學過化妝嘅都知道 "眼袋 / 淚溝" 確實係唔易遮! (反而黑眼圈只係色素好易遮)
始終佢凹咗落去形成凹凸位，莫講話一般人遮唔到，其實就連化妝師都要練好耐先遮得好，而且有 d 人情況仲要係嚴重到...... 連幾好技術嘅化妝師都唔會遮得好，稍為遮厚少少又會眼紋爆現.....
呢種用幾隻色、幾層遮瑕膏遮遮掩掩嘅日子，我曾經都過咗好多年，絕對明白大家嘅辛酸!
甚至認識好多人已經放棄遮對黑眼圈，反正試過用好多遮瑕膏、點遮都遮唔好嘛，又冇化妝師咁專業嘅工具同技巧，唯有認命啦.....
如果係早幾年前，或者我都會認同呢種諗法。
但而家微整型科技咁發達喎! 眼底打 1 次「Juvéderm VOLBELLA」十分鐘就 K.O 晒呢 d 困擾啦! 效果仲 keep 到 1 年咁耐!
冇熊貓眼再唔係夢想喇~
都講過我絕對明白大家嘅痛苦，我天生亦並非冇黑眼圈、眼袋同淚溝......
望完我以前呢張相即刻明白晒! →
不過其實我黑眼圈係唔深㗎! (咁都唔叫深?!)
如果你識睇，我眼底個一大片啡色並唔係色素，而係凹咗落去嘅陰影位 = 淚溝。只係一般人唔識分，就會統稱佢叫黑眼圈咁解，會以為自己黑眼圈好嚴重。
所以大家可以留意自己眼底有冇下陷，因為大部份人注射「Juvéderm VOLBELLA」填平呢個淚溝凹位後，根本就冇乜黑眼圈~
個眼底就變咗咁平滑、兼冇黑眼圈喇!! →
1 年前打「Juvéderm VOLBELLA」舊文重溫:
http://isadoracheng.blogspot.hk/2015/12/ko-juvederm-volbella-before-after.html
如果你未認識咩係「Juvéderm VOLBELLA」的話，佢其實係一種份子細小嘅 "透明質酸填充針"，可被人體自然分解吸收，非常安全 →
好處係冇「Restylane」嘅水腫後遺症、份子更細小、感覺更自然、效果更持久，特別適合注射於眼底同笑紋，打 1 次可以 last 到 9-12 個月，係市面上唯一由美國 FDA 認証效果能持續一年的透明質酸填充針。
以我自己為例，其實打完 1 次足足 keep 到 1 年，但 1 年後難免又現形 →
但都已經比未打之前好 N 倍喇~
其實以呢個樣計，d 透明質酸都未算完全流失晒，係可以唔使再補打住嘅，不過一試過甜頭、就好想連呢少少凹陷位都冇埋......
於是我又去「MIOGGI MediCentre」encore 打多次 →
由於已經係第 2 次打，仲有 7 成透明質酸未流失 (醫生都話其實可以等多幾個月先打)，亦唔需要由頭聽多一次過程同原理，所以今次過程比上一次仲快!
乖乖坐低 5 分鐘之後......
咁就打完走得喇~~
before & after →
個針口細到冇咁滯，又唔係好紅腫，翌日針口仲已經消失埋，零 downtime 康復期~
Bonus 係我覺得每次打完之後、都發現黑眼圈色素有同時變淡到!
至於水腫情況亦唔算覺眼，兼大約於 2 日內完全消退，快過打「Restylane」好多。
(不過始終每人體質不同，情況都會有分別喔，最好問返醫生，「MIOGGI MediCentre」係有包注射一星期後覆診的)
而家又變返零淚溝、零黑眼圈 →
(圖為未化妝、剩成搽緊冇色 base)
化完妝就更加無瑕 →
而且因為唔使點搽遮瑕膏，眼紋自然唔會現形，平平滑滑~
blog 文未出之前，我已經有朋友見到我個效果之後、忍唔住自己去 Mioggi 打咗喇~
「MIOGGI 長效透明質酸豐盈淚溝療程」 體驗價 $3680 / 1ml (由醫生主理)
Click 入呢條 link 內登記，仲會有額外獨家優惠!
