麵包機首次開爐, 跨年賀新年~

Happy new year~~~

祝大家 2015 年過得開心又充實, 平安又健康~

新年新開始, 晚上一家大細留在屋企玩麵包機, 新機終於開爐!

昨晚老公突然買了部麵包機回家, 對完全未接觸過麵包機的我, 簡直如臨大敵.....

見 facebook 上很多人都一早加入麵包機兵團, 大讚自家製好過出去買, 製成品相片又靚! 但我平時連飯都煮得衰衰, 又唔識得整餅整蛋糕, 什麼叫酵母有咩用等等全都唔知, 對住部麵包機真正零頭緒......

襯今日放假上網 search 完一大輪, 又走去屋企附近買材料功具, 決定今晚開爐 try try!

好彩, 原來只不過係將所有材料倒入去就 ok, 頗方便~

見網上的其他人玩到可以整菠蘿包 / 蛋糕等等, 我 BB 級都係試住整普通方包先.....

等候過程好期待~

關上機蓋約 4.5 小時後, 新鮮方包就出爐了~ 

賣相都 ok, 又香噴噴~

不過點解咁矮既??.....

見網上人家的都整到好高, 自己又已跟足材料份量, 完全唔知問題出在哪裡.....

食落味道都 ok~

不過對比之前在奶奶家食過的, 味道又相差好遠, 奶奶整得好 "煙韌", 我的首個製成品就比較普普通通......

再研究一下先!