一家大細 X'mas Gift 晒冷~

今個 X'mas, 全家人裡邊收得最多禮物的, 當然是一對小寶貝! 多謝一班 auntie uncle 哥哥姐姐~

玩具相片就不分享了, 相信大家亦不感興趣, 但老公買給哥哥的 "MINI 單車" 實在有型! 很想介紹一下~

MINI 汽車大家知道吧? 近期 MINI 就授權推出了小童單車! 

這些事我這位化妝媽媽當然不知道, 是老公叫我在淘寶買的, 老公還跟同事每人買了一部.

為什麼要在淘寶買?

根據老公所說, 香港買要 $1800+, 而淘寶他 check 過是同廠正貨, 人民幣 $890 (講價後), 另加運費港幣 $200 幾, 合共約港幣 $1500). 個人認為比香港平 $300 不算太多, 但老公堅持幫襯淘寶....

淘寶網連結:

http://item.taobao.com/item.htm?spm=a1z09.2.9.12.DVIIwq&id=41579370845&_u=vjsblj4fa39

(有多色 / 多款尺吋選擇)

收錢後翌日寄出, 約 3-4 日就收到, 神速! 

速遞方面, 是可以自選速遞公司 / 集運到香港速遞公司自取的. 但實物 packing 大過一部 50 吋電視, 仲重到搬唔到, 建議多付少少, 託速遞送到家穩陣!

我揀了順豐送到家, 盛惠 $260.

以一部小朋友單車計, 自覺這部單車很貴, 買數百元的不就可以嗎? 

但老公冷眼說 "唉, 女人識 d 咩, MINI 出嘛" + "平時你買化妝品又不嫌貴喔?" 

ok, 即買.... 

這方面男人跟女人心態果然不同, 女人以實用為主, 男人要實用但更要型格....

毫無疑問, 實物的確好有型! 造功 / 物料等等都很精緻, 可能始終是車行授權出品, quality 真的非常好 (其他資料 / 優點在淘寶連結內有), 雖不算抵買, 但也值這個價.

跟妹妹的黑色 scooter 放在一起好有型~

半年前同樣在淘寶買的 scooter (人民幣 280), 絕對是 best buy!

扶手位能調高低, 座位亦能調高低 (或拆走), 2-5 歲小孩都適合, 妹妹玩時可變身為 BB scooter 坐住玩, 哥哥玩時又可拆走座位, 再調高扶手位攪掂, 正~

早前有介紹過:

http://isadoracheng.blogspot.hk/2014/09/1-snapshot.html

至於 1 歲半的妹妹, 仲未識得玩單車, 老公就買了三輪車做 X'mas gift, 背後有扶手杆讓大人推著行~

另外早前在澳洲短期回來學化妝的同學仔, 也送了 X'mas gift x 手信給哥哥:

原來 Jamie Oliver 在外國有出這樣益智的玩具! (可叫做玩具?)

砌完溫室小屋, 再 decorate 貼上貼紙, 放泥加水種自家 herbs, 有得玩有得食有野學, 還能培養小孩耐性每天淋水, 好好呀~

至於我嘛......

老公踏入 12 月開始, 就一直在問我想要什麼 X'mas gift, 我都說沒什麼特別想買, 不用送了.

早前自己不小心跌爛用了 2 年的 ipad, 就跟老公說不如幫我拿 ipad 去換個 mon 維修, 當 X'mas gift 更實際. 誰知老公說 "自己的事自己做, 自己拿去維修吧, 聖誕禮物揀別的".....

當我還在問朋友要去那裡維修 / 還是該買新的之際..... 一天放工回到家, 老公就說已經幫我拿去 Apple 維修好了! 還說順道替我 upgrade 了 ios 等等~

我當然滿心歡喜檢視整好的 ipad, 仲即時裝返 "千尋 App" 上去, 等睡前可以繼續追劇~

然後......

老公加了一句: "Apple 而家維修科技真係好先進! 整完之後連花痕 / 裂痕都可以自動復原, 好似你用個 d 護膚品咁, 可以修復皮膚咁呀!"

(當我傻的嗎)

於是我即刻望望部 ipad, 發現之前跌崩了的四隻角 / 背後花痕等, 全都消失了.....

"你新買 ga?"

老公死口不認. 問多兩問, 結果死死地氣搬出收埋櫃底的舊 ipad 屍骸. (隨後再 found out 原來部 ipad 由黑色變了灰色, 自己都冇為意)

多謝老公 ^^

以為老公已經送完 X'mas gift, 誰知今晚放工返到屋企, 驚見有部麵包機!

唔係買俾我嘛? 化妝我就得, 煮飯整餅我真係零知識, 好驚呀!

定係暗示想我學呢? (仲驚.....)

估唔到最興奮那位..... 係賓賓姐姐! 一開盒不斷研究食譜 + 說明書.....

今個 X'mas 收到老公兩份大禮, 回想自己只係送了 SKII 神仙水 + Chanel 香水俾佢....

好慚愧.... 

至於我 X'mas 又買了什麼送自己呢?~

見今年聖誕前已經買了好多新衫給一對寶貝, 又買了很多 X'mas gift 送朋友們的小朋友(s), 花費大了, 買給自己的東東反而少了, 連 Sogo thankful week 都忍手只看沒買.

12 月除買了幾件冷衫, 就只買了 DKNY 香水 boxset + Laura Mercier hand cream boxset + Body Shop 的 body butter set. 

DKNY 粉紅蘋果香水一直用開, 聖誕 boxset 有埋 body lotion. 潤是不夠潤, 勝在香味討好, 留待 summer 用~

約 $300 多 @ colormix

$200 多的 Laura Mercier 迷你 hand cream set:

Laura Mercier 的 hand cream, 特別是 vanilla 味, 是我的最愛! 每次拿出來補塗, 都總會有人問是什麼牌子, 能否借來塗少少等, 屬女孩子都會愛的氣味, 滋潤度亦不俗 ^^

可惜平常只出大 size 很難帶出街, 而限量 mini size 久不久都會出, 一出我都會買的~  

缺點是通常一支 mini size 我 1 個月就用完, 太快 K.O.....

最後 X'mas 也收到不少品牌們送來的 gift set, 慢慢用完再報告~

Melvita 呢盒犀利, 有埋燈飾!

結果 recycle 用了來裝飾家中迷你 X'mas tree~

每次 Melvita 都很有心, 知道我喜歡用 "油" (face oil / body oil), 會送油來之餘, 也不忘附送一些油的 sample 來, 讓我送給學員們試用~

Shu Uemura 的 Shupette 貓咪系列:

不得不讚每次 Shu Uemura 推出的限量品, 包裝都很精緻! 今次貓迷荷包要破財了~

收到貓咪系列時我還說, 不如下次也考慮推出小狗系列吧~ 我必買來儲~

新年也新出了 TSUYA 系列面霜~

M.A.C 的限量 Keepsakes Eyes / Heirloom Mix 化妝系列:

化妝品家中已有很多, M.A.C 的也佔不少. 獨樂樂不如眾樂樂, 部份已經放了在學校, 給學員們上堂時一起試用~

第 1 次收到 Body Shop 的 body gift set: 

巧合地 3 星期前自己又買了一模一樣的! 還買了幾套去做交換禮物 (當時恆生信用卡有 6 折呀!) 

Body Shop 的 body butter 我每年冬天必買, 貪其夠潤又大盒! 唯一就是香味都很濃, 而我對濃厚果味又麻麻, 每次只能買淡花香那款.... 

但今年推出的這款 "限量青蘋果味" 實在好 ok! 自己買時也是揀了這味道~