ERNO LASZLO 的皇牌護膚水及面膜, 數月前便已介紹過了, 而今次品牌又送來了它的皇牌潔面孖寶 "海泥深層潔面梘" 及 "平衡潔膚油" 試用 , 也順道 pass 個優惠訊息給大家~
它的 "海泥深層潔面梘" (簡稱 "黑梘"), 相信各位未用過都一定聽過見過, 經常斷市, 實在太出名! 我多年前第一件買的 ERNO LASZLO 產品亦是這件 "黑梘", 可說是它的入門品, 一般人通常第一次買 ERNO LASZLO 也會揀 "黑梘" 試吧?~
先提供少少 "黑梘" Sea Mud Deep Cleansing Bar (海泥深層潔面梘) 資料:
以天然成分研製, 蘊含豐富死海泥, 有效深層潔淨毛孔, 去除死皮角質, 油脂及黑頭, 同時令肌膚柔軟嫩滑, 潔面之餘不會令肌膚失去天然油脂, 於潔淨同時促進循環, 具淨化, 亮澤肌膚及保濕作用, 更能舒緩慢性的肌膚不適狀況, 是深受名人 / 明星用家推崇的星級潔面梘.
而今次是 "黑梘" 首次有 discount promotion!
大家有如興趣想買的話, 可享前所未有的 75 折喔! 平常一向是零折扣的!
(詳情請 roll down 看看)
不如先看一下我的用後感, 再決定適不適合自己吧~
"黑梘" 本身是有一個獨特的「30 Splashing 濺水潔面法」的, 跟著方法用可激活肌膚, 有效提升潔面梘之潔淨力及嫩膚效能.
方法是先把潔面梘浸於熱水然後沾濕全臉, 把潔面梘放於水中弄至起泡, 再塗於臉上按摩數秒, 利用面盆內之潔面水往臉上潑 20 次, 然後再用微熱清水往臉上潑 10次, 最後過水洗淨.
但我人也實在太懶了!
平常用它也只會沾濕起泡, 用 "黑梘" 臉上按摩數秒, 過水洗便算. 反正覺得這樣用效果都滿意~
用後感:
多年前已經用過 "黑梘", 當年還未有 blog 這回事, 印象中是不錯的, 奈何想試的新東東也太多了, 用完便沒再購買. 事隔多年, 今次認認真真的再用, 覺得它的潔淨力的確不錯, 用後感覺很乾淨, 對我的乾性肌來說也未至於太乾, 沒有一般潔面梘之繃緊缺點, 洗後也 feel 到皮膚滑滑嫩嫩~
現在 summer 使用覺得正好, 不過也有想過在冬天用的話, 可能對我的 dry skin 而言就會不夠滋潤了. 但又公平點說, 這 "黑梘" 本來就非 target 我的乾性肌, 是為中性 / 混合性 / 偏油肌膚而設, 所以對號入座就 good fit~
另外 "黑梘" 屬男 / 女合用的, 也沒分年紀使用, 也可買來 share 給另一半用~
平常一般潔面梘我能用到 3 個月, 而 "黑梘" size 較大, 大約能用到 4 個月左右. (有梘盒贈送)
"黑梘" Discount Promotion 詳情
由 15/8 至 21/8, 只需到 ERNO LASZLO Facebook Fanpage https://www.facebook.com/ErnoLaszloHK?ref=br_tf Inbox 留下姓名及聯絡電話, 頭 30名新客戶, 即可以 75 折 $300 購買 "海泥深層潔面梘". (原價 $400, 平常一向不打折)
21/8 ERNO
LASZLO Fanpage 會公佈 30 位名單, 於 22/8 至 31/8 可於任何一間 ERNO
LASZLO 專櫃或專門店享用優惠.
也介紹一下這支 "平衡潔膚油" (Phelityl Pre-Cleansing
Oil):
簡稱 "黃油", 也屬 ERNO LASZLO 的皇牌 product, 蘊含天然印度植物提練之抗炎精華, 及 13 種香薰精油, 維他命 A, C, E 成份等. 有助保存肌膚天然皮脂膜, 同時軟化死皮, 疏通毛孔, 溶解多餘油脂, 並溶化殘留於面上之污垢.
