而我每次用護髮油嘅份量，係多到唔係搽咁簡單，直頭可以用 "浸" 嚟形容! 😂
一般人可能用幾泵就夠，我就要用十幾廿泵，把頭髮係旱到可以即刻吸收晒咁誇張!
用得咁激，當然好快就用晒，平均每支只係用到 1 個月左右，但係唔用效果又真係相差好遠喎! (把頭髮已經漂到爛晒，唔用唔得) 於是用完屋企嗰支我又去搜尋有咩新嘢喇，發現呢支韓國「Marion」簡直無得輸! 勁好用呀!
一直以嚟都係用緊韓國「mise」呢支，上年亦有介紹過 →
已經用完過好多支，見佢效果唔錯 + 價錢唔貴 (約 $69 卓悅 / $75 sasa 一盒) + 香氣討好，所以一直 keep 住用~
期間唔係無試過其他牌子，但仍然覺得「mise」比較好，性價比高。
咁用咗接近成年都會悶嘛，於是就走去 sasa 睇吓有冇其他新選擇。
望咗好耐，最終買咗呢支同樣係 made in Korea 嘅「Marion」試 →
售價亦唔貴，只係 $69 /100ml @ sasa
產品資料 →
氣味同「mise」同樣清淡討好，質感亦差唔多，都係有少少杰杰哋，但一搽上頭髮就明顯 feel 到佢吸收得快好多，冇咁黏手，摸上去亦柔滑順暢好多，連改善毛躁 (fizz) 效果都更顯著~
呢支掂呀! 以後可以繼續買佢用~ 😍
相比起之前買嚟試嘅澳洲「AUSSIE 3 Miracle Oil」(約 $130) →
雖然質地較稀身冇厚重感，但對於我咁乾旱嘅髮質嚟講，修護效果就唔夠強，唔係太滿意，或者會更適合髮質冇咁受損嘅人用。
Hi Isa,夏天將至，唔想搽太多嘢，日常清潔後用menard綠水，眼霜，精華，跟着可以不用日霜嗎？直接用"有色防曬"後就上碎粉嗎？今季有什麼好用的有色防曬介紹(中女混合偏乾膚質)？
回覆刪除如果皮膚唔太乾, 夏天係可以唔用日霜, 直接用有色防曬後就上碎粉的, 不過上碎粉前再搽少少遮瑕膏會好啲, 否則都係遮唔到個黑眼圈~ 另外有色防曬如新出品的話, 今季 SKII 個支 Airy Light 好輕薄自然, 非常好用 (只係貴咗少少咁啫), 如果唔係一定要新出品的話, 咁 Clarins 都幾好~
刪除Hi Isa, 想問有無咩product快去暗瘡印? 平日skincare有用phyto lab b3精華 + 面霜, 但去印一般..
回覆刪除去暗瘡印用普通 B3 精華唔夠架, B3 精華只係持續修護, 提亮改善膚色咁, 如果要快速去暗瘡印始終用果酸會最有效, 例如 NeoStrata 支 gel plus 咁, 可以用棉花棒點少少落暗瘡印度睡過夜, 大約一星期左右見到個印有改善就可以停用~
刪除isa,請問有無大約200蚊樓下既碎粉掃推介呀? 請問sigma既掃你有無用過? Thanks!
回覆刪除sigma quality 太差我就唔建議了, 但可以試一試 sasa 有售嘅 Cyber Colors~
刪除Hi Isa, 今個夏天甲油會興d咩顏色？有邊隻牌子d甲油顏色靚同質地順滑？budget約$200留下一枝。如冇時間去做gel甲，你會建議十隻手指搽同一隻色還是可以搽幾隻色？咩顏色夾起嚟會好睇？
回覆刪除如果我呢, 就冇特別話跟潮流興咩顏色去揀的, 多數係鍾意用深淺色、或同色系的 color mix & match 配搭, 或者係揀一啲可以令雙手膚色冇咁黄嘅顏色, 多數會搽 2 隻色~ 如果想揾搽甲油的 ideas, 可以手機 download "pinterest" 個 app 呀, 打 nail idea 落去就可以搵到好多~
刪除Hi Isa，春天剛來，開始濕暖，想轉換一下粉底可以在春夏兩季使用。去年買了你介紹過的植村秀Skin FIT Foundation還有小半支剩下，會先用完，不過覺得它有點乾（可能是吸附在皮膚上的能力太強），而且上粉底后要快速推開；另外，我打算用完冬天在用的Laneige Pore-control BB Cushion（是的，我冬天都用這）就會轉粉底。我今年29歲，本身很怕“立”，面上瑕疵也不多，鼻子容易出油，用粉底也衹是爲了均匀膚色，很薄有一些光澤就好了。請問Clarins絲滑透薄粉底液 適合我嗎？夏天用手指上粉或什麽工具好呢？（本身沒有濕粉掃）或者您有什麽粉底介紹呢？謝謝您啊！
回覆刪除Clarins 隻絲滑透薄粉底液 同 持久無瑕粉底液 都好好用呀~ 分別係後者遮瑕度會好丁點, 控油度亦好丁點, 兩隻都適合你用的, 可以去專櫃摸一摸質地再決定~ 另外用手指上粉都係 ok, 只不過夏天用手指上粉因為有熱力會比較容易溶妝, 同埋唔可以填平毛孔, 所以夏天都係用濕粉掃會更好的, 但如果冇就用手指啦~
