2016年2月18日 星期四

HIFU 呀 HIFU,究竟係咪傳聞之中咁勁呢?~

個個打完 "HIFU" (高能聚焦超聲波),都話塊臉會變得好瘦好尖 + 好持久,firming 效果同 "RF" (射頻) 冇得比,究竟係咪真呢??

即係咁,laser / RF / botox / 透明質酸注射 / 水光針之類我全都敢做,但 HIFU 我就真係唔敢試..... 點解?? 怕痛呀!

人人都話效果雖然好,但就痛到飛起,話過程可媲美火燒的程度,仲聽過有人話 join 完 packing 都痛到唔敢再打咁誇張! 所以就算過往有 free sponsor offer 我都唔敢試,推得就推。

再者,我覺得自己塊臉又唔算肥 (雖則上鏡望落肥 10 磅),就算唔打 HIFU 亦冇損失吧? 多一痛不如少一痛。

不過~ 今次寫得呢篇文,我最近當然係已經試打完 HIFU 啦~ 又何解出爾反爾?

唔敢試 HIFU,無非係因為怕痛.....

但如果有完全唔痛的 HIFU 呢? 咁又唔同講法喇!



今次去 "Oasis Medical Centre" 試打 HIFU 前,我掙扎了 2 個月。雖然 PR 姐姐話呢款 "第 2 代新 HIFU 機" 真係一 d 都唔痛,但我仍然驚佢呃我嘛 haha~

二來都係個句,我本身塊面都唔算太肥 / 太鬆,打完會唔會冇乜分別?

於是致電曾經打過 HIFU、而本身又好瘦的閨蜜問問意見。

佢話就算本身塊臉已經瘦,打完 HIFU 都同樣有效果睇,而且打完後 3 個月仲會開始愈來愈firm,對比返半年前張相塊臉真係尖瘦好多,效果好明顯,但過程就痛到爆炸.....

然後 PR 姐姐又再 confirm 話 "第 2 代新 HIFU 機" 真係唔痛......

好啦,掙扎完畢,我決定豁出去~


(treatment sponsored by Oasis Medical Centre)


我今次打的是 "HUFU 2 Double-M 4D 超聲波緊膚儀" 

來到第 2 代,收緊 + 瘦臉 + 減紋效果當然會比上一代 HIFU 更明顯,更能重組底層承托力,仲要係無痛,而且仲有不同機頭,除了打臉、仲可以打埋眼周 + body~


(treatment sponsored by Oasis Medical Centre)


報報一般 HIFU 價格 →

我估大家都已聽過,通常打一次 HIFU 要 2 萬幾,仲要只打臉、不包眼周,絕非普通價 treatment,所以做得 HIFU 的多為中女、成熟肌、超級貪靚精等等。雖然價格貴,但亦有大把人爭住打,由此可見它的效果應該非常顯著。

而坊間有好多廣告指 HIFU 試做價平至千幾二千蚊的,就未必會係用外國機,又或者會打唔足數,效果就會有相距,所以都係一分錢一分貨。

(醫生話平均全臉每次要打 300 幾發先夠,如果用平價機打 / 或因試做價太平而打唔足數,效果自然有相差。)

今次介紹得俾大家,也當然會有優惠價,唔會萬萬聲啦~ 先看完 before & after 再講~


我開始喇! 影張 before 先 →

自己在家有保養開,又有用 Glycel 家用式 RF 緊膚儀 + Phillips VisaPure 機,真心認為自己臉不算鬆.... 所以未打 HIFU 前,都好懷疑效果會唔會唔明顯呢?.....


見完醫生開始做 HIFU 前,首塗一層厚 gel →

原理就似懷孕照超聲波一樣,冇 gel 會導唔到電。


我問醫生不用搽麻醉膏嗎???? 我怕痛喎?

醫生話第 2 代新 HIFU 機唔會痛,無需搽麻醉膏,叫我放心.....

(講真定講假呀? 我忍唔到真係會叫架喎....)