完成眼周咨詢後，可額外免費做「1064 激光活膚療程」乙次呀!! (價值$1,800) →
仲等? 早做早享受呀~
(treatment sponsored by MIOGGI MediCentre)
請問你係邊間分店及醫生？手勢如何？
回覆刪除2 次都係尖沙咀海港城新世界商業中心分店, 2 次都係同一位駐場女醫生, 我覺得幾好, 不過佢過多 3 個月會放產假, 所以要快 d book~
刪除請問你很久前介紹分享過Clinical打淚溝這店好還mioggi打好些呢？我是第一次打的，謝
刪除Clinicx 幫我打那位好出名的醫生已經冇做了, 而且價錢貴一倍, 所以 Mioggi 會更好吧, 打出來效果都差不多~
刪除Hi Isa,
回覆刪除请问你系一次过打晒整口针定系分开几次打呢?
我係一次過打, 其實打唔晒一支, 不過我就覺得個效果冇需要補打, 所以冇分開 2 次打~
刪除Hello Isa, 想問係咪用左FairLucent 美白淡斑精華，就唔可以再用其他美白產品？例如洗面、面膜、面霜？
回覆刪除謝謝！
係 ga~ 係唔可以同一時間共用, 但就可以分開早晚用, 例如只要唔好搽完 FairLucent 即刻用其他美白產品就得~
刪除打第2次都是3680嗎? 會不會hard sell啊?
回覆刪除上年同今年個價都冇變過呀, 今年仲抵 d 有 laser treatment 送~ 冇 hardsell, 而如果打的時候打唔晒 1ml, 咁覆診時補打都係免費的
刪除Dear Isadora
回覆刪除Please advise how solve 色斑 problem. Many thanks.
色斑一般係可以打淡斑 laser 減淡, 如果色素唔深大概打 3-4 次都可以變冇咁滯, 色素深的就要打 6-10 次左右~
刪除很久前看過你介紹分享過Clinical打淚溝這店，請問Clinical好還是mioggi打好些呢？我是第一次打的，產後淚溝嚴重，謝介紹
回覆刪除CLINICX 我 3 年前打的唔係 Juvéderm VOLBELLA, 而係 Restylane, 所以效果上會有對比, Restylane 打眼底會腫 d 同冇咁自然~ 另外因為 CLINICX 幫我打個位手勢好好的醫生已經冇做, 所以我都唔知而家佢地打得好唔好, 同埋價錢方面 CLINICX 會貴一倍有多呀....
刪除Isa, 請問有冇wash off 補濕mask介紹？
回覆刪除之前介紹過呢隻 erborian 幾好的: http://isadoracheng.blogspot.hk/2015/12/erborian-bamboo-waterlock.html
刪除前幾年我fd打完，兩虫咁，好難睇喎
回覆刪除佢係打 Juvéderm VOLBELLA? 定係以前的 Restylane 呢? 因為 Juvéderm VOLBELLA 應該唔會有 Restylane 的水腫問題, 除非係份量打得太多導致凸起~
刪除Hi Isa, 請問有冇effective既eye cream同eye mask介紹？想針對眼袋&眼紋問題. thanks!:)
回覆刪除eye mask 如果收眼袋就冇一隻真係得, 極其量款款都係只有保濕 + 減乾紋效果 (對皺紋幫助唔算太明顯), 試過 H2O+ 的 eye mask 算係比較好: https://www.h2oplus.com.hk/2013/tc/product/200ROYAL_JELLY_COLLAGEN_EYE_MASK.html 另外同時有緊緻 + 淡紋效果的 eye cream, 其實好難一支過做到 (通常效果不大), 所以一般要效果好都係要分開用眼部緊緻精華 + 淡紋眼霜, 而我 so far 用過最 work 的係 Phyto-Lab 眼部精華霜: http://isadoracheng.blogspot.hk/2016/10/phyto-lab-b3-review.html 同 Jan Marini Eye gel, 效果好但比較貴: http://janmarinihk.shoplineapp.com/products/janmini-luminate-eye-gel
刪除Isa, will soon go to Japan. Will like to buy clé de peau foundation, would you recommend teint fluide éclat (鑽光粉底液) or silky skin? I am in dry skin type with medium color tone. Thanks!
回覆刪除2 隻 foundation dry skin 都適合用的, 分別係 teint fluide 會薄 d, 而 silky 就屬中等 coverage, 如果皮膚冇乜要遮又鐘意薄妝, 就可以揀 teint fluide, 鐘意有 d coverage 而又 long keep 少少就可以揀 silky~
刪除Many thanks for your prompt response. But if CPD teint cream foundation compared with the silky skin one (both cream in texture?), should also be the same comment as you mentioned? Besides, will you recommend the CDP concealer too? Many many thanks!!
回覆刪除teint fluide 會薄 d 係 liquid texture, 而 silky cream 同 teint cream 都係 cream texture, 只係 teint cream 會薄過 + 光過 + 保濕過 silky cream, 但 silky cream 已經停產被 teint cream 取代, 日本可能有~ concealer 日本版會係濕過國際版, ok 可買的~
刪除Hi Isa, 請問如果我笑個時有，吾笑冇，係米眼袋？另外，請問點解我用完benefit porefessional, 再羊毛濕粉掃上粉底會上到一達達？
回覆刪除你的會係臥蠶, 唔係眼袋~ 另外 benefit 個問題係因為用了控油 base 後, 再用羊毛濕粉掃上粉底就會啜住卡粉, 羊毛濕粉掃要配合保濕 base 用~
刪除此留言已被作者移除。
回覆刪除請問知唔知同Teosyal Redensity 有咩分別呀？
回覆刪除我冇打過 Teosyal Redensity, 但問過醫美行業的人, 就話 Juvéderm VOLBELLA 更大牌子, 會冇咁易水腫, 效果亦會比 Teosyal Redensity 更持久~ 而我見大部份醫美中心也是首推 Juvéderm VOLBELLA, 聞說是因效果比 Teosyal Redensity 更好~
刪除Hi hi
回覆刪除打涙溝好or Hifi好的?
打透明質酸針效果會好過打 hifu 好多，其實打眼底 hifu 對撫平眼底效果並唔會明顯，只會提升眼尾輪廓，冇咁下垂咁様～
刪除你好, 如果第一次打, 兩隻眼用1ml夠?
回覆刪除主要需視乎本身淚溝位有幾凹陷，同埋你想要的效果係打到平晒完全冇淚溝定點，所以我都唔會知你 1ml 夠唔夠㗎, 唔係凹陷得太犀利的話係應該 ok～ (以我自己第一次打為例 1ml 係夠)
刪除請問打嗰陣痛吾痛？
回覆刪除可吾可以叫醫生擦麻醉膏先打嫁
我想試下但又俾痛
打完後可唔可以帶Con?
Thx!
都有啲痛㗎，係可以要求搽麻醉膏嘅，不過醫生就建議忍到嘅話就唔好搽，怕搽完麻醉膏之後麻痹得滯，當叫你做啲表情俾佢睇、睇下個效果打得夠唔夠嘅時候，因為麻痹得滯而做唔到影響效果。另外打完之後可以帶 con~
刪除Hello，你打完之後真係成個人sharp晒，我呢都有鼻折的問題，就好似之前你係youtube片分享一樣，個時睇到你條片覺得身同感受��，一樣想打針等個鼻睇落去smooth d，有無邊度好推介同打邊隻會比較持久丫？Thank you Isa����
回覆刪除Mioggi 吧～ 其實冇話邊度打會持久啲，間間都一樣，分別係在於醫生嘅手勢～
刪除打完淚溝後，可否做激光或彩光的？是否隔幾耐做都會影響個透明質酸流失的？
回覆刪除最好隔三個月先做 laser, 唔多唔少都會有影響，或者 laser 避免做眼底嗰個位~
刪除想問餵緊人奶打唔打得？
回覆刪除最好唔好喇~
刪除請問打黑眼圈同眼袋咩價錢?
回覆刪除半年前打淚溝係 $3680 / 1 支針即 1 ml, 而家有冇加價咁就唔清楚了，可以去佢哋 website 睇睇，文中有連結～
刪除請問會是和你同一個醫生處理嗎？打完會有幾腫，有冇相分享？打的時候有幾痛，一至十（十級最痛）？ 打完後有沒有什麼skin care唔用得或Reenex的冷凍激光療程？
回覆刪除請問你係尖沙咀邊位駐場醫生打, 貴姓, 我怕第二個打無咁好, THX
回覆刪除你好呀！睇到你ge分享，我好糾結啊，自己有眼袋黑眼圈的問題得24歲，病容咁，用過幾貴的眼霜同眼睛華都醫院，唔知要唔要打呢個好，定係可以點解決，但一年打一次唔係永久又覺得唔係咁好，會唔會有副作用？你對於我的情況有咩建議啊！唉真的好困擾啊
回覆刪除