$480 / 200ml
總覺得 ERNO LASZLO 的長方形包裝外形, 感覺上容量好像較少, 但其實都有 200ml, 容量絕對不少!
用後感:
認為這款 "黄油" 絕對是為中女 / 成熟肌而設的卸妝恩物!
第 1 次用時已經覺得超潤, 是前所未有的滋潤!
質感也較為獨特, 用時還未覺得有什麼特別, 只見粉底 / 遮瑕膏等化妝品都卸得很乾淨. 但打算加點水乳化時, 才驚覺咦?? 怎麼乳化不了油淋淋呢? (原來是不需乳化情序的, 直接沖水再用 "黑梘" 洗臉就 ok)
那麼用 "黑梘" 洗過臉後, 那油淋淋感覺就 bye bye 了, 沖水後仍 feel 到滋潤感, 仿如有層 "膜" 包住皮膚一樣, 就是洗臉後不立刻塗 skincare 也不會覺得乾, 仍然 feel 到柔潤, 秋冬用 / 乾性肌用超正~
再介紹一下它的保濕碎粉 "Hydrating Face Powder":
這盒是上次在 ERNO LASZLO event 內自購的. 本身有分 "保濕碎粉" 及 "控油碎粉" 2 款, 我是乾人, 當然揀保濕碎粉買來試喇~
至於效果方面, 由於我買的是保濕碎粉, 理應不及控油碎粉般控油, 但對我的 dry skin 來說已足夠, 優點是感覺不乾, 粉質也夠滑身.
只設一色選擇, 是透明碎粉一類, 用後不會太白.
$310 @ ERNO LASZLO
唯一缺點就是容量細細盒不算多吧?
這點我倒沒所謂, 好用 / 不乾身就 ok~
你好isa， 我现在有事情很急，希望你可以帮到我。我以前都系通过邮件买你们的产品， 通常我会去自己取货，但是最近人在国外， 就用邮寄的方式了。请问你们通常邮寄需要几天的时间到中国广州？你的同事说7月30号我包裹已经通过邮政局寄出，但系今日15号了， 我还没有收到包裹， 已经15天了是不是太耐了d? 另外，我已经致电到中国邮政查询，通过单号，并没有任何邮递的信息，也不知道包裹现在在哪里更加不知道何时会邮递到收件人那里了。我希望你可以处理一下， 我已经做了我可以做的， 只是你同事和快递那里给不到我任何信息，我不知道还要等几耐才收到包裹？ 希望你能够处理一下。 订单的名字是 fiona 。你可以同你同事查询一下。 谢谢你！
回覆刪除你好 Fiona, 我明天星期六先向同事理解一下, 然後再回覆你, 或向香港郵局查詢郵件情況, 請提供你訂貨時的電郵地址, 或任何 / 郵件訂單編號方便我們確認資料, 可把資料電郵至 info@makeupsecret.com.hk 謝謝~
刪除你好 isa， 我已经发了邮件给你，希望你可以帮到我。另外， 我好耐之前有email 给 hk post，寻日先收到他们的回复。 他们说不能帮我查询任何信息， 需要寄件人向他们要求查询他们才会去帮手查询我的货品。 谢谢。
刪除Hello Fiona, 我已問過同事郵局方面的情況, 她們說郵局回覆因郵件已經在 3/8 運到了中國郵政局, 香港郵局這邊說過了關便追跡不到, 要靠中國郵政局那邊追查 (同事說已有回覆你的電郵, 但因郵局未有回覆, 所以抱歉我們也需等候郵局通知), 我們會在星期一再追問一下郵局要怎樣才能追跡到中國那邊的掛號郵件, 有消息再在電郵通知你~ (如追查期間收到郵件, 也請告訴我們喔, 謝謝)
刪除Hi ! Isa. Just want to know if u ever use Vitamin B 12 plus cream? If so , what's your comment? Thanks!
