分享一下我最近紋眼線嘅小故事 →
話說我自己條眼線係 3 年前紋落, 已經變幼咗想再紋過。雖然我都有幫客紋眼線, 但就冇可能幫自己紋到, 都要出去俾錢揾人整。
望過 FB 啲廣告, 有平有貴, 貴嗰啲三四千, 平嗰啲就幾百至千幾蚊不等。心諗貴嗰啲我大概知係點, 反而好奇想知平嗰啲點解可以咁平? 難道唔使計成本人工舖租?
於是把心一橫揀咗間 $1500 嘅試, 唔係孤寒, 係八啫。咁我望過佢 FB 啲相都覺得 ok, 又有好多好評, 反正都係紋一條幼幼嘅線, 應該唔會有咩問題?
紋完...... 分享一下經歴
首先, 楝大廈係工廠但亦有住宅, 入到去都係住家 feel。入到「睡房」, 身穿家居服嘅姐姐就叫我瞓上床, 當然係冇即棄式床墊啦, 而床單幾耐換一次 / 會唔會洗呢個問題, 去到嗰一刻我都無謂繼續諗。
瞓低咗姐姐就問「要粗定幼?」
「想比我舊呢條眼線粗丁點丁點....」
「即係粗啦!」
「比我舊呢條粗丁點就夠, 少少得喇....」
「ok」跟住就開始紋。
舊有眼線粗度為少於 1mm →
