「FANCL 無添加美睫修護精華」review

話說因為近年植眼睫毛嘅用料好咗，冇以前咁傷真睫毛，植完之後雙眼又確係好精神，所以呢期又興返植眼睫毛喇~ 好多人都有去整，我由早幾個月前開始都有 keep 住去整~

不過無論用料幾靚 / 技師手勢幾掂都好，始終都唔係話完全零傷害，就算我已經揾好好嘅地方去整，d 假睫毛甩晒之後，真睫毛都係會變得軟弱一 d，無可避免。

所以我通常等 d 假睫毛甩晒之後，都會 hold 一 hold 休息返 2-3 星期先會再植過，期間就自己搽搽睫毛精華保養一下咁~

而最近用嘅就係呢支「FANCL 無添加美睫修護精華」喇 (限量品) →

先講講佢嘅資料 :

配方中含啤酒酵母精華 + 精氨酸 + 海洋細胞間脂質 + 礦物成份，有效修護受損睫毛，修復因植眼睫毛、夾眼睫毛、或卸妝時過度摩擦所帶來的傷害，令睫毛回復強韌，提升彈性，令睫毛不易折斷。

不含防腐劑等刺激性有害成分，可安心用於眼周。Made in Japan

$198 / 7g @ https://www.fancl-hk.com

(trial product given by FANCL)

用後感 →

我由上次植完睫毛、再等 d 假睫毛甩晒之後開始用呢支「美睫修護精華」，so far 用咗 3 星期 (早晚各搽一次)，係有察覺到睫毛由初時軟弱無力，漸漸變返有硬度 ; 由軟到用睫毛夾夾唔起，變返好容易就夾得捲曲，認為回復睫毛強韌呢點佢確係做得幾好~

眉毛我都有漂染習慣，所以我連眉毛都有搽埋~

不過佢就純屬 "強化及修復睫毛功效"，唔係濃密 / 增長 formula 嗰類，唔會話搽完 d 睫毛會長咗或多咗，所以會較適合有植開睫毛 / 長期搽 mascara / 睫毛容易折斷 / 睫毛軟弱無力的人使用。

用完 3 星期而家 d 睫毛健康返，我又可以放心繼續去植眼睫毛喇~

等下次 d 假睫毛甩晒，我又再休息一陣用呢支 FANCL 修復吓~