少少香味 →

特登幫對腳磨完砂去試, 等佢吸收得好啲, 本來係好期待嘅......

不過認為啲啫喱凝膠太過乾身, 難以被皮膚吸收, 效果好一般, 著咗 45 mins 皮膚都只係柔軟咗好少好少, 自己搽凡士林 / foot mask 加對厚襪敷效果仲好過佢, 只能話個效果都真係只值 $26...... 👎🏻

而家唯有當係家居襪著 😅

第 3 位 : 日本「毛穴撫子 日本米精華面膜」→

富含100％日本國產米的大米精華, 能撫平肌膚紋理及毛孔凹凸, 調理肌膚狀態並改善毛孔乾燥, 滋養肌膚, 明亮膚色, 打造平滑透明肌膚 (每包可約 2-3 次)。

$120 @ 萬寧

之前用過呢個牌子支紅色洗面膏都覺得唔錯嘅~ 

不過呢包 mask 我敷完 20 mins 都唔知自己敷咗乜, 好似冇敷過嘢咁, 完全察覺唔到有咩明顯改善, 覺得嘥咗錢又嘥咗時間..... 😔