一次過脫疣 + 脫墨 + 脫汗管瘤! claim 保險唔使錢！🎉🙌🏻

從來唔覺得自己有疣，但墨仔同眼底汗管瘤就有大量。係想脫嘅，不過冇乜迫切性所以一直未的起心肝啫 😆 (汗管瘤 = 貌似油脂粒但摸落去係硬的一堆小肉芽，屬良性皮膚瘤)

2-3 個月前有客人來飄眉，我見佢臉上有好多黑點結焦，就問「喔？你啱啱做完 laser 打斑?」

客人話係早幾日脫完疣，仲話疣係好多人都有，只係自己未必察覺，因屬過濾性病毒兼會傳染，一般公司保險都可以 claim 唔使錢，如果搵相熟醫生打, 仲可以拜託佢順手打走埋啲墨同汗管瘤咁樣，反正都係用同一部機打。

咦～ 有啲咁筍嘅事?？😲

就因為咁，我之後就即刻搵前年打透明質酸嗰位醫生快快打咗佢，趁而家成日要戴口罩可以遮醜，早日了結心願 😌

Whatsapp 查詢時我已經非常坦白話主要係想脫墨同汗管瘤，順手有疣就脫埋佢 😝

去嘅係呢間 👉🏻

JUVENTAS Medical Skincare 

尖沙咀加連威老道 39 號太興商業大廈 12/F 1202 室 

Whatsapp 預約查詢 : 9466 3339 

FB : https://www.facebook.com/juventasmedicalskincare/

打嘅係呢部「CO2 laser 二氧化碳激光」👉🏻

10600nm波長，能有效氣化脫墨、脫痣、扁皮疣、手疣、足疣、汗腺增生、油脂腺增生、黃斑瘤、瘜肉、脂溢性角化等。

姑娘姐姐仲提醒我如果你有疣，咁另一半都多數會有，因為疣會透過共用床鋪被單而傳染，可以同另一半一齊 book。於是我又捉埋老公一齊去，反正佢公司都能 claim 保險 😆

先睇睇我平時個樣 👉🏻

其實自己就唔多覺有疣，反而汗管瘤 + 墨仔 + 碎斑就一直存在.....

但當醫生大光燈一照就原形畢露，原來我都係有疣嘅! 塊面唔係重災區，得10 粒 8 粒左右，反而心口就有好多 😰

自己仲以為係墨 / 白頭，原來呢啲係疣 😨 

醫生話做完之後要預防再次感染，屋企被單要換過 or 清洗消毒。

至於點樣傳染到？一係就比另一半傳染，一係就用過酒店 / 按摩店 / 飛機嘅毛巾被單等等......

敷麻醉膏 30 mins :

過程大概 20-30 mins 左右，因為敷咗麻醉膏，所以一啲感覺都冇，完全唔會覺得痛 👏🏻

打完後：

一早知道係會紅會結焦，所以冇乜特別大感覺，反正而家日日都要戴口罩遮住還好～

大部份細小的焦 3-4 日已脫落，係眼底汗管瘤同心口啲焦大粒啲，7-8 日先全部甩晒。

$$$

價錢係視乎粒數而定，如果粒數少的話可以逐粒計，多的話也有全臉或全頸任脫優惠，如我的 case 就約 $8000 千幾。睇過出邊其他公司一般都係 around $7000 - 12000, 都係視乎粒數 + 臉 / 頸部份會分開計。

Claim 保險方面：

雖然份份保險 package 都唔同，不過脫疣一般都係包嘅，有啲可 claim 足全數，有啲就可 claim 8-9 成，同埋要睇吓自己份保險限額有幾多 (尤其如果之前有 claim 過其他嘢)。必須要搵醫生打先至可以簽紙 claim。

9 日後已經光滑晒 👉🏻

本來以為甩焦後都會有啲紅印，不過原來都唔係好礙眼，過多2-3 日已經不留痕跡 👏🏻

好了，心願又完成一項! 今次仲要 claim 保險唔使錢，可以留返啲錢下次 laser 打斑了 👏🏻👏🏻