花了幾日時間先寫好 "韓國搵食篇"，實在太多相!
韓國普遍間間餐廳都比 HK 平 (HK 租金貴嘛) + 地方大裝修靚，仲有好多好野食，去到會顛食 / 豪食係好正常!
例如我們今次豪食 5 日，每人夾 $1800 就可以食到一日四餐 (平有平食、貴有貴食，但豪極都平過 HK 接近一半)。呢 $1800 除了食，仲已經包括埋來回機場租車錢 + 5 日行程 taxi fee 喇~
不過韓國 d 野全部大大碟，前菜又多，建議夾到的話人多去會更好，人少就真係食唔到 d 乜。另外韓國搭 taxi 平過 HK，如果唔識路，最好就係打的唔使搵餐死，俾個韓文地址司機睇就 ok。
人人都話韓國辣食多，唔食辣的人會冇啖好食，我都唔食得辣，就同大家 share 唔辣的菜式味道如何吧~
先來港人必去勝地 "馬山 醬油蟹" →
無他，純絮因為杜如風節目內推介過，已變為港人必去景點，所以要試~
(如酒店住明洞搭 taxi 去這裡大約 $100 左右)
4pm 去食呢一餐算係..... 下午茶??
單係附設的前菜已經食得飽你......
本來叫一碟醬油蟹 (一碟 3 隻 / 約 $400)，唔知點解變左 2 碟! 係溝通問題?
照食~~
d 蟹膏多到呢......
"醬油蟹" = 生蟹，不過因為夠生鮮，我同另一位出名腸胃麻麻的朋友食完都冇事~
口感係淋到要啜、冇肉咬個種，有少少腥，不過個醬油味都 cover 到，腥腥地 + 咸咸地咁。朋友們個個食到津津有味，我就有 d 怕腥 + 覺得冇肉咬要啜個 texture 好古怪，唔多習慣，又怕自己腸胃麻麻會頂唔住，所以試完 3 舊就放棄，都係鐘意食熟蟹多 d。
HK 都有得食醬油蟹，不過於韓國食應該會地道 d?
"醬油蟹膏拌飯" →
都係生食，生蟹肉 + 生蟹膏 + 生蛋 + 紫菜 + 珍珠飯溝埋一堆。
係好味既，口感屬極度黏稠漿漿地個種，不過因為都係生食，share 試幾啖就算，唔敢去咁盡。
醬油蟹店貌 →
地址 →
明洞「Chir Chir 炸雞連鎖店」Fushion Chicken Factory →
韓國真係求其一間炸雞店都好食過 + 平過 HK，而「Chir Chir」也是有名氣的連鎖店，有韓星代言，中國 / 台灣亦有分店。
首爾市中區乙支路 2 街 119-39 號 2/F
tel. no.: (82-2)3187295
Chicken Nuggets 炸雞塊 →
當然同麥記雞塊冇得比，有雞味之餘，芝士絲可以拉得長過 pizza hut 九倍!
呢碟芝士控真係唔可以錯過! 我超愛~
炸雞 →
漿粉夠薄，炸得夠脆，肉質夠厚夠鮮，值得試~
辣雞 →
我唔食辣所以冇試，朋友們話好好味，但就辣到出晒汗。
碟碟咁大碟，都只係 $130 左右一碟! 不過你話人少真係點食好....
另外韓國人出名鐘意飲酒，啤酒 / 燒酒由食飯已經開始飲，而且好鐘意飲到醉一醉....
所以晚上如見到呢個情景並不稀奇! haha~
朋友們仲研究佢個 pose 研究左好耐.....
我本來係想介紹呢間韓燒，不過之後試到一間更好食、更地道又更平，所以呢間大家望下算，唔推介試 →
呢間雖然係好食，但每位約 $400-500 太貴了! 仲要冇乜 service。
生牛肉拌飯 →
生牛肉沙律 (雪梨條) →
其實好多間韓燒都可以食到，唔使去呢間咁貴。
想食 A++ 牛肉韓燒的話，極力推介去呢個牛肉批發市場! →
係朋友的韓國 friend 推介的，遊客比較少 (暫時)
如於明洞搭 taxi 去 meat market 大約 $100 / $100 內。
Nice to MEAT you!
成條街都係牛肉批發，有幾十檔! 最正係遊客唔多~
你稍為行近，每檔的檔主們就會衝出來介紹，超熱情~
(大部份韓國人都識講少少國語，就好似 HK 人識講少少英文咁)
奄尖腥悶的朋友們行勻幾十檔，最終揀了呢檔 →
招牌 →
識揀請揀最頂級的 A++ 牛肉，平過 HK 好多好多! 仲要好大碟!
揀完俾 $ 之後.....
就可以行幾步拿上 3/F 自己炭燒!
