2016年12月9日 星期五

2 款新上架 *抗老修復科研面霜* Lady Gaga 都話好用嘅 FILORGA

前日講到公司今個月都有唔少新產品,當然都係我試用過認為 ok 的,特登於 X'mas 前上架,等大家可以平少少買嚟 try try~ 

例如本身已經好有名氣嘅西班牙醫學護膚品牌「ENDOCARE」、同埋法國科研品牌「FILORGA」嘅面霜,都係二三百蚊價位左右,勝在價錢唔貴之餘又有效果睇~

ENDOCARE 我之前都有推介過佢精華,到而家仲用緊 →



而今次呢款「Endocare Gel Cream」就比較適合 "油性肌 / 混合肌 / 年輕肌" 日間用→ 

Gel Cream 
活肌修復面霜

成份含 4% SCA 活肌修復因子、Hygroplex 天然補濕因子、Pentavitine 長效天然補濕因子、Hydroxyethyl Cellulose 緊實細緻因子,具強效補濕、減淡乾紋、改善粗糙暗啞、活化肌膚並提升抗氧力功效,用後肌膚回復光澤細緻。

適合日間使用。


原價 $330 / 30ml

X'mas Sale $260 @ Makeup Secret


點解我要咁強調係日間用?

因為依官方介紹 + 所有有賣佢產品嘅舖頭所指,呢樽面霜係可以 "早晚使用" 的......

但係我望真 d 成份表,就發現佢係有防曬成份,唔適合夜晚用。 

所以做日霜會比較合適,加上有吸油成份,搽完唔會反光,又唔厚重唔影響之後上妝,同時又可以 blur 到毛孔細紋,皮膚會光滑 d、有 d 光澤感~ 


不過就冇寫明防曬度幾多,所以建議 on top 都係要再加層薄薄防曬霜。

(但如果只係落吓街飲茶嘅話,咁就唔使再加防曬霜都得喇)


以公司比較年輕嘅廿幾歲同事所講,就話覺得呢盒 ENDOCARE 好正,話好保濕、平滑到毛孔細紋、感覺輕盈唔黏身、搽完皮膚即刻滑咗咁~

但如果以我中女乾性皮膚用,就覺得有 d 唔夠潤,肌齡始終相差十年就十年~ 😂

所以我覺得佢會比較適合油性肌 / 混合肌 / 年輕肌用~

搽完的確係好滑、又 blur 到紋理 / 毛孔 →


另一款適合 "混合肌 / 乾性肌" 早晚用嘅「FILORGA Hydro-Filler 保濕煥膚霜」→

FILORGA 呢個法國科研品牌香港都有專櫃,响外國亦頗有名氣,自從俾 Lady Gaga 點名讚過好用之後就出晒名,而佢嘅產品總監仲要係 Chanel 嘅前任總監,認真巴閉! 

全球好多國家都熱賣,勝在價錢唔貴又有效果睇~


Hydra-Filler® Pro-youth Boosting Moisturizer 
保濕煥膚霜 

以 2 種大小微細份子透明質酸 + 專利成份 NCTF® 注入多孔微球體內,有效確保成份能完全釋放於老化肌膚細胞中,促進膠原蛋白的合成,減少皺紋、改善乾燥、 高效鎖水保濕。

可早晚使用,適合混合肌 / 乾性肌。 


原價 $420 / 50ml

X'mas Sale $398 @ Makeup Secret 


以我中女乾性肌 x 冬天乾燥季節嚟講,我就鍾意呢一盒 FILORGA 面霜多 d~

純粹係對號入座,皮膚乾就梗係要用 d 潤返些少嘅產品嘛,皮膚油就會用 ENDOCARE 日霜更好。


以日霜用計,我係覺得好 good 嘅~

夏天又熱又侷,我好少會搽日霜,通常只搽防曬霜取代。

但冬天就唔同講法喇! 尤其我呢 d 乾性肌,冬天面油都唔多滴,好多時就算搽完 1-2 款精華素、再加埋防曬都仲會覺得唔夠潤......