回覆刪除hihi~ 有用過, 有時為客人上妝前也會用來打底, 效果好好呀, 夠保濕又不會太過潤, 但除了保濕之餘未見有其實效果而已, 不過怎計也是一支好用的面霜~
刪除Isa,
回覆刪除请问Sussie Renewing Cream Mask 是否可以敷overnight? 唔知你有试过Sussie Cellular Boosting Solution 吗？ 他是属于serum? 我应该先搽美白护肤品或是厘只Sussie 的 Solution？
谢谢。
hihi~ Renewing Cream Mask 是不可以敷 overnight 的, 敷 15 mins 後要清洗~ 另 Cellular Boosting Solution 是屬於精華露, 即如 Lancome 的肌底液, 是用在 toner 之後, serum 之前的, 用了它才用美白 serum 等等~
刪除Hi Isa 我18歲 一路都用開kiehl's的 creamy eye treatment with avocado (只係夜晚用） 記你提過甘細個岩用d甘潤嘅eye cream 但係我用左甘耐一路都冇起油脂粒 請問可繼續用嗎？
回覆刪除hihi~ 如果一直用開都無問題, 那麼是可以繼續用的, 只是份量別塗太多就 ok~
刪除Isa 我一路都係用開loreal眼唇卸妝（有兩層個隻） 請問有邊隻會比佢更好？
回覆刪除hihi~ 最近用緊 Heronie Make 的眼唇卸妝液 (即前身的 Kiss me), 都覺得不錯, 卸得夠快夠乾淨, 也是 $100 內~ 另外用過韓國 Giverny 這支又係好好: http://prochats.she.com/isadoracheng/2013/01/15/韓國-giverny-之卸妝潔面孖寶/
刪除isa…幾時再有sinn organic powder 折＞＜？？
回覆刪除hihi~ SINN Organic 我們已賣了 3 年, 雖然好用但因售價不便宜, 將不會再入貨了, 現有的存貨也會低價出售, 售完即止這樣, 避點陸續會有新品牌加入~
刪除hello Isa
回覆刪除請問nature republic的蘆薈好唔好用? 裡面含酒精的, 我怕成日呼唔好, 係唔你架? 如真係唔好, 有冇D可以好保水既蘆薈/OTHER products合我呀? 我皮膚好缺水到敏感型, 所以易出油><
hihi~ 蘆薈其實也是好用的保濕品, 尤其在日曬後或皮膚敏感時, 而保濕度其實款款差不多, 如我曾用過 Nu Skin 的蘆薈 gel, 及 Banana Boat 的蘆薈 gel, 效果分別並不遠, 所以我覺得隨意揀一款都 ok 的 (但如有酒精成份就唔好喇)~ 另外可留意自己皮膚是缺水而出油, 還是缺油而出油, 如補水後出油問題沒改善, 那很可能就是因缺油而出油了~
刪除Hi Isa 請問測面部水份個d機可以係邊度買到？另外 我係混合偏油皮膚 但係夜晚都吾怕lup 會用潤d嘅skincare(其實咁做岩吾岩？) 想揾隻sleeping mask 請問你有咩推介？
回覆刪除另外 請推介岩夜晚用嘅cream 謝謝
刪除hihi~ 水份測試機香港我未見過有得賣, 但淘寶上就有很多~ 而晚上用較潤 skincare 是正確的, 尤其 summer 開冷氣很易抽乾皮膚, 只要別用太潤的就 ok, sleeping mask 我用過覺得最好的是雪花秀 (glycel 也好用, 但對你可能會太過潤), 另外晚霜其實平貴的都差不多, 除非想要有特別功效, 否則平平的 Olay 之類也 ok 的, 中價的有機 Melvita / 韓國 Giverny / Vichy / Kiehl's 等都不錯~
刪除Isa glo mineral有折個日我即刻沖左去買 我偏白（一頭冇血色個隻） 買個陣因為個powder得一隻色 問過個度d同事佢話我都岩用ga la 但返到去一用發覺吾岩色 成塊面變左泥黃色咁 但係我已經用過又dum左個puff咁點算好？BTW 真心覺得好好用 我用個日爆左瘡但完全冇惡化到 但係點解你好似冇乜點提eye shadow嘅？ 邊隻色會自然d？可拍個video嗎？
