Dior「Diorskin Forever Perfect Cushion 全新恆久貼肌氣墊粉底」review

雖然而家仲係冬天，不過香港嘅天氣都唔算太凍，加上再過多 1-2 個月就已經係春天喇，如果而家要買新粉底嘅話，都好應該睇定春夏適合用嘅粉底喇~

今日就介紹一隻好適合春夏用嘅 Dior「Diorskin Forever Perfect Cushion」氣墊粉底俾大家啦~

介紹粉底之前，先望望 Dior 最暢銷嘅「ROUGE DIOR BAUME 傲姿唇膏」→

配方蘊藏獨特護唇成份，包括保濕功效出眾的高濃度天然芒果油 + 能賦活雙唇的海茴香 + 可填充細紋的玻尿酸球體 + 能重整唇部脂質、塑造豐盈飽滿櫻唇的 Lipexel™及 Decox，無論啞緻或絲滑質感，都能極致提升唇膏的舒適度及持久度，令唇妝持久出色，貼服完美。

$240 each / 共 36 色選擇 @ http://www.dior.com/beauty/zh_hk/

(trial products given by Dior)

Natalie Portman 個廣告實在靚絕! 😍

不過大家最感興趣嘅、應該都係個 cushion 粉底吧?~ 😁

Diorskin Forever Perfect Cushion

全新恆久貼肌氣墊粉底

質感清爽、啞緻亮麗妝效，持續 16 小時完美效果。

不油不膩乳液水凝質感配方，並注入全新緊緻毛孔修護精華、及「平衡膚質」護膚成份，能針對因油脂分泌過盛 / 乾燥缺水而引致的粗大及鬆弛毛孔問題，令肌膚更顯柔滑，帶來輕盈無重、清爽輕柔、啞緻亮麗的完美柔焦妝效，令膚質更顯完美，不著痕跡地打造清新絨滑的低調妝容。 

$470 / 共 6 色選擇 @  http://www.dior.com/beauty/zh_hk/

真身外貌 →

同所有 cushion 粉底一樣有附設氣墊粉樸 →

Gimmick →

1. 採用專利氣墊技術，確保每次使用都能將色素粒子 x 護膚成份完好保存。  

2 . 注入鎖色技術，色調從早到晚保持自然不變色，無懼熱力與濕度影響，在極端環境下仍能維持完美清爽妝效。

3. 蘊含緊緻毛孔修護精華，有助重塑皮膚平衡狀態，修飾瑕疵同時細緻膚質，令底妝變得更完美柔滑。

講到好似好勁咁喎~~

試試先~

印勻後 (未掃碎粉 / 冇加遮瑕膏) →

假如只印一層的話，遮瑕度並唔算高，但均勻膚色效果都幾唔錯，妝感較自然。鐘意有返 d 遮瑕度的話，亦可以於面頰 + 眼底印多一層，遮瑕效果會更好。

下圖為局部印多一層效果，大部份瑕疵都 cover 到，可以唔使再加遮瑕膏 (黑眼圈 / 色素太深除外)~

質地係夠貼面，冇乜浮粉問題，搽完亦唔會油光滿面 / 過於濕潤，只不過因為佢主 sell 清爽 + 抗潮濕功效，補濕度相對就唔會太高，乾性皮膚似乎春夏用會更好，而混合肌 / 偏油肌就一年四季都可以用~

持久度係好理想，以我 dry skin 用計大約可 keep 8-10 小時，幾乎全日不脫妝，但油性肌用的話，持久度方面就要預打個 7-8 折。

至於所指能緊緻毛孔呢點，效果就普普通通，唔覺得上粉後毛孔有特別收細到。

於昏暗室內燈光下睇就近乎完美~ 👍🏻

我覺得呢盒 Dior 都幾 perfect，只係嫌鼻翼有少少乾，但我始終係 dry skin 嘛，冬天用一定唔夠潤，春夏用就應該 fit 晒~