2020年8月6日 星期四

韓國天然草本醫學級護膚品 Mediv™

好耐冇寫 blog 😅

主要都係因近來 COVID-19 經常留喺屋企, 冇乜出街冇買新嘢, skincare 都係用緊屋企存貨, 化妝品又日日戴口罩唔使買, 所以都冇新嘢可以介紹, 唯有摷摷屋企有乜好用而又未介紹過嘅 product 寫寫啦~

講起近排最貼身嘅皮膚問題, 當然係長期戴口罩侷到塊面出晒油 + 出暗粒, 有時真係侷到想連 skincare 都唔搽咁滯呀 😣

不過唔搽 skincare 又唔得嘅, 始終室內有冷氣皮膚都會乾, 長期唔搽嘢膚質肯定會轉差, 同埋個口罩貼住塊面磨下磨下咁, 唔搽 skincare 反而仲痕 + 覺得會磨到甩皮𠻹! 

喺要搽又唔想搽之間掙扎之下, 唯有盡量揀返啲天然草本護膚品用用 → 


Mediv™ 呢個韓國天然草本醫學級護膚品牌子, 以前都有推介過佢嘅 Zero paper mask + 細胞再生安瓶精華 , paper mask 我經已回購過好多盒, 一直到而家都仲有用~

至於今次推介呢 3 支亦非新出產品, 只係我今期用緊咁解啫 😉


講到用韓國牌子, 大家最 concern 嘅應該就係唔知個 brand 邊度走出嚟 / 成份係乜? 🤔

呢點 Mediv 就勝在透明度高~ 

Mediv 係由韓國「East Bridge 東橋國際醫學檢測研發公司」創立嘅護膚品牌, 全韓國嘅毛髮重金屬檢測報告都需經由 East Bridge 發出, 而全球只有 5 個國家有呢個檢測專利~

所以由 East Bridge 創立嘅 Mediv 都係經過嚴格檢測, 冇加入任何合成香料 / 多餘添加劑 / 化學劑 / 不含重金屬等等, 揉合超過 20 年醫學檢測技術經驗, 專注研發以天然草本為活性成份嘅醫學級護膚品 🌱

除咗有明確韓國及香港 website, 網站內所有產品亦有列明全成份, made in Korea


回到正文, 第一樣要推介嘅一定係呢支洗面泡泡 🤗

梗係啦~ 而家 day day 都長時間戴口罩, 侷到面油暗粒濕氣乜都齊,都唔荒乾淨得去邊, 唔洗乾淨塊面就搽乜都冇用嘛~


仙人掌舒緩潔面泡沫 
Cactus Bubble Cleanser

蘊含仙人掌 + 枇杷葉 + 豆薯根等多重植物提取物 + 阿拉伯茉莉精油 + 氨基酸類成份 + 酵母葡聚糖等, 成份溫和天然不刺激, 用後皮膚不繃緊, 更能幫助修復皮膚屏障, 連敏感肌 / 甚至幼兒亦可使用, 為長期熱賣 best seller 之一

不含起泡劑 / 人造香精香料 / 酒精等化學品

$218 / 150ml 


市面上嗰啲勁多起泡劑 / 用後乾繃繃 / 過度洗走皮脂膜嘅洗面產品, 我皮膚又乾又薄實在無福消受, 都習慣用微泡的 cleansing gel (零泡我又覺得冇 feel)。

而呢類洗面泡泡都試過好多款, 不過成日都覺得呢類 cleanser 啲泡泡好似一陣風咁稀薄, 好快就消散都唔知洗乾淨未, 次次都要泵勁多唔化算, 所以我自己就麻麻, 不過我老公就好鐘意用泡泡 👨🏻

見呢支泡好似好多人買咁就試一試啦, 反正我唔用我老公都一定啱用~ 


以我對泡泡冇乜好感、姑且一試嘅心態嚟講呢, 呢支 cleanser 確實係有啲驚喜嘅~ 

比較起以往用過嘅洗面泡泡, 呢支 Mediv 啲泡係明顯有厚度有手感, 密度夠高較綿密, 摸到係有豐厚感, 唔係稀稀薄薄疏窿嗰種, 打圈按摩嗰陣感覺亦比較實在, feel 得出係真材實料並非求求其其嘅製作 ☁️☁️

