一支從此改善膚質的 Booster「Jan Marini Age Intervention® Regeneration Booster」(升級版 360° 活膚抗衰老療程)

早 2 個月前於「中女版夏季護膚品推介」video 內，曾經好快地介紹過呢支美國醫學護膚品牌「Jan Marini Age Intervention® Regeneration Booster」(升級版 360° 活膚抗衰老療程) →

售價雖然貴，但唔少客人用過都讚好，仲 inbox 留言俾我哋大讚冇介紹錯，又問 Jan Marini 仲有啲咩好用，想一次過試埋添~

其實有史以來我都係第一次入啲咁貴嘅護膚品，通常售價過一千我已經耍手擰頭，怕大家嫌貴嘛，所以今次入得呢支 Booster 當然係對佢好有信心啦!

呢支 Booster 我係一用就上癮~ 亦覺得 Jan Marini 呢個牌子嘅 skincare 對改善皮膚質素真係好 work，so far 試過佢幾款產品，全部都係用一陣已有顯著效果睇~

先提供產品資料 →

Jan Marini Age Intervention® Regeneration Booster 
升級版 360°活膚抗衰老療程

屬全效能抗衰老精華面霜二合一，只需 1 支，全能修復肌膚老化跡象根本問題，膚質得到明顯改善，適合所有皮膚類型，尤其中女 / 成熟肌膚。於光學療程後使用更可令療程效果倍增。

功效: 
• 有效維持並重組肌膚結構及密度，刺激膠原增生，增加皮膚彈性緊緻度，減少皺紋
• 高效抗氧及抗炎，有助皮膚細胞傷口癒合，加強肌膚防禦力
• 深層補濕，修護乾燥細胞，令肌膚持久水潤及柔軟
• 活化底層皮膚細胞及彈性纖維，改善肌膚更生週期，促進新陳代謝，改善粗糙、暗黃皮膚，回復光澤剔透

使用方法: 
早晚潔面後，取適量薄塗於面部、下眼簾及頸項。

成份不含 Paraben 防腐劑，亦不經動物測試，成份有效而安全，已通過皮膚科醫生敏感測試及証實不含任何類固醇及激素。Made in U.S.A.

$1695 / 30ml @ https://www.facebook.com/makeupsecret.hk/

都講過係唔平，不過以我用過咁多中價 or 貴價護膚品嚟講，佢係最快可以改善到膚質 + 效果較明顯嘅一支! 如果大家已經用過好多護膚品都覺得冇乜效，就可以試一試呢支了~

2009 年諾貝爾生理學及醫學獎

話說美國 3 位科學家發現 "端粒酶" 能幫助細胞內染色體永保年輕，延緩肌膚衰老，因而得獎。

而呢支 Booster「升級版 360°活膚抗衰老療程」，就結合了革命性成份 "環黃芪醇" (屬現今唯一的端粒酶啟動劑)、生長因子、複合肽及其他珍貴精華，研究證實能高效提升體內端粒酶活性，從肌底修復和重組皮膚細胞。

以我平常已經用緊唔差嘅 skincare + 有去開美容院做 treatment + 日日或隔