結果打時的感覺,原來仲低班過打 laser,絕對唔駛忍,因為根本就唔痛! 反而打 laser 感覺仲大 d! 真係冇呃我喎~ hahaha~

雖然過程一 d 都唔痛,不過能量應該真係去到好深層,因為打完之後返到屋企,每次用手掂到某 d 部位 (如眼周 / 面頰),都會 feel 到痺痺地,持續了 2 星期!


先打了半邊臉望望效果 →

遠睇見到虎紋減退了好多 +  臉有變更 firm


框了線後,對比更明顯 →

HIFU 果然係不同凡響喎!


再 close up 少少近睇 →

除了虎紋有減淡,那一舊二舊 "鬆拋拋" 的顴邊及腮邊位線條,都有明顯變 firm! 

真係唔做過 HIFU 都唔知,原來自己塊臉線條咁鬆.....


未做 HIFU 前,本來係 "左邊臉" 線條鬆過 "右邊" 的 →


做完後局部位置會有少少泛紅,太約 20-30 mins 後會自動散去,無需擔心 →

不過都係帶定口罩去遮遮好 d~


來個總括:

即時效果大家已睇到 before & after 相片,但其實仲未完!

由於 HIFU 能令膠原增生,重組底層承托力,而這個自生重組過程需要更長時間,所以 lifting 效果會在打完約 3 個月後,慢慢再變得顯著一點 = 會愈來愈 firm! (我剛打完 1 個月)

與 RF 的分別就是效果更明顯 + 更 long last, 依打過 HIFU 的朋友說打 1 次可 keep 8-9 個月,而打 3 次效果就可 keep 到 2 年左右!

皮膚不太鬆的話,打 1 次應該都夠開心了吧?~


至於我今次的 "Oasis HIFU 2 Doublo-M" 第 2 代 HIFU 價為 →

$980 就可以體驗新一代 HIFU 輪廓提升療程  (包全面100 發),額外仲加送以下其中個療程 ( 3 選 1):

HIFU 緊緻明眸  /  Reaction 面部緊膚  /  Thermalshape緊緻提升面部療程    

大家有興趣不妨 click 入下面官網條 link 登記試試~

https://goo.gl/wD1nMf

出面第 1 代勁痛 HIFU vs. Oasis 第 2 代無痛 upgrade 版 HIFU,其實價位相差不大,要做當然係揀第 2 代啦~ 無謂要忍痛買難受嘛~


都係想搵返醫生打?

咁就會貴返少少,打全臉 + 眼周 + 頸 x 3 次 package = $48,384

自己揀了喔~



55 則留言:

  1. Isa,請問依家仲有冇會員生日優惠? 係咪生日月份購物可以有一次性八折 ?

    回覆刪除
    回覆
    1. member 生日月份購物會有一次性 85 折優惠, 但就不包括已做緊特價的產品~

      刪除
  2. Hi Isa, 請問你覺得HIFU 2 可改善淚溝?有冇作用?如你打透明質酸,keep幾耐?

    回覆刪除
    回覆
    1. 都會有 lifting 效果, 做完會冇咁鬆咁腫, 但唔會話完全消失, 同打透明質酸效果冇得比, 因透明質酸始終係填充物, 打完真係會平滑好多~ 而打透明質酸約可 keep 6-9 個月, 視乎醫生打的劑量 + 你皮膚流失透明質酸的速度, 一般打完後頭 3-4 個月都會好靚, 而第 4-5 個月開始就會漸漸少少少少咁流失, 去到第 6-8 個月左右就會覺得效果消失七七八八, 要再打過 (但好處是每打一次, 效果就會 last 得更耐)~

      刪除
  3. Isa 你認為HIFU一定要由醫生做嗎?