所以就會响搽防曬霜之前、局部响特別乾嘅位置上 (如鼻位、面頰) 搽少少面霜打個底,預防甩皮 / 現乾紋。

天氣凍時更會全臉搽~


至於當晚霜用又點呢?

我夜晚用嘅精華素、會比日間用嘅更潤,而之後再搽呢盒 FILORGA 都覺得已經好夠潤~

搽完會好似有層保濕膜包住,有柔膚效果、摸上手軟綿綿,亦可以見到乾紋 + 皮膚彈性有改善,同時又唔會油光滿面、零油膩感~ 


但如果你夜晚用嘅精華素係屬於好薄、好稀身一類,而同時你又屬於皮膚極乾嘅話,咁用呢盒面霜就可能會略嫌唔夠潤,所以都好視乎你用邊類精華質地去配合,又或者皮膚有幾乾。

我就屬於搽咩 skincare 都會 9 秒 9 吸收晒嘅類型,所以晚間精華素會用更潤身的,之後再搵層面霜封住佢就剛好,唔使下下搽到油淋淋~

以價格計屬性價比高,搽完即時 feel 到改善 →



銷售點 :
專業化妝課程 ● 化妝服務 ● 化妝品零售          

香港九龍尖沙咀廣東道 116-120 號海威商業中心 12 樓 B 室 (位於 Apple Store 旁邊)
星期一至五 1:00pm - 9:00pm / 星期六 12:00noon - 8:00pm (逢星期日休息)
查詢電話: 2311 9682 
所有貨品項目及優惠: http://makeupsecret.com.hk/products

歡迎親臨店舖購買、或 click 入 Facebook 專頁 透過 Inbox 訂購 (順豐速遞, 運費自付): https://www.facebook.com/makeupsecret.hk/





10 則留言:

  1. Hi Isa! 請問你會唔會考慮出d關於新手化妝技巧同埋價錢較平化妝品既片呀?

    回覆刪除
    回覆
    1. hihi~ 新手化妝技巧的 video 以前都有拍過好多, 不過都明白已經係 N 年前勁舊 + 以前拍 d 片唔夠高清, 等我慢慢又再翻拍下同大家補下習~ 另外化妝品方面, 其實唔需要一定跟足買我 video 內用的化妝品, 只要用類似顏色的化妝品 / 用返自己手頭上有的產品都同樣 ok 的, 最緊要係個技巧~

      刪除
  2. Isa,個日係你地買左支伸縮圓遮暇掃,但係支掃篤係手既時候 一邊用會一邊縮返入去,側邊金色制是否壞了,這是正常情況嗎?如不是,可否更換?

    回覆刪除
  3. Isa,個日係你地買左支伸縮圓遮暇掃,但係支掃篤係手既時候 一邊用會一邊縮返入去,側邊金色制是否壞了,這是正常情況嗎?如不是,可否更換?

    回覆刪除
    回覆
    1. hihi~ 個金色制本身係唔會自動卡實的, 用的時候要好似我拍 video 咁、用個蓋套於掃柄尾去將個金色制定位~ 如果唔明白歡迎 facebook inbox 我地, 再影相示範俾你望望~

      刪除
  4. 29 歲適合用那Hydra-Filler® Pro-youth Boosting Moisturizer 定endocare gel cream ? (混合偏乾)

    回覆刪除
    回覆
    1. 29 歲 + 混合偏乾皮膚冬天用 Hydra-Filler 會好 d 呀~

      刪除
  5. hi , 請問有沒有用過或聽過 MaryKay 化妝品啊!好用嗎?

    回覆刪除
    回覆
    1. hihi~ 抱歉 Mary Kay 我只係 N 年前用過佢的胭脂, 至於佢而家的化妝品我就未試過了~

      刪除
  6. 用Endocare gel cream 會出擦膠碎

    回覆刪除