回覆刪除hihi~ 是指它的粉餅對嘛? 它本身得一款色屬自然色那類, 用時要用化妝掃上 (礦物粉不用粉樸較好), 也拍了 video 示範這粉餅用法, 但因家中轉換緊 internet 公司, 仍然未整好 upload 不到 video (太大 load 唔到), 等我下星期再 upload 上來到時看看, 看過後有問題也 welcome 再問我, eyeshadow 片也會到時一起 post 上來~
刪除請問混合性皮膚如果朝頭早用oil free 好清爽嘅skincare咁夜晚可以用咩？ 請推介下
回覆刪除P.S 我係混合性皮膚
刪除hihi~ 其實也有很多選擇, 也實在真的有太多了, 很難 short list, 或者你有冇 budget 限制或其他要求呢?~
刪除沒有哦 補濕就可以了
刪除如果沒 budget 限制, 可試試 Melvita 的玫瑰花系列, 或 Kiehl's 的 Ultra Facial 補濕系列, 不會太過潤~
刪除Hi 請問如果我習慣早晚都按摩面部 等塊面瘦d 按之前可以搽d咩？ 可介紹下嗎？
回覆刪除我係混合肌
刪除hihi~ 按摩之前可用爽膚水或精華水幫助軟化皮膚吸收, 事實上並不需刻意買, 用回使用中的便可, 但如想找精華水, Shu Uemura TSUYA 那支, or ERNO LASZLO 的護膚水都不錯的~
刪除Isa 請問underarm你建議點處理？ 我用過幾次veet次次都搞到流血 係米我用得吾岩？（你有冇用過？ 你覺得點？) 拔毛機同臘紙都係會搞到流血 而剃嘅話第二朝已經生返出泥 見到有d 388蚊左右嘅激光脫毛又怕痛吾敢去試（抱歉 吾記得左間野叫咩名 請問你知我講緊邊間嗎？你覺得試得過嗎？) 其實有冇d又平又好嘅永久脫毛？我又吾敢叫屋企人比錢我去做（其實我都已經18歲 不過真係儲吾到咁多錢…) 其實作為媽媽嘅你會幾多歲比自己囡囡做？ 幫佢比埋錢？ 定係等佢大個出泥賺錢自己比？ 真係好想聽下你意見 為左宜件事我煩左好耐搞到好吾開心…
回覆刪除hihi~ 我 underarm 多年前已做了 laser 永久脱毛了, 所以無憂了很多年, 的確雖然貴, 但卻是最好的選擇, 建議未儲夠錢前用剃的方式最好, 拔毛 / 蜜臘是最差的方式, 對皮膚傷害最大. 而 $388 左右的激光脫毛, 我可以好肯定告訴你不會是用無痛 laser 機, 而且最終的價錢也不會是 $388, 取巧而已, 沒有太便宜又無痛的 laser 永久脫毛喇, 別相信. 至於我將來也絕對會建議囡囡做 laser 脫毛, 但做不做由她自己決定, 更加不會幫佢俾錢, 要她自己努力賺錢自己付, 才能學懂每樣東東得來不易喔~ 你也無需因此而太過煩惱, 每個女人年輕時也經過這一步, 都是大個揾到錢之後才去做 laser 脫毛的, 所以很快你的煩惱就 bye bye 了, 忍一刻吧~
刪除請問你對上一次搭飛機有冇化妝？ 眼妝 唇妝有化嗎？你個次用左d咩products？ 聽人講搭飛機化妝會好傷 請問你建議用咩products？ 記得你以前提講搭飛機化妝落機個陣乾到爆油 請問如果我係混合肌會吾會有咁嘅情況？ 有嘅可以點做先keep到個妝？
回覆刪除hihi~ 有喔, 我幾乎是每次上機都化妝的, 而且是全妝. 上次上機前用過的有 Laneige BB cushion SPF50, La Mav 礦物碎粉, glo-minerals lip plumper 礦物唇液及眼影粉等~ 搭飛機化妝的確傷皮膚, 用礦物粉 / bb cream / cc cream / 礦物化妝品會好一點, 但始終機上太乾, 化妝的話點都唔係太好, 結果只有 2 個: 一係超乾 / 一係乾到爆油, 除了補妝之外, 沒方法能 keep 到個妝至落機同樣完美, 除非只是 3 小時左右的短途機~
刪除Hi Isa 請問如果我洗完面乜都冇搽 半個鐘後 t - zone 位油 兩邊面冇乜乾嘅感覺但就現晒毛孔 請問我係咩skintype？
回覆刪除也屬混合肌~
刪除請問有冇邊隻係萬寧買到嘅眼唇卸妝液 補濕面膜 美白面試推介？ 如果真係冇先推介其他 謝謝
回覆刪除美白面膜*
刪除Loreal / Maybelline 的眼唇卸妝液吧~ 至於美白面膜 Olay 的 total effect 我覺得不錯 (這款已包括保濕效用), 另外 AquaMoist 補濕面膜也可一試~
刪除Hi isa, have you ever tried Talika's skin care products and the facial treatment machine??