夠地道了吧~ 零遊客~ (不過冇冷氣)
有白飯 / 前菜 / 飲品供應，另外俾錢，呀之媽識講流利國語。
自剪自燒全自助~
真正炭燒! 好食到冇朋友~
識講少少英文的 60 幾歲老板，見我地雞手鴨腳，怕我地槽蹋左 d 靚牛肉，忍唔住出手賜教!
示範牛肉煲湯 →
仲教整紫菜飯團 →
頂級韓牛自購 + 樓上炭燒食到飽一飽，夾埋每位只係 $190，如此質數 HK 食的話冇四五百唔使諗~ 呢處係必去!
肉檔卡片 (上) / 炭燒卡片 (下) →
輪到極多遊客幫襯的「土俗村 人蔘雞」→
明洞打的去約幾十蚊。
真係派哂長龍.....
大多係港人 / 日本人 / 內地旅客，大約排 20-30 mins 左右。
如排隊中沒事幹，可到身後的「MIRABEAU」買杯野飲，亦有雪糕 →
「土俗村 人蔘雞」內貌 →
係好有 feel 既~
P.S 要除鞋食飯
人蔘雞約 $100，好抵食! 滾到不得了!
1 人食一煲又太多，2 人 share 又太少，結果都係一人一煲~
真係有成隻雞! 仲塞埋珍珠米~
另外碟海鮮煎蛋餅又係超好味!
條人蔘仲粗過手指!
呢間係好值得試~
而杜如風推介的明洞區「黑豚家」→
炭燒黑毛豬!
首爾特別市中區乙支路 2 街 轉角位
서울시중구을지로2가199-40아르누보센텀빌딩지하1층
首爾特別市中區乙支路 2 街 轉角位
서울시중구을지로2가199-40아르누보센텀빌딩지하1층
呢間價錢偏貴，每碟約 $140 (唔大碟)，service 冇乜，但就好出名，而且好味，又近明洞住的酒店，去得旅行冇理由唔試~
明洞內的「咸興麵屋」冷麵店 →
都係遊客必去點~
首爾中區明洞2街 26-1
冷麵有辣有唔辣，約幾十蚊一大碗，個人認為唔辣清湯味道真係差 d，會冇乜味，不過冷麵口感就好煙韌~
餃子亦值得一試~
真係好大碗，5 個人食 3 碗都好夠 →
韓國人食量大，港人食量細，d 野又勁大碟，試過去好多餐廳 5 人點 4 碟都會被白眼，佢真係預你一人食到一碗。
(牛肉湯是送的)
韓國人食量大，港人食量細，d 野又勁大碟，試過去好多餐廳 5 人點 4 碟都會被白眼，佢真係預你一人食到一碗。
(牛肉湯是送的)
甜品篇 →
勁多人介紹的 "OSULLOC" 綠茶 tea house~
東大門中區乙支路 6 街 18-134
綠茶控係咪留緊口水? haha~
綠茶雪糕 / 飲品的確係正!
但刨冰就一般，真係一粒粒冰，磨得唔夠綿。
而蛋糕的口感唔夠綿軟 + 乾，同美心差唔多。 (不過裡邊的 cream 就好滑好好味!)
認為韓國好味的甜品店 / coffee shop 太多，這家試下 ok，唔會 encore，簽個到就算，到此一遊。
Tea House 2/F 內貌 →
"OSULLOC" 的綠茶醬 / 茶包 / 茶葉都好出名，百貨公司內亦有專櫃，做手信一流~
仲有一 d 特別味道的西茶 →
我就買了一盒綠茶茶包，約 $30-40 →
的確係唔錯~
(同台灣 "天仁茗茶" 茶包差唔多味)
至於周街都有的「Coffee Smith」coffee shop →
Waffle 其實係超正!
嘆咖啡之餘可以順便試試~
Waffle 控仲一定要試埋「Beans Bins Coffee」! →
見到一定失守!
有多間分店，我酒店住明洞，當然係去明洞分店，於 Savoy 酒店 2 /F。
勁大碟! 勁好味! 諗起都想再 encore! 好想食! 好想食!
100% 鬆餅控 ^^
(約 $90-100 碟)
"Lady M" 梨泰院分店 →
行行下經過突然見到，即刻衝入去!
甜品控絕對知邊間係 "Lady M" 啦~
不用我多介紹了吧，尖沙咀海港城都有~
首爾市龍山區梨泰院路178
서울특별시 용산구 이태원로 178
而分別係....
