近排真係忙得滯，連上個月情人節收到 Guerlain (法國嬌蘭) 新妝品之後，都一直只掛住自己用，爭 d 唔記得 share 用後感俾大家知添.....
不過呢 2 個月都試咗唔少化妝品呀，逐樣介紹都真係有排寫，為免大家要睇成千字嘅 blog 文，都係拍個 video 好 d!
今日就先介紹住幾件 Guerlain 妝品，俾大家望梅止渴先~
(products given by Guerlain)
先睇睇 La Petite Robe Noire Lipcheek「小黑裙胭脂液」 →
係一支臉 / 唇共用嘅 tinted gel，搽上面頰可以做胭脂液，又可以當係唇膏液使用~
內含薄荷衍生物成份 + 甘油，能防止水份蒸發，時刻保持保濕柔嫩，搽上唇有豐盈效果，而搽上面就會有種冰涼感。
外型包裝非常討好，亦係呢個系列裡邊最矚目嘅一支~
除咗顏色通透自然之外，質感亦好水潤柔滑 →
自從上個月响 FB 同 IG post 過佢嘅相之後，就用唔少人 inbox 問我佢好唔好用，似乎好多人都留意到佢喎~
我自己係非常鍾意呢支 Lip & Cheek Tint，後日拍化妝品 review video 時，再示範俾大家睇點用 + 實際效果係點 ^^
另外 Guerlain 嘅 La Petite Robe Noire Deliciously Lipstick「小黑裙唇膏」亦係出晒名滋潤出色 →
本身已經有 28 隻色，今季再加推 3 款新顏色。
如果想搵支 good quality 嘅滋潤唇膏，其實 Guerlain 都好值得一試，絕對唔會比 cle de peau / Armani 之類差，反而我覺得 Guerlain 仲好用過佢哋~
下圖色號 #023 Ruby Ring 深紅色
至於新出嘅 La Petite Robe Noire Black Lashdress Mascara「小黑裙睫毛膏」→
就好似 kinder 出奇蛋咁，一支有晒所有美睫願望，濃密增厚 + 纖長 + 捲曲 + 細緻分明效果全部有齊，而且刷頭設計亦非常獨特，方便橫掃或直掃~
我亦都試過用咗佢之後係全日防溶不脫色，唔會變熊貓眼。
效果亦夠黑夠濃密，掃 1 層係等於其他 mascara 掃 2 層嘅程度! 如果本身睫毛幼身的話，用佢又真係幫到手，會濃密增厚好多~
好用係好用，只係價錢唔算平咁解.....
Hi Isa, 多謝你早前解答上年紀化妝問題~年紀漸長已轉用優質護膚及化妝品，可以講解有關適合年長的化妝技巧及分享你覺得好用有效的護膚及化妝產品(膚質當然成熟偏乾，面頰毛孔粗大），期待你的回覆，謝謝~
回覆刪除如果係為比較成熟嘅膚質化妝, 我通常會用質感柔滑及有緊緻效果嘅精華打底, 例如 Euro beaute 的 Tightening & Smoothing Ampoule 或 Clarins 的 Double Serum, 然後再用富光感及有遮瑕度的粉底, 如 RMK 或 clé de peau, 配合beautyblender 粉樸上妝去塑造較平滑嘅膚質, 碎粉反而唔會掃太多, 胭脂亦會盡量以淡色為主~
刪除請問有邊隻粉底液會岩出油既皮膚春夏用呢？想簿同貼，謝謝:)
回覆刪除如果係新出春夏粉底的話, Clarins 呢支我試過效果都非常唔錯, 唔厚夠薄又貼面: http://www.clarins.com.hk/zh/持久無瑕粉底液spf-15/C050101014.html?start=4&dwvar_C050101014_color=105%20nude
刪除Isa,請問你覺得Dior cheek glow 胭脂如何？
回覆刪除其實都係相同嘅產品, 分別唔大 (應該話係一樣), 如果鍾意 Dior 的話係可以一試的~
刪除Hello,Isa.混合偏油皮膚，36歲。最近想轉CDP,你覺得用新出的鑽光粉底霜好還是之前的鑽光粉底液好。想妝效持久小小。
回覆刪除如果想妝效持久, 會係之前舊有個支 silky cream foundation 最好~
刪除