極乾肌 / 敏感肌過冬面霜推介 → Melvita「有機 3 重蜂蜜潤澤面霜」

尋日剛剛推介完貴婦級價錢晚霜，等我今日又推介返一款平價少少嘅面霜啦~

就係下圖呢支 Melvita「有機 3 重蜂蜜潤澤面霜」喇 →

我上年冬天都有介紹過佢，當時係因為自己抓損咗塊面、皮膚有傷囗感染發炎而用佢，用咗一星期就開始見有好轉，加上質感豐厚滋潤，冬天連乾性皮膚用亦好夠潤~

售價仲好親民添~ 

產品資料 →

專為乾燥及敏感肌膚而設的皇牌產品，蘊含 Melvita 獨家有機 3 重蜂蜜成份，以及矜貴的有機蜂皇漿及摩洛哥堅果油，高度滋潤保濕，為肌膚補充豐富的 Omega 6 及 9，加強皮膚細胞的聯系，提升肌膚的防禦力。配方特別加入有機甜沒藥，紓緩肌膚，預防皮膚出現發炎問題。

$360 / 40ml @ http://hk.melvita.com

呢支面霜係針對極乾燥肌 / 敏感肌而設，對敏感肌或者只係間中過敏用來講，我覺得佢抗敏功效係一流，用幾日就可以好快察覺到改善，亦有非常好嘅舒緩作用，仲連濕疹皮膚都可以用~

而假如唔係敏感肌、純粹係極乾膚質 / 乾到痕的皮膚用佢的話，滋潤度亦係好高、搽完會有層滋潤膜封住咁 feel，對紓緩乾燥 / 痕癢效用亦相當好，售價又夠貼地~

至於撫平乾紋效果我都覺得唔錯，不過因為佢質感比較厚杰，真係要極乾燥肌 / 成熟肌先用到，其他膚質必會嫌太厚，有層膜漿住咁。

另外就係雖然我皮膚都好乾，不過日間妝前用佢都會嫌太厚 (視乎你皮膚有幾乾)，所以我就只會於晚間睡前用。

呢支我總會 keep 住看門囗，預防皮膚過敏時用~

乾紋 bye bye，好潤 →