一直冇分享過呢輯工作相，係因為.....
行行都有行規，化妝師亦唔例外。
每逢接洽廣告工作，為了將造型 / 廣告構思 / 場地等資料保密，所有工作人員都要等廣告出街後先可以 post 相，快則完 job 後 2-3 星期，慢則 1-2 個月。遇上多 job 時真係會唔記得 follow，分分鐘會遺忘自己有接過呢個 job!
而我今次就正正就係相隔太耐，唔記得咗，哈哈哈~
是次廣告除有糖妹之外，仲有電影 "那一天我們會飛" 的演員蘇麗珊~
Artists 等埋位的時候會做 d 咩?
同人人一樣鐘意玩自拍囉~~
今次拍攝換了好幾個場景，由朝早 9 點拍到夜晚 9 點，體力搏鬥呀!
所以其實做 artists 都唔係想像中咁易~
以為簡簡單單就可以拍出一條廣告片?
其實拍攝隊 + 化妝師 + 髮型師 + 助手 + 廣告公司 team + 客戶加加埋埋成 30 人，足以湊夠 2 隊足球隊! 就算係室內拍個普通廣告，一般都會有十幾人㗎~
真係唔講唔知，大圍竟然有咁靚嘅地方!
其實係一條村內的小店~
小雲 look →
由於當日拍攝 over run，我又趕住返公司教班，所以夜晚最尾呢個妝就交由助手化妝師 Yankee 負責喇~
廣告製成片 →
仲有呢個 video 原來都冇 post 過 →
仲有好多漏網之魚，搵日要搵返晒出嚟先~
沒有留言:
張貼留言