回覆刪除hihi~ Talika 冇用過, 心思思想試它的睫毛精華好耐, 但一直冇咗件事, 至於對它的 skincare 則購買意慾不大, 不過身邊有人用過它的 treatment 機就話好好咁....
刪除Hi Isa 請問日本牌子個盒晚間防衛護膚粉用個陣洗吾洗好似落碎粉個陣落到全面乾爽 吾痴手？ 定係薄薄一層已經得？ 請問可吾可以用係eye area？
回覆刪除hihi~ 其實並不需落到完全乾爽為止, 不過我有 (純粹個人喜好), 至於 eye area 是不用上的~
刪除Isa 請問如果混合性皮膚平時朝早用開toner ---> kiehl's oil free gel cream 轉季個陣可吾可以吾成set護膚品轉 靜係加支補濕精華？ 咁樣會吾會吾夠補濕？ 其實轉季嘅話護膚品應該由邊樣開始轉？ 化妝品又應該由邊樣開始轉？謝謝
回覆刪除hihi~ 當然可以只加支補濕精華 (至於夠不夠保濕就因人而異, 基本上入秋時一定夠, 但天氣再乾 d 就不夠了)~ 而轉季的 skincare 應由最先開始搽的 toner --> 然後精華開始轉起, 最後到面霜, 至於化妝品應由 base 開始轉起, 然後到 foundation, 最後係碎粉~
刪除Hi isa, just wanna know if you ever use the CLINIQUE even better eyes correction cream?? does it moisturising? good for dry youth skin to correct the dark circle and moisturise the eye area?? thanks you^^
回覆刪除hihi~ 這款沒試過, 因過往用過它的 eye gel / 走珠 eye serum 等等全都覺得冇咩效果, 只得補濕, 所以對它的 eye skincare 感覺麻麻. 但如果你只是想找補濕效用的, 都可以一試, 對年輕肌來說不會太 rich, 但就別期望減到黑眼圈了....
刪除Isa 請問blenderclenser洗大掃 細掃 beauty blender 每次份量要有幾多？ 另外 請問Dove 3合1 卸妝洗顏慕絲用後洗吾洗再用cleanser洗多次面 宜支野洗吾洗做乳化宜個step？
回覆刪除hihi~ 大掃大約 1 毫子份量已足夠, 而細掃是極少份量約 1-2 滴便可, 但如好污漕便要多洗一次~ 另外 Dove 3合1 卸妝洗顏慕絲是不需乳化的, 乾手 / 濕手能用, 也不需洗多次面, 除非妝化得較濃, 就要用佢洗 2 次~
刪除Isa 點算呀 我18歲已經有頸紋la 有d咩可以用？:-(
回覆刪除頸紋可以用 Melvita 那支 "有機果油淡紋筆" ($180), 是精華油來的, 早晚碌在頸紋上就 ok 了~
刪除hello isa, 想問你對sofina嘅skin care products有咩評價呢?? (保濕同美白系列) 適合20歳, 皮膚薄,乾燥同容易敏感膚質用嗎?
回覆刪除hihi~ 我覺得 sofina 的 skincare ok, 但非超好, 但卻是適合 20 歲年輕肌用的, 不過並不適合容易敏感膚質用....
刪除Hi isa, any comments on Melvita's toner?? thank you^^
回覆刪除hihi~ 好巧合地... 剛剛有出文分享了! 可看一下 ^^
刪除