Maybelline 最新「FIT ME 水潤柔滑粉底液」review

呢支被譽為美國 No.1 熱賣粉底嘅 Maybelline「FIT ME 水潤柔滑粉底液」，一推出就已經掀起話題，早前 HK 未推出個陣，仲誇張到好多人走去搵美國代購 !

講到咁犀利，我就當然要試試兼寫個 review 啦~✌🏻

先提供產品資料 →

不含油份配方，蘊含 30% 水份及高分子透明質酸精華，並加入水潤質感，有效為乾燥肌膚提供滋潤感，同時撫平肌膚紋理及乾紋，自然地改善肌膚質感及均勻膚色，創造平滑肌，特別適合乾性皮膚使用。具 SPF 18 防曬功效。

$129 / 30ml (共 6 款顏色選擇) @ 各大 Watson's

(product sponsored by Maybelline)

屬質感透薄之液狀粉底 →

分別試過用 beautyblender 粉樸 / 濕粉掃配合使用，個人認為由於粉底質地本身已經夠水嫩，用濕粉掃去上粉會比較貼服，遮瑕度亦會好少少。

而如果用粉樸上粉就會比較潤澤一 d、淡薄一 d，視乎自己鍾意點樣揀~

色號 #120 Classic Ivory 亦算貼合我膚色 →

首先 1st impression 係.....

估唔到一支咁平嘅粉底都可以做到咁好嘅效果!

好貼皮膚、好夠保濕、一 d 都唔乾、真係撫平到乾紋、妝效自然，均勻膚色效果亦非常理想，仲有少少水嫩光透感，同時唔覺得油膩~

遮瑕度屬中等，唔高 coverage，但亦可以掩蓋同提亮到暗沉膚色，不過黑眼圈之類就要另靠遮瑕膏幫手。而持久度方面，以而家天氣計，掃埋碎粉定妝後大約可 keep 6 小時，算不過不失。

如果唔想花太多錢買專櫃粉底的話，呢支「FIT ME 水潤柔滑粉底液」就非常值得考慮~ 👍🏻

今晚同 10/2 於銅鑼灣恩平道 Watson's，仲有我哋 Makeup Secret 化妝學校、伙拍 Maybelline 舉行免費彩妝班呀! 我就派咗化妝師 Ida 到時去教大家化靚妝~

不過好似已經 full 咗~ 😅

唯有等我新年放假時再拍個 video 教大家化個 "靚靚情人節妝" 啦~~