今個月忙到不見天日.....
莫講話冇時間拍片，連飯都要邊食邊做，日日 full day 工作冇得休，唯有等新年放假嘅時候先再拍個 "情人節化妝片" 俾大家睇啦~
今日就先嚟一篇快嘅妝物推介，因為實在有太多人問過我呢款細 size 嘅「雙眼皮網紋形成貼」喺邊度買喇! 真係要出篇文介紹一下先得~
呢款「網紋貼」我已經沿用 2 年，的確係比平時 sasa 買到嗰款大 size 版本方便，唔需要剪裁，一搽完膠水貼上眼褶位就得，質地仲要幾夠挺身𠻹~
而附設嘅膠水貼力就較微弱，建議用返自己買嘅膠水，即係 sasa 有售嗰類假眼睫毛膠水。
Size 細小唔需要剪，用眉夾撕一條出嚟，搽完膠水貼上眼褶位就得，好方便 →
售價點:
旺角中心 1/F 檔仔，專賣假眼睫毛捲髮棒之類等等，檔仔 no. 就唔記得喇 (近扶手電梯)，售價大約係 $50-60 左右一包 (60 條 = 30 對)。
由於唔係經常經過旺角，我通常一買就會買幾包，真係專程去買個種，仲經已推介過俾身邊好多人用~
至於用法，就可以睇返我 5 年前示範過嘅 video →
雖然示範用嘅係需要剪嘅大 size 網紋貼 (當年未有細 size 推出)，但用法都係一樣，只係細 size 唔需要剪更方便而已~
雖然示範用嘅係需要剪嘅大 size 網紋貼 (當年未有細 size 推出)，但用法都係一樣，只係細 size 唔需要剪更方便而已~
Isa,想問下如果內雙眼皮..而眼皮係算腫既..應該可以用咩雙眼皮貼好? 之前都有用過網狀.但好似都唔係幾得(眼皮太腫完全托唔起咁)
回覆刪除可以試試我之前介紹過呢款: http://isadoracheng.blogspot.hk/2015/06/dup-wonder-eyelid-tape.html 而 sasa 亦有售近似 size 但唔同質地的雙眼皮膠紙, 用膚色膠質 / 膚色紙質的都會比網狀更挺身, 不過就冇咁隱形而已~
刪除淘寶都有，好便宜
回覆刪除ISA, 想試吓用粉底膏，因為面上多暗瘡及印
回覆刪除你會建議cinema secrets 定 covermark 的好呢？
你之前都有介紹過這兩款的
新手不知哪個較合用及容易上手
謝謝
2 款都可以呀~ 分別係 cinema secrets 比較薄, 而 covermark 就會比較厚, 視乎你想自然 d 定厚少少, 但如果你的暗瘡及印屬於較深色一類, 咁用 covermark 都唔會遮到, 因為佢只不過係膚色, 並唔可以將深色的瑕疵 tune 色 (會變灰), 所以如果係呢個 case 就要用 cinema secrets 了, 因為佢一盒 5 色, 有橙調色可先將瑕疵 tune 色, 再用盒內的自己膚色印一次就 ok, 就如我 video 內示範咁~
刪除