2017年2月18日 星期六

cle de peau「Radiant Cream Foundation」鑽光粉底霜 review

被稱為神級粉底專家嘅 cle de peau,今年一推出新粉底「Radiant Cream Foundation 鑽光粉底霜」、同「Radiant Stick Foundation 鑽光粉底筆」,就成為妝界新焦點!

粉底筆我剛剛新買仲試用緊,而呢支粉底霜就已經用咗 2-3 個月,只係因過年前太忙一直都唔記得寫 review,今日就分享佢嘅用後感先~




先提供產品資料 →

Radiant Cream Foundation 鑽光粉底霜 
柔亮如絲 無瑕粧容 臻達光芒

質感幼滑如高級絲緞,同時蘊含護膚成份如墨角蘭精華 + 獨家亮肌膚複合物 EX + 透明質酸等等,為肌膚注入高效修護滋潤,使膚質更顯幼細平滑,具備持久保濕及完美遮瑕雙重功效。

加入突破性 "絲滑反射油" + 微細擴散反射粉末,有效打造鏡面反射效果,使光線能從多角度反射、擴散、再透射,讓外在光線瞬間轉化成光澤,全面提昇妝容由內而外的光芒,長時間保持自然鑽光透亮。

具 SPF25 PA++ 防曬度。



神級粉底神級售價,始終係 cle de peau 嘛,你懂的。


我膚色色號 #020 →

基本上所有 cle de peau 粉底系列我都係用 #020 色。


相比起舊有個支「Silky Cream Foundation」(外貌一樣只係黑色蓋),呢支新嘅「Radiant Cream Foundation」質地的確係柔滑咗好多,補濕度亦高咗,搽嘅時候明顯 feel 到有分別。

妝感亦比起「Silky Cream Foundation」更有光透感,無咁乾同啞身~


剛剛上完粉底個樣 (未搽遮瑕膏同掃碎粉) →

如果要計高遮瑕度,係唔夠舊有個支「Silky Cream Foundation」勁,但呢支遮瑕度都屬中等偏高,如果上多一層,遮瑕度仲可以再繼續 build up,已經好足夠。

優點係唔會好乾,由於保濕成份加多咗,感覺都幾補濕同貼面,搽後膚質亦有變更平滑,好適合乾性皮膚用,特別係鍾意有返 d 遮瑕度嘅人。

不過就唔係好覺得個光澤感好強,可能係因為我皮膚太乾吧..... 事實上呢支粉底我都有用過落其他客人臉上,係真係有滿滿光澤感、好似識得自己透光咁嘅,只係用落我塊面度冇啫! hahaha~ 


2 小時後 →

當日去咗郊遊曬到出晒汗,2 小時後都仲未見有溶妝問題,發現仲覺得個粉底貼面咗~


9 小時過後 →

可以見到有 d 位置已經浮粉,亦有 d 出油,但遮瑕度就仍然 keep 到 7-8 成,亦冇轉黄變暗,以過咗 9 小時、期間無補過妝嚟講,已經算係咁。

總結 :

- 係真心覺得佢唔錯嘅,夠貼面又夠柔滑補濕,只係有 d 貴
- 總係覺得化落其他人塊面、效果靚過化落自己度
- 個光澤感效果因人而異,好視乎自己皮膚當日乾唔乾
- 油性皮膚用唔到,春夏季都要乾性皮膚先用到



11 則留言:

  1. 如果想有cle de beau 粉底的效果但價錢平的, 有甚麼牌子可以介紹?(混合肌)
    我想買不傷頭髮的直髮器(頭髮過液下,髮量有點厚和髮質偏硬)。 除了 glampalm GP201 外, 你會介紹glam palm GP313 (我看過philips HP8372 好像不錯, 但直髮器有點大 )或其他牌子?

    謝謝

    回覆刪除
    回覆
    1. 類似效果嘅可以試試 RMK Gel Cream Foundation ($480), 由於 cle de peau 嘅粉底質地 / 效果都幾獨特, 所以 RMK 已經叫做係近似了。另外因為 glam palm GP313 同埋 philips HP8372 我都未試過, 所以俾唔到 comment 你, 不過我有好多髮型師同事都係揀 ghd / babyliss 的離子夾~

      刪除
  2. Isa你好,唔明留言後會唔見左,唯有post多次,請回覆,thanks.

    回覆刪除
  3. Isa你好,近日上完base, tint或cc cream總不貼面,甚至呈現一撻撻,日常護膚及保養程序已做足夠,是否年紀漸長(已是中女)還是我自幼化妝至今已有二三十多年,令皮膚已受不了,就算用上優質化妝品都如此,見上年紀女藝人化妝後都偏厚及不太自然同難看,女人化妝其實有沒有一個年齡線要止步?

    回覆刪除
    回覆
    1. 剛剛喺最新那篇 blog 文內回覆了你~ 如果有其他問題歡迎你再留言俾我~

      刪除
  4. 您好! 一直都有留意你的介紹, 關於底妝, 想請教你的!
    本人已是36歲, 臉皮膚乾, 有時會乾到鼻出油, 臉頰毛孔較粗, 有額頭紋, 黑眼圈位置明顯。
    很想用化妝來改善臉部, 試過用很多BB、CC、粉底液, 但都沒有像其他人般光亮白淨, 反而很快
    有CAKE粉暗黃問題。

    請問我可以用什麼底妝品牌或者技巧來改善問題呢? 請指教, 謝謝!

    回覆刪除
    回覆
    1. hihi 你好~ 如果已經試過用好多BB、CC、粉底液, 效果都未如理想, 會有 3 個可能性: 1. 所揀嘅底妝品可能唔太適合自己皮膚性質 2. 可能係護膚品配合得唔好 (始終化妝前都會搽護膚品, 所以對底妝都有直接影響) 3. 化底妝技巧可能出了問題。但上述呢 3 點都要詳細知道你嘅日常化妝手法步驟 / 用開乜嘢護膚品 / 試過用乜嘢底妝品等等, 先會知道問題出喺邊, 所以單憑小小資料會比較難答到你, 可能真係要去學化妝時, 比化妝師望一望皮膚、做一次底妝步驟比化妝師睇先知問題出喺邊喔..... 不過乾到出油嘅問題係可以用 Shu Uemura / Clarins 的遮毛孔 base 解決到 (係遮毛孔同控油二合一嘅妝前底霜), 而 cake 粉問題好多時都係因為皮膚乾 (或出油) 引起, 其實要靠護膚品同埋粉底一同解決, 可以先試咗用遮毛孔 base 先, 再睇睇情況如何~

      刪除
  5. HELLO ISA~
    我因為之前用錯化妝品, 令到全面生左好多暗瘡, 事隔一年額頭同下巴既印都已經無野, 但兩邊面既暗瘡印就仲有, 因為之前多手Jit, 所以留左好多紅色既暗瘡印
    我最近想考慮做treatment去印, 但唔知做激光好定彩光好? 佢地分別又係邊? 同埋想請教你知唔知邊到做會比較好而價錢又何如呢? thankyou so much

    回覆刪除
    回覆
    1. 做激光同埋彩光都係可以嘅, 只不過個人認為做激光會比較全效, 同埋淡印效果會比較明顯~ 可以試試我剛剛早幾日介紹過嘅 +MediSPA, 佢有 $999 / 3 次 laser treatment, 亦有 $1888 / 次試做價嘅強效 laser treatment 任揀, 呢間效果都幾唔錯, 又唔 hardsell~

      刪除
  6. Hello Isadora, 這個適合敏感/濕疹的嗎?

    回覆刪除