日本人主理嘅 "植眼睫毛" + gel 甲店「Carte Blanche」

年尾可能工作太忙、chur 得太盡，攪到病完又病，呢頭病好、嗰頭又再次發燒 + 扁桃腺發炎，睇咗三次醫生，而家把聲唖咗，但雙手健全，見今晩精神好返少少又繼續寫 blog~ 😂

早幾日拍嘅 facebook live 內提過我去 "植眼睫毛" 嘅，就係呢間尖沙咀「Carte Blanche」喇，而 gel 甲我都係喺呢間整~

呢間雙層嘅「Carte Blanche」由日本人開，客人亦多為日本人 (至少我去過 3 次都唔見有香港客)，除有 gel 甲 + 植眼睫毛服務外，下一層仲有髮型屋，髮型師就多為日本人。雖然唔係所有技師都係日本人，不過全都同樣有日本技師專業資格，技術確係仔細好多~

Booking 時請有心理準備用簡單英語 / 國語溝通，因為接電話嗰個好大機會係日本人。

先講 "植眼睫毛" →

上個月第 1 次去整時太貪心，自己揀咗激長嘅假睫毛，雖然化咗妝之後望上去都幾靚，不過素顏嘅時候望落去就誇張咗 d。

第 2 次去補植睫毛時，就揀返短 d 嘅毛毛加插，即刻自然好多 →

鐘意佢 d 假睫毛夠粗黑，植完睫毛已經好似有條眼線咁! 而且手勢好好，整過 2 次就算大力眨眼都完全唔覺得痛，亦唔重身，係一條真睫毛接駁一條假睫毛嗰種~

而整 1 次可 last 約 3-4 星期，不過因為期間有 d 會掉落 (係好正常)，所以每 3-4 星期要去補植一次。

想 keep 得耐 d 就要用卸妝水 + 棉花棒卸妝，忌用含油份的卸妝品如 cleaning oil。

第 1 次整我係每眼植咗 60 條，價目表 →

植眼睫毛 : http://www.carteblanche-hk.com/?page_id=89&lang=zh

Gel 甲: http://www.carteblanche-hk.com/?page_id=86&lang=zh

去前我已經比較過其他尖沙咀區同類 "日式植眼睫毛店"，由於有 d 話好 hard sell、有 d 就太貴、有 d 就話麻麻，而 KP 我好耐以前已經試過，太平嘅又唔敢試，最終就揀去呢間試。

整 gel 甲 (手或腳)  / 植眼睫毛都照價有 8 折，如同時整任何兩樣就有 7 折 (至 12 月 31 號，不設指定技師)。如我上次剛好係抽到日本技師整睫毛，而 gel 甲就香港技師整。

補植睫毛就 $12 條，如 3 星期內去補就再有 8 折，上星期我去補時差不多已甩咗一半，就俾咗 $500 幾 (比正常人甩得多所以特別貴，因為我唔聽話用卸妝油卸妝)。

而真睫毛亦唔覺因為咁而斷多咗 / 或者變弱咗 (以前試過去好平嗰 d 就有呢類缺點)。

內貌，全層樓都係佢嘅，出面有 gel 甲枱 →

裡邊有植睫毛床位 x 2 間 →

趕時間的話仲可以一邊植睫毛、一邊做指甲 (當然要預早 book 先有) →

整腳 gel 甲的話仲有街景睇 →

整腳 gel 甲個位勁靚! →

不過我就未試過整腳。

輪到我嘅 gel 甲 →

平時咁多年都係自己整，礙於技術有限，整來整去都只可以換換顏色咁，悶死之餘又難諗款式，間中出去俾 professional 整係唔同 d! 花款多好多~

完成後 →

超級鍾意! 靚過平時自己整好多! 自己就真係整唔出呢個 level~ 😍

不過呢張相其實已經係 3 星期前，又係時間要換喇.....

同我當日對鞋襯到絕! 勁 bling bling~ 😂

「Carte Blanche」→

Website & price list:

http://www.carteblanche-hk.com/?lang=zh

Facebook page:

https://www.facebook.com/CarteBlancheHK/?fref=ts

尖沙咀麼地道 30 號 Mody House 2/F

27391966 (要預約)

開 10:30am - 8:00pm