韓國呢間有 3 層高，唔使好似 HK 咁排長隊，唔使 book 位，大把位你坐，更唔使怕遲去 d cake 會 sold out~
Cake 櫃 →
屬自助形式，買完俾錢搵位坐低食，食完自己清理返 d 垃圾。
5pm 去都仲有 cake 剩，全部款都仲有少少可以揀，已經算係咁，如 HK 同一時間去就肯定冇得揀。(約 $40-60 / 件，唔算平，勝在真係好味)
食完滿足晒，唔使響 HK 排隊再食喇~ yeah~
另外成間 Lady M 光線都好充足，3/F 仲要係露天，別錯過瘋狂影相的機會 ^^
明洞街頭小食檔s→
咸 / 甜小食都有，密密麻麻超多檔，但其實來來去去重複都係個 d，連招牌都一樣。
試過烤魷魚及螺肉都好 ok，而 "士多啤梨紅豆茸糯米磁" 就建議唔好試，甜到食唔到咁滯。
下圖香蕉雪糕 pancake 好想試，不過都幾大份，食完唔使旨意食到其他，同埋一諗到邊行邊食都幾 "呢 hea"，加上韓國周圍都冇垃圾筒，結果放棄....
明洞街邊周圍都有的 "雪糕夾餅" →
如同韓國任何一間甜品店 / coffee shop 內的雪糕 waffle 比較，係冇得比，呢個只係麻麻，談不上好味，建議留肚試其他好過。
又係明洞街邊周圍都有的 "蜂巢雪糕" →
係甜到漏，但值得一試~
蜂巢更可以一盆盆買返 HK，照辦煮碗自製 "蜂巢雪糕"。
而韓國好多地方都有的 "PARIS BAGUETTE" 麵包連鎖店 →
有點似 HK 的 A1 Bakery，但好食百倍!
買過好幾款麵包 / 蛋卷試，全部都好好味!
機場都有，我係上機前買返 HK 俾屋企人食，不過頂多放 2 日，唔好買太多~
酒吧篇 →
當然有去杜如風推介的 "The Bungalow" tropical lounge 清吧啦! 即係有露天按摩池主題房個間~
首爾市龍山區梨泰院洞 112-3
서울특별시 용산구 이태원동 112-3
有好多間不同主題房，裝修的確靚，仲有 3 層高~
可惜當日露天按摩池主題房冇開，求其揀一間房坐。
門口 lounge 房 →
中東 feel 主題房 →
焗桑那 feel 主題房 →
埃及 feel 主題房 →
不過因為好多間主題房都係沙地，有蚤咬......
同埋 d 野飲係全體一致認為屬難飲地步，飲半杯放棄那種，價錢亦比其他酒吧貴，唔太推介.....
其實同一條街有極多清吧 (就似 HK 尖沙咀的諾士彿臺加長版)，好多選擇，又冇咁貴~
例如同一條街下午坐低飲過的「Craft Hans Bar」都不錯 →
炸雞仲要好好味! (當係下午茶)
超市零食篇 →
雖則我都買左好多零食，不過HK 乜都有，真係唔使韓國特登買。
大部份係手信，都分享一下~
賣到斷市的 Honey Butter Chip 薯片，係好食但好濃味，我就麻麻地 →
反而右邊包紫菜脆片勁好味，可以大量入手~
Market O 朱古力餅乾 →
係好好食! (不過 HK 都有)
朱古力孖條 + Brownie，偏甜但好味! (不過孖條又係 HK 有) →
蕉 cream 味朱古力蛋糕 →
甜到顛左，不過味道幾好，小朋友勁 like，但真係太甜了....
(大家知韓國人嗜甜)
朱古力夾心牛角包 →
同事 / 屋企人話好味，我試過就覺得一般，始終唔會及得上新鮮麵包。
買返屋企即日被 K.O 的紅豆魚 →
算幾好味，又係甜甜個種，屋企有 2 個紅豆控。
下面個盒好好味! 上面個盒就一般 →
裡邊煙煙韌韌~
朱古力好味! →
茶包買過幾款都相當唔錯~
柚子茶係特產，當然好飲啦~
仲有便利店有售的包裝飲品，約 $7 包 →
諗住買俾小朋友試，但甜到漏! 唔溝水飲唔到，不推介。
Iced Chocolate 就好好飲，不過都係好甜，要加大量冰塊溝稀。
加插明洞「真槍射靶場」→
就於明洞市購物區內，比在 HK 或外國玩更平~
朋友中有位是督察，想特登去試射 HK 冇的槍款，於是一齊去陪玩 (難得放假都要玩槍....可能只有愛槍之人先明)
射了幾槍之後，導師 feel 到佢識得用槍，紙靶就被拉遠了.....
門口有模型供免費影相 →
槍款有好多，package 大約是 $300-500，包換 2-4 款槍 / 50-100 發子彈 (視乎你點揀)。
用的是實彈 →
玩完後張 "成績表" 仲可以帶返去留念 →
看吧.....
朋友根本就是帶我們去睇他 show off.....
至於我就興趣不大冇玩到，買杯 coffee 坐低休一休算了~
沒有留言:
張貼留言