冬季淘寶衫開箱~

淘寶呢回事，老實講我已經淘少咗好多。

實在太怕貨不對辦 / 色差問題喇，有時收到 d 衫仲要濕濕地唔知攪乜，真係唔洗多 2 次唔敢著..... 而且人民幣匯率 + 運費計落又冇以前咁平，買之前又冇得摸上手，只能靠估喎......

加上 based on 幾年淘寶經驗，無論幾好嘅淘寶店、平均買 5 件衫都總會有 1 件係同圖片有出入，所以大部份時候都寧願去 Zara / 利時商場買衫算數，至少唔使交學費，有問題又可以返去換，仲實際!

雖然係咁，冇時間行街嘅時候 x 三更半夜，除咗淘寶又似乎都冇咩好做.....

今日就推介 2 間我剛剛買過嘅淘寶店俾大家啦~

首先係上個月買嘅灰色針織 →

自己勁鍾意呢件衫，好可惜今日再睇發現已 sold out......

真真 sorry，唯有介紹下一件~

剛剛買嘅韓版針織冷褸 (黑 / 白 / 啡色) →

只係 ￥86! 

質地非常厚實暖和，舒服唔吉肉，極度抵買!

(角度問題，影到好似好短身咁，實物係冇咁短的)

實物同示範圖片一模一樣，冇 difference ~

店內仲有唔少靚靚冷衫~

店址連結 :

Miss xMango 西芒小姐

另一間淘寶店新買嘅厚冷毛衣 →

只係 ￥89! 

質地軟身舒服，極度厚身實，又係非常抵買!

(同樣係角度問題，影到好似好短身咁，實物係冇咁短的)

除咗實物顏色比較深之外，其他細節都同示範圖一樣~

可惜今日再睇就只得返白色，灰色已 sold out →

店址連結 :

GAGAI極簡定制

呢間我買過好幾次，冷衫 / 針織衫品質會特別好，實物基本上都同示範圖一樣，但雪紡 / 恤衫料個 d 就一時時，要望真 d。

而出事率大約係買 7 件會有 1 件出事，同埋寄貨速度唔算快，但勝在夠平 + 衫款勁多 (有成千款衫)、出得快又新，差不多日日都有新貨，直頭快到跟唔切!

不過有 d 款就 sold out 得好快，分分鐘幾日就冇咗，所以睇中真係唔好等!

好似呢件灰色冷衫，我都係買咗幾日就已 sold out.....

同一店內買嘅粉紅色冷衫 →

又係勁平 ￥59.9，質地仲要幾厚身 + 軟身~

不過就同示範圖片有 d 色差......

仲一心諗住會係 model 身上嘅豆沙粉紅色..... oh well....

而且實物亦比示範圖短身咗 1 吋，但論衣料就冇得輸~

有 5 色選擇 →

又係同一店買嘅 two tone 針織 →

超平 ￥45 抵到爛，打底 / 襯衫乜都得~

質地亦唔錯，唔似係幾十蚊貨色~

除咗實物顏色比較深之外，其他細節都同示範圖一樣~

有 3 色選擇 →

早 2 個月秋天時於同一間淘寶店買過呢件針織褸都幾靚 →

店內有成千個衫款，真係睇都有排睇~