    回覆刪除
    回覆
    1. 我認為打 laser / HIFU / RF 這些 treatment, 搵有經驗的治療師或醫生做, 效果都相差不太遠的, 最緊要其實係部機種 + 打足數~ 而不少人愛找醫生做 treatment, 除了因為是 "醫生" 外, 是因大部份醫生都習慣會將 limit push 得盡 d (即調教更大度數) = 效果好 d (但有時亦有機會 push 得太盡), 而治療師就通常唔會去咁盡, 以溫和 / 安全為上~

      刪除
  4. 請問這間打HIFU,在那一區

    回覆刪除
    回覆
    1. 我是在銅鑼灣 times square 對面金朝陽中心分店打的~

      刪除
  5. 請問是否已經不再代理 The Balm 產品呢?

    回覆刪除
    回覆
    1. hihi~ 是的, 因為過往已經出售了 The Balm 五年, 是時候轉轉其他新產品了~

      刪除
  6. 請問第一次打hifu,試做價4800,如果再打要幾錢嗎

    回覆刪除
    回覆
    1. 試做價會係特別平, 之後再打 package 係三萬幾 3 次 = 萬幾一次, 如果唔係特別鬆弛, 其實打一次試下都已經好有效兼可 last 幾個月了~

      刪除
  7. 請問我皮膚偏乾間中會泛紅敏感,可否適合做HIFU?謝謝你

    回覆刪除
    回覆
    1. 如果是第一代的舊 HIFU, 對皮膚易泛紅敏感的人 (包括我), 治療師都曾經叫我唔好做, 怕太 aggressive, 建議我要敷多幾次 mask 先好做, 但呢隻新款第 2 代 HIFU 我事先冇特別敷 mask 去做, 都 ok 冇野喎, 不過做完後一刻局部都會有泛紅, 約 20-30mins 就退了紅咁~

      刪除
  8. Hifu 同 thermage 你會選哪樣?

    回覆刪除
    回覆
    1. 兩者其實也有不同的, 如果主要想收側邊線條/弧度的話可揀 hifu, thernage 就收正面下垂位靚 d, 如面珠、虎紋、眼之類~

      刪除
  9. 請問試做價是打多少發的?

    回覆刪除
    回覆
    1. 會是全臉打足為止,以一般而言大約三四百針~

      刪除
  10. 請問做完之後會有consultant hard sell好耐唔比走嗎?因想試做好耐 但三萬幾三次一定唔會join package 呀

    回覆刪除
    回覆
    1. 我有 2 個 best fd 去打左試做, 冇 join package 都話完全冇 hardsell, 只係好輕輕地問考唔考慮 join package, 我見網上亦冇劣評, 所以應該可以好放心~

      刪除
  11. 下巴位有假體可以做HiFU嗎

    回覆刪除
    回覆
    1. 抱歉這點我不清楚, 都係問返醫生 / consultant 會更好~

      刪除
  12. 想問下係唔係強度越高越好?

    回覆刪除
    回覆
    1. 係, 但並非人人都可以用咁高, 如我度數用 6, 都會有 d "冤冤地" ga~

      刪除
  13. 請問現在還有優惠嗎?打一次保持幾個月,幾個月後是否打回原形?抑或期間勤力保養,會保持得耐啲?你現在效果如何呢?需要再打嗎?

    回覆刪除
    回覆
    1. 呢個 $4800 優惠冇左好耐了, 我上網 search 到佢最新 HIFU 優惠係呢個 $980 試做, 但就只打 100 發, 會冇打足發數咁 firm, 不過就平好多囉: http://oasis-group.com.hk/oasis/裸肌體驗HIFU輪廓提升.html 而如果打一次, 冇錯只能 keep 半年左右, 期間勤力保養會 keep 得耐少少, 但都唔會話 last 得長好多, 而我係打完呢次 trial 後, 後來都有返去再打多 2 次, so far 都覺得好滿意, 人人都話係 firm 左、塊面尖左, 只不過就對每朝起身塊面水腫問題冇幫助咁解~

      刪除
    2. 唔該晒!
      睇佢哋嘅條款,原來要攞客人好多個人資料,好似身分證都要攞埋。
      HIFU 有無副作用呢?會否傷及皮下組織?

