每次化完一日 big day 總會耗盡體力，要休息返 1-2 日 ZZZzzz 先回到氣，唔似得後生時可以連接 2-3 日 bid day 唔喘氣，真係今時不同往日呀，而家係一個月頂多只敢接幾單就要迫自己收工 haha~
(至於大家的留言我會明晚回覆的了，等我過一日 family day 先 ^^)
btw，真係要讚讚今次新娘子個 run down，plan 得超級有條理，令全日流程順暢到不得了!
仲有一班專業級數兄弟姊妹團! 我做咗咁多年新娘化妝，都未曾遇過有一班咁幫到手、咁盡心盡力、咁有 teamwork 精神的姊妹團~ 勁~
絕大部份姊妹都係去扮靚影 selfie、掛住自己補妝的，完全唔識得照顧新娘子，樣樣都會問返新娘點算，攪到新娘子忙上加忙一頭煙，晚宴一開始仲會唔見晒人，頂多只有伴娘會幫手......
而今次婚宴呢班姊妹，我真心認為係專業級數，全日不單止唔需要新娘子操心，應付晒所有 tasks，完全清楚各自做 d 乜，無時無刻自動自覺走入新娘房幫手，又將所有野有條有利收拾好，到婚禮完結時，新娘子真係可以拎野就走得，勁貼心~
要頒個姊妹團金獎~
1 月其中一位姊妹結婚，到時又可以再見過佢地~ 正~
至於今次個新娘造型......
掛頭頭飾係我之前買的保鮮花，雖並非鮮花，不過望上去其實冇分別~
免除新娘子們婚前抽時間花錢買鮮花之苦~
註冊造型以清新簡潔為主 →
戶外註冊我最鐘意~
有陽光嘛~
迎賓 look →
變返小貴婦~
Match-in look →
當然要揀個耐看的造型~
髮型側面睇係好靚 ga ^^
用的同樣係保鮮花頭飾~
送客髮型 →
最鐘意呢類馬尾 look，夠年輕又簡潔~
唔係下下要 set 到個頭行晒、360 度都有野睇先叫靚嘛，近年興的新娘 look 都以清新簡潔為主的，會比較冇咁易 outdate，望上去又後生 d~
輪到靚靚媽咪造型 →
成日都有準新娘子問媽咪 / 奶奶妝髮可以點整?
其實媽咪妝一化得濃就會顯老，只要底妝打得好、遮好個眼袋、托返起個雙眼皮、畫返堂眉、少少唇色同胭脂色就 ok 喇，最緊要化得精神、化得後生~
如短髮媽咪髮型就 set 鬆 + 捲曲少少都已經好有貴氣~
不過我承認化媽咪妝 vs. 後生女妝係完全兩套技巧，我都見過有好多媽咪妝被化得好肉酸、化完仲老多十年 or 變得俗氣，簡單 d 講即係唔識化，夾硬將化後生女個套用在媽咪妝上.....
所以點解化媽咪妝叻的 makeup artists 一般會更搶手 / 可以收得更貴，就係呢個原因了。
每一場婚宴工作都講求 teamwork，當然要感恩自己有一班超級極度好的化妝團隊，夾到絕頂~
仲要感激新娘子對我的無限信任，將人生重要一日交俾我，俾機會我見證你們的寶貴一刻 ^^
Makeup by Isadora / Hair by Mun @ Makeup Secret
(Assisted by Maan / Rose / Waka)
Makeup Secret 造型相簿:
造型服務價目表:
沒有留言:
張貼留言