仲有種頗 relaxing 嘅茉莉清淡香氣 🌸


過水沖洗後除咗感覺唔乾唔繃緊, 目測仲要幾光滑𠻹 →


第 2 款想介紹嘅係安瓶精華液 →

Mediv 支「Soothing 抗敏舒緩安瓶精華液」我上年已用過兼介紹過 (簡稱「舒敏安瓶」), 效果都唔錯, 見佢半年前新出咗支更加潤嘅抗皺安瓶我又想試試 😉


抗皺再生安瓶精華液 
Wrinkle Care Ampoule

蘊含專利填充成份 Volufiline + 甘草提取物 + 腺苷等, 可增加皮膚彈性, 有效抗皺, 改善肌膚鬆弛及暗淡, 對減淡幼紋效果尤其顯著。

同樣係冇人造香料 / 酒精 / 化學添加劑等等

$398 / 50ml


同以前用過嗰支「舒敏安瓶」一樣都係較細分子、較稀身嘅精華液 →

分別係呢支「抗皺安瓶」係 target 熟女肌, 油份比例比較重, 有啲似薄身精華油, 雖然用後滋潤到唔使再搽其他精華確實方便, 但搽完都會有油光, 所以唔太適合日用, 我係晚上睡前用, 開冷氣就剛好 ✌🏻

(適合成熟肌 / 沙漠肌夏天晚間用或冬天用, 不適合油性肌)


夏天 / 日間都係用返呢支「舒敏安瓶」好啲 →

(此為舊圖, 現已轉新包裝)

除咗抗皺 / 舒敏安瓶之外, 另有美白 / 消炎袪痘 / 細胞再生安瓶選擇


最後呢支我大力推介呀! →

So far 用咗半年, 已經變為我每日不可缺少嘅 skincare 😍


全能唇霜 Lip Cream

具獨特專利 Volufiline 填充成份 + 香葉天竺葵精油 + 葡萄籽油等, 有效滋潤、抗氧化、調理唇部肌膚, 加強唇部肌膚自我修復能力, 每天使用可消除唇部細紋, 並加速唇部脂肪細胞分裂與重組。

不含重金屬 / 人造香料 / 化學添加劑

$214 / 15g (凡購物可另加 $68 換購)


平常用開嘅潤唇膏質地一般都偏厚, 而呢支就比較似唇部精華, 唔單止係面層滋潤, 係可真正滲透入唇部皮膚, 而且成份係就算唔小心食到都唔會有害~

由於我個爆裂嘴實在太乾, 所以關於唇部䕶理我真係可以有排講, 剩係讚呢支 lip cream 分分鐘都可寫到一篇千字文, 但為免寫到手軟, 都係留返拍片先講啦 😆

長話短說, 初用頭幾日除咗似搽咗 lip oil 咁潤澤之外係唔覺有咩特別, 但用耐咗之後發覺唇紋真係冇咁深, 少咗死皮, 質感又柔軟咗, 睡前仲可以厚敷當 lip mask 用, 係我試過嘅同類 lip serum / lip cream 之中效果最好的 👍🏻


其實 Mediv 呢個牌子嘅產品種類都幾多, 亦有針對唔同肌膚問題系列, 都好難試得晒, 我都只試過佢 10 款產品左右, 都偏向揀保濕抗敏 line 為主。

如果唔知自己適合用咩, 亦可以 whatsapp / FB, 甚至 send 皮膚相直接問美容師建議, 佢哋同時亦有單次收費韓式 facial 做, 不設 package 不 hard sell 👍🏻


有興趣而又唔想特登去店舖買的話, 佢哋亦有網購速遞服務, 買滿 $400 會免運費 🚛

想知最新優惠亦可 follow Mediv FB 專頁:

或到香港官網睇睇 : https://mediv-skincare.com

Whatsapp 郵購及查詢 : 6591 0228

沒有留言:

張貼留言