刪除Hi Isa,請問用遮遐掃遮黑眼圈後，需吾需要用手指印開佢？
回覆刪除如果用遮遐掃力度夠輕的話, 係可以唔需要再用手指印開佢的, 不過其實都無乜所謂, 只要唔好用手指印得太大力、捽走咗 d 遮瑕膏就 ok~
刪除請問呢兩隻粉底效果大分別嗎？邊隻持久啲岩春夏呢？我係乾到出好多油既皮膚 謝謝你:)
回覆刪除Clarins持久無瑕粉底液 / clinque 粉底液 (圓柱形有支棒果隻)
個人認為 Clarins 持久無瑕粉底液會持久 d + 啞緻 d, 比較適合春夏用~ 至於 Clinique 個支就唔係太適合會出油嘅皮膚用, 也可以望一望之前嘅分享文: http://isadoracheng.blogspot.hk/2015/11/clinique-beyond-perfecting-foundation-2.html
刪除Isa,請問睫毛又短，又易drop，有邊隻睫毛液岩用？
回覆刪除可以試試 DUP 的 Ultra Fiber 纖長睫毛膏, 或者係 Loreal 嘅 False Lash Miss Manga Waterproof Mascara~
刪除請問可以SHARE下植眼睫毛的心得嗎? / 有什麼注意事項
回覆刪除心思思想植但又驚洗面果D會好煩
可以望望我之前去過 2 間植睫毛嘅分享: http://isadoracheng.blogspot.hk/2016/03/blog-post_10.html
刪除及 http://isadoracheng.blogspot.hk/2016/12/gel-carte-blanche.html 係除咗洗面會麻煩啲、唔可以用又油份嘅卸妝品之外 (不過我無理 ^^), 其實都冇乜嘢嘅, 整得好嗰 d 亦唔會覺得刺眼、或者傷到真眼睫毛, 兼且可以 last 3-4 星期~
作者已經移除這則留言。
回覆刪除Hi Isa, 三位特首候選人中，你會支持哪一位？
回覆刪除個人比較鍾意曾俊華多一點~
刪除你好, 最近想買枝唔"立"既保濕珠光base, 睇返你之前推介過GUERLAIN既幻彩流星妝前底霜, 請問而家係咪仲覺得佢係你用過最好既珠光base? 另外想問下化妝應該搽左base先定防曬先?
回覆刪除應該搽完防曬先至搽 base, 另外都仍然覺得 GUERLAIN 隻幻彩流星妝前底霜係好好用, 仲有 Clarins 新出個支 Instant Light Radiance Boosting Complexion Base / 同 clé de peau 個支 voile fluide transparent 都唔錯, 3 支都唔立身 + 透薄~
刪除Hi, Isa
回覆刪除想請教你一啲問題,我本身用開 Mizuho化妝掃化底妝, 覺得好好用, 依家想開始學化眼妝, 請問有冇邊款眼影掃係必備,或者較適合新手用?
另外, 我通常朝早化完底妝, 到下午妝會溶, 眼部遮瑕會甩左, 眼紋會浮現, 請問應如何補妝? 唔知點樣可以補妝後眼紋冇咁明顯?
問左好多問題, 唔該晒你!
Mizuho #MB124 個支眼影掃會比較適合新手用, 用來掃眼影上色 ok、或用來 blend 開眼影粉又得~ 另外補妝想眼紋冇咁明顯, 就唔好用粉餅喇, 改用質地柔滑的遮瑕膏 (如 Cinema Secrets 五色遮瑕盤)、以濕過的海綿粉撲先抹走溶妝部份, 再重新印上遮瑕膏, 印返極少量粉餅於定妝就 ok~
刪除Hi Isa, 有哪一款好用保濕cream mask適合中女混合肌可日日敷，唔該晒 :)
回覆刪除cream mask 而家比較少牌子有出呀, 多數都係出 gel mask (如 body shop 幾個月前新出個隻 English Rose 玫瑰 gel mask 都幾好用), 另外 cream mask FILORGA 隻 Mess Mask 都 ok 的~
刪除請問你鋪頭有沒有售賣nyx 6色遮瑕膏？
回覆刪除沒有~
刪除你好，我之前一直用開laura mercier 的tinted moisturizer, 但可能開始變中女，發現它開始不夠潤。請問有沒有遮瑕度相近但較潤的類近產品推介？另外我本來也用開Laura Mercier的base，有沒有其他推介？
回覆刪除可以試試 Nars 的 tinted moisturizer, 夠滋潤遮瑕度亦高，如果用佢嘅話就唔需要另外再用 base 了, 不過如果想買更加滋潤嘅 base, sofina primavista 支 moisture coat base 會唔錯～
刪除