2016年12月21日 星期三

食得落肚嘅 "分子酊"! 美國 Honey & Belle 神經醯胺抗老補充劑

"分子酊" (Ceramide,又名神經醯胺) 呢個被喻為補水之王嘅保濕成份,除咗係皮膚天然脂質保護屏障之外,保濕功效仲要比透明質酸強 16 倍,又易被皮膚吸收,唔少高效保濕護膚品都有佢嘅存在,就例如 Phyto-Lab 同 MD Skinical~

如果你對 "分子酊" 唔熟悉的話,其實 "分子酊" 本身係皮膚表層結構嘅其中之一,專門負責抓實角質細胞、等細胞排列得齊整 d、鎖住表層細胞水份,皮膚望上去就更水潤、有彈性、飽滿同平滑~

不過隨住年齡增長,"分子酊" 亦當然會流失、再抓唔實角質細胞,於是皺紋 / 鬆弛 / 乾燥等問題就出現喇。

所以成日話單單補充水份係唔夠,就係呢個原因,因為補完水都要靠 "分子酊" 去抓實佢先有效,否則都係好易會流失~

好喇,搽上臉嘅 "分子酊" 大家都聽過、甚至用過,但食得落肚嘅 "分子酊" 你又試過未?~

美國製嘅「Honey & Belle」 Phytoceramides Anti-Aging Supplement (植物神經醯胺抗老補充劑) 我已經食咗 2 個月喇~



先提供產品資料 →

以有機植物神經醯胺 (Ceramide-PCD®) 提煉而成,經臨床証實能有效於 6 星期內保濕肌膚、減少細紋及皺紋、改善粗糙膚質,從內增強肌膚保濕度,呈現更年輕肌膚。

只在美國有售,而 hk 亦可於其網站 / 或其 instagram "honeyandbelle2016" 郵購得到。


website 內亦有中文版資料提供,屬簡體字,不過產品係 100% 美國製,可以放心~


HKD 300 / 樽 (聖誕優惠買 3 送 1)

每樽係 30 粒,即 30 日份量,每日食 1 粒。

(trial product given by Honey&Belle)


外搽嘅 "分子酊" 護膚品我已經 keep 住用緊,亦認為食埋 "分子酊" 裡應外合會更 perfect~

當 "分子酊" 口服後,營養成份就會被吸收到血液之中,再隨血液循環輸送至皮膚,從內部提增 "分子酊" 水平,尤其對中女肌 / 成熟肌 / 皮膚搽極護膚品都唔吸收嘅人 / 做緊 laser treatment 嘅人而言,會更加見效。


而呢樽 Honey & Belle 成份除咗 "分子酊" 之外,亦含有維他命 A、C、D3 同 E →

有效減少細紋、皺紋、改善肌膚乾燥、幫助膠原蛋白增生、增強皮膚彈性、修復受損皮膚,仲有抗炎效用。我覺得就算當係日常維他命 supplement 食都 ok 的~


真身並唔算大粒,易於吞服,每日只需食 1 粒 →

食得落肚嘅 "分子酊" 外國會有唔少選擇,但 hk 就暫時唔覺有,所以想試都係郵購吧~


8 則留言:

  1. Hi Isa,咁效果如何?

    回覆刪除
    回覆
    1. 係可以的~ 未至於會有勁明顯轉變, 但我正值轉季時開始食、又真係會察覺到皮膚冇咁易變乾咁~

      刪除
  2. Hi Isa, 見你公司有賣dramma q 眼線液,請問易吾易溶?另外,請問內雙眼皮係米要用matte eyeshadow?

    回覆刪除
    回覆
    1. 眼影我想化得自然d,吾知揀閃定吾閃好,有乜牌子好用?

      刪除
    2. dramma q 眼線液都好防水唔算易溶的, 而內雙眼皮其實用 matte 或 metallic eyeshadow 都可以, 只要唔好太閃同太淺色就 ok~ 牌子可以望下 Urban Decay, 又或者我之前介紹過個盒 Body Shop 8 色眼影組合都唔錯: http://isadoracheng.blogspot.hk/2016/09/the-body-shopdown-to-earth-eye-palette8.html 又或者可以揀 Shu Uemura 4 色自組眼影個 d (有 2 色盒至 8 色盒揀, 顏色就有 100 隻色咁多): http://isadoracheng.blogspot.hk/2016/08/shu-uemura-4.html

      刪除
  3. Isa, 請問如果禁爆左粒暗瘡,結左焦又脫皮,有重要日子要化妝,點先可以遮到佢?妝前護膚有乜要注意?

    回覆刪除
    回覆
    1. 可於暗瘡傷ロ上先用抗炎的潤膚霜打個底, 先再化妝, 上完粉底後, 可參考我呢個方法遮暗瘡 (剛好拍片當日額頭有粒結焦發紅暗瘡): http://isadoracheng.blogspot.hk/2016/03/video-1-cinema-secret.html

      刪除