      刪除
    3. HIFU 就唔會話傷及皮下組織, 亦冇乜副作用, 只係如果打得太多次會 firm 得滯, 令塊臉冇咁飽滿 (不過兩睇, 有 d 人鍾意 firm, 而有 d 人就認為有 baby fat 飽滿 d 好睇 d), 所以如非去到太大年紀太鬆弛的話, 一般都只建議打 1-3 次, 同埋不可以打得太近眼球, 會影響視覺 (不過一般都只會打眼底, 唔會好貼眼球, 只係 hk 曾經試過有新聞指有唔知邊間的美容師傻左, 打埋客人上眼皮而影響視覺)~

      刪除
    4. 多謝你咁詳細嘅回覆。
      我都想收眼肚丶收緊虎紋同包包面,佢哋依家嘅優惠價只係打一百發,未知效果有幾多,即管試下啦!不過如果正價萬萬聲都好大開支。

      刪除
  14. 我40+歲,毛孔(兩面頰及鼻)粗大,而且眼袋非常明顯。請問打hifu對我來説還會有效嗎?

    回覆刪除
    回覆
    1. hifu 對收細毛孔功效唔算好明顯, 主要係收緊鬆弛, 而對收緊眼袋亦有效, 只不過打完亦唔會冇晒眼袋, 只係會有改善, 同埋打完 hifu 後 3 個月功效會最明顯~

      刪除
  15. 我減緊肥,已減10磅,預計再減25磅左右。咁而家做HIFU好定減完肥做好呢?

    回覆刪除
  16. 作者已經移除這則留言。

    回覆刪除
  17. 我本人皮膚缺少,暗啞。做完HIFU之後可否改善我的問題?做HIFU有什麼風險?謝謝!

    回覆刪除
    回覆
    1. 做 HIFU 並沒什麼風險, 不過 HIFU 作用是收緊鬆弛為主, 對皮膚缺水及暗啞並沒太大幫助~

      刪除
  18. Hi, 你好!我剛做完HIFU,但唔知下一次最好係幾時打呢?

    回覆刪除
    回覆
    1. 通常係隔 1 個月, 不過我就好懶會隔 2 個月, 同埋認為隔耐少少去好 d, 始終皮膚都要時間 cool down 嘛~

      刪除
  19. 打完botox隔幾耐先打得hifu

    回覆刪除
    回覆
    1. 美容師一般會話隔 1 個月, 但我就認為最好相隔 2-3 個月, 怕會影響 botox 效果 (其實應該打完 hifu 先打 botox 會好 d)~

      刪除
  20. 其實成個療程係要打幾多次? 個PACKAGE又包幾多次? 成個PACKAGE TOTAL要幾多錢?
    好想做, 但又BUDGET有限

    回覆刪除
    回覆
    1. Package 係 3 次,一般來講都係做 3 次就夠,皮膚唔太鬆嘅話甚至做一次都會有改善,但如果好宋慈的話就要做多過 3 次了~ 至於價錢方面,由於我已經係上年打,而家都唔太清楚佢係幾多錢,或者可以直接打上去查詢~

      刪除
  21. 打完透明質酸隔幾耐可以打hifu

    回覆刪除
    回覆
    1. 依治療師嘅建議係隔 2 個月,但我自己就認為隔 3-4 個月會比較好,因為太快打 hifu 會令透明質酸流失的~

      刪除
  22. 想問下t-zone位係咪吾會打?

    回覆刪除
  23. 做完hifu隔幾耐可以做facial?

    回覆刪除
  24. 做完埋线,可以做HIFU?

    回覆刪除
  25. 做完埋线,可以做HIFU?

    回覆刪除
    回覆
    1. 最好做完 HIFU 先做埋線, HIFU 的熱力會令埋了的蛋白線加快流失~

      刪除
  26. 打眼袋有冇試做價?要打幾多發?

    回覆刪除