cle de peau「Radiant Cream Foundation」鑽光粉底霜 review

被稱為神級粉底專家嘅 cle de peau，今年一推出新粉底「Radiant Cream Foundation 鑽光粉底霜」、同「Radiant Stick Foundation 鑽光粉底筆」，就成為妝界新焦點!

粉底筆我剛剛新買仲試用緊，而呢支粉底霜就已經用咗 2-3 個月，只係因過年前太忙一直都唔記得寫 review，今日就分享佢嘅用後感先~

先提供產品資料 →

Radiant Cream Foundation 鑽光粉底霜 

柔亮如絲 無瑕粧容 臻達光芒

質感幼滑如高級絲緞，同時蘊含護膚成份如墨角蘭精華 + 獨家亮肌膚複合物 EX + 透明質酸等等，為肌膚注入高效修護滋潤，使膚質更顯幼細平滑，具備持久保濕及完美遮瑕雙重功效。

加入突破性 "絲滑反射油" + 微細擴散反射粉末，有效打造鏡面反射效果，使光線能從多角度反射、擴散、再透射，讓外在光線瞬間轉化成光澤，全面提昇妝容由內而外的光芒，長時間保持自然鑽光透亮。

具 SPF25 PA++ 防曬度。

$980 / 21ml @ http://www.cledepeau-beaute.com/hk/

神級粉底神級售價，始終係 cle de peau 嘛，你懂的。

我膚色色號 #020 →

基本上所有 cle de peau 粉底系列我都係用 #020 色。

相比起舊有個支「Silky Cream Foundation」(外貌一樣只係黑色蓋)，呢支新嘅「Radiant Cream Foundation」質地的確係柔滑咗好多，補濕度亦高咗，搽嘅時候明顯 feel 到有分別。

妝感亦比起「Silky Cream Foundation」更有光透感，無咁乾同啞身~

剛剛上完粉底個樣 (未搽遮瑕膏同掃碎粉) →

如果要計高遮瑕度，係唔夠舊有個支「Silky Cream Foundation」勁，但呢支遮瑕度都屬中等偏高，如果上多一層，遮瑕度仲可以再繼續 build up，已經好足夠。

優點係唔會好乾，由於保濕成份加多咗，感覺都幾補濕同貼面，搽後膚質亦有變更平滑，好適合乾性皮膚用，特別係鍾意有返 d 遮瑕度嘅人。

不過就唔係好覺得個光澤感好強，可能係因為我皮膚太乾吧..... 事實上呢支粉底我都有用過落其他客人臉上，係真係有滿滿光澤感、好似識得自己透光咁嘅，只係用落我塊面度冇啫! hahaha~ 

2 小時後 →

當日去咗郊遊曬到出晒汗，2 小時後都仲未見有溶妝問題，發現仲覺得個粉底貼面咗~

9 小時過後 →

可以見到有 d 位置已經浮粉，亦有 d 出油，但遮瑕度就仍然 keep 到 7-8 成，亦冇轉黄變暗，以過咗 9 小時、期間無補過妝嚟講，已經算係咁。

總結 :

- 係真心覺得佢唔錯嘅，夠貼面又夠柔滑補濕，只係有 d 貴

- 總係覺得化落其他人塊面、效果靚過化落自己度

- 個光澤感效果因人而異，好視乎自己皮膚當日乾唔乾

- 油性皮膚用唔到，春夏季都要乾性皮膚先用到