2019年12月1日 星期日

Laura Mercier 新出「輕透水凝潤色粉底 Tinted Moisturizer」用後感

Tinted Moisturizer = 粉底❓

雖然近年好多牌子都已將 tinted moisturizer 歸入 foundation 類別, 但其實佢真正解法係「潤色霜」👉🏻 一款䕶膚成份比粉底多, 滋潤度有如精華面霜, 同時具唔同膚色選擇嘅 "有色潤面霜", 特別適合 dry skin 秋冬用。

由於䕶膚成份較多, 色體佔少, 於是妝感都偏透薄, 遮瑕度 + 持久度都比 foundation 低, 所以嚴格來說並非真正嘅粉底, 比較似膚色 base 多啲, 不過都有好多人會當佢係薄身粉底用~

我自己就多數當佢係防曬 base 用, 勝在好似粉底咁多色揀, 質地又柔滑貼膚, 好過用嗰啲紫色 / 綠色 / 白色 base 搽到塊面鬼咁白。有時出一陣街唔想化咁多妝, 都會就咁搽完 serum 就搽 tinted moisturizer, 再掃少少碎粉定妝簡單均勻一下膚色, 遮掩倦容 ☺️

又睇睇今次 Laura Mercier 新出呢支 Tinted Moisturizer 啱唔啱你?~



產品資料 →

輕透水凝潤色粉底 Tinted Moisturizer SPF30 PA+++ 

含夏威夷果籽油 + 胡桃籽油 + 酸豆籽精華 + 維他命 C 及 E 等多種保濕複合物, 完美結合護膚及化妝功效, 有助即時並長效提升肌膚水份, 提升肌膚鎖水力長達 24 小時, 持續擊退乾燥肌膚徵兆, 一抹完成透薄遮瑕效果, 全日展現水潤裸感妝效, 輕易塑造完美肌膚質感。

$430 / 50ml (共 20 色選擇) @ Laura Mercier 



(trial product given by Laura Mercier)


差不多所有牌子 tinted moisturizer 都採用 tube 裝設計, 呢支 Laura Mercier 亦唔例外 →

主 sell 為乾肌而設嘅 "水潤透薄裸妝功效", 油性肌絕對唔啱用, 個人認為以 hk 氣候計, 就連 dry skin 都只適合於秋冬用, 可想而之有幾潤 😉 


成 20 種膚色選擇, 仲多過普通粉底! →

梗有一色適合你吧 😊


色號 #1N2 VANILLE →

我呢隻色望落雖有丁點偏 pink tone, 不過搽上面還好, 唔覺偏粉紅, ok 的 👌🏻

反正咁薄身, 就算有少少唔夾色都唔覺眼喇 😆


搽上面效果 (只搽咗 tinted moisturizer, 冇搽其他遮瑕或碎粉) →

首先呢~ 所有牌子 tinted moisturizer 都有 1 個共同優點, 就係滋潤感重, 可即時撫平所有乾紋, 質感柔滑到好似搽緊奶油面霜咁, 唔需要有任何技巧, 亂捽上面都唔會卡粉或唔均勻, 亦唔會有厚妝感, 係保証貼面嗰種~

而今次呢支新出品除咗都有上述優點, 仲比舊款嘅遮瑕度 + 持久度 + 潤澤度都提升咗, 搽完後膚色會變得更均勻, 妝感自然不造作, 膚質望上去平滑咗靚咗, 淡淡地增添好氣息 🥰

唯一係略嫌光澤感有點重, 有少少油膩, 不過天氣再凍啲用就會好啱, 掃返啲碎粉定妝就唔會太反光, 不礙事。遮瑕度方面, 均勻膚色完全足夠有餘, 但重申佢只係一支 tinted moisturizer 喔, 只要唔好期望佢好似 foundation 咁高遮瑕力就 ok。

驚喜在於 👉🏻

雖然冇 foundation 咁持久, 但秋冬掃埋碎粉之後, 半日都能 last 到的, 而滋潤感就真係可 last 足全日。隔幾小時後雖會溶化出油, 但就冇卡粉浮粉 / 冇現毛孔, 奇在望上去好似已經溶咗冇妝, 但膚質就變到好似冇紋咁光滑, 膚色又仍然 keep 到均勻喎! 唔知以為天生 BB 肌!! 跟手補一補粉又可靚多半日, 係真正嘅「裸妝神器」呀! 🤩


個人認為無論當 base 用又好 / 當粉底用都好, tinted moisturizer 係乾肌冬天點都要入 1 支嘅~

$430 唔算好平, 不過就有成 50ml, 比一般 30ml 嘅 tinted moisturizer 容量多, 大大支有排用, SPF 30 PA+++ 防曬度日常用都好足夠 ☺️

P.S. 盒上寫可用手指 / 粉樸搽, 但建議最好用手指搽, 用粉樸搽會薄到冇嘢睇



沒有留言:

張貼留言