「Sogo 感謝週」敗家篇

每年 5 月及 11 月 Sogo 感謝週，都有好多人問我會打算買 d 咩?

其實我對 Sogo thankful week 免疫力好強喎 haha 😅

一來見到人山人海已經冇乜興趣入去迫，二來通常有優惠嘅都係 set 装，而真正想買嘅嘢都係冇折扣，我又唔係咁鍾意買 set，唔鍾意為咗贈品夾硬買一堆嘢返屋企，所以對感謝週都冇乜特別大感覺。

今次感謝週本來我都係冇打算逛，係咁啱去銅鑼灣教完化妝班，經過 Sogo 搭地鐵走時諗住橫掂都入到去，就順道兜一圈啦.....

一路行咗廿個專櫃都冇事，點知一行到 NARS 就流到一地血喇! 😆

係俾呢盒 $480 嘅「RECURRING DARE」palette 吸引咗 :

$480 以 NARS 嘅 palette 嚟講，就算單買都已經唔係貴，今次 set 装仲要有 3 件迷你化妝品送喎! 真係何樂而不為~

組合有 2 色選擇，由於另外一盒顏色比較紅，所以就揀咗呢盒，裡邊包括 3 色胭脂粉 + 1 色光影粉 + 1 支唇膏筆。

以 NARS 平常一盒單色胭脂 $310 計 /  唇膏筆 $240 計，呢盒 palette $480 係超值!

至於附送嘅迷你化妝品都係皇牌產品，包括 :

Pure Radiant Tinted Moisturizer SPF30 PA+++ 

(水潤透亮有色面霜，顏色可自選)

Radiant Creamy Concealer 遮瑕霜

Sheer Pop Multiple 光影棒

容量都唔算特別少，可以用到好耐，好抵呀~ 😍

買完盒 set，又順便八吓有咩新妝品，結果買咗呢支新出嘅「Smooth & Protect Primer SPF50 PA++++」(零毛孔控油妝前底霜) :

有效抑制油光，細緻毛孔，而且不含油份，有助提升妝效全日不脫妝。成份中的柔焦粉末能修飾粗大毛孔，保持全日清爽，並幫助肌膚達致水油平衡。

$370 (冇折)

其實 makeup base 屋企已經收埋一堆，買佢係純粹想試吓有幾控油。

買完支 base，BA 姐姐就話買多 $300 左右有唇膏送......oh.....

平時如果佢話送護膚品 sample 的話，我就真係冇興趣，NARS 嘅 skincare 都已經用過晒冇乜特別，但送唇膏就吸引好多喎! 

可惜揀來揀去都冇咩特別想買，於是就揀咗件比較會常用嘅產品......

就係呢盒「Soft Velvet Loose Powder」(柔焦絲絨碎粉) :

有效定妝控油，同時明顯減淡細紋和毛孔，打造柔焦妝效。

$360  (冇折)

買滿 $1200 送嘅 : 

Full size 唇膏筆 (3 色選擇)

迷你透明眼影打底霜

迷你遮瑕霜 (冇錯又係同一支遮瑕霜) 

係抵嘅! (如果你用得著的話)

打算俾錢嗰陣..... BA 姐姐又話磨砂膏買一送一， $400 兩支!

oh shittttt.......

又抵受唔住引誘買埋......

我都話唔好行 Sogo 感謝週啦! 實出事! hahahaha 🤣

臨走時又買埋 Shu Uemura 新出支「Petal 55 粉底掃」:

以高密度柔軟掃毛平均推開粉底液，10 秒快速締造貼服零毛孔妝感而不留掃痕。 配合人體工學特別花瓣形狀，切合臉部不同輪廓設計。 

$450 (冇折)

呢支想買嚟試好耐，上次問過冇貨，今次見有貨就順道買埋。

Sogo 感謝週 22/5 - 28/5，仲有 2 日，要行襯早! (不過 weekend 去一定好恐佈.....) 

至於今次買嘅產品好唔好用，就俾少少時間我 try try 先，下次再拍 video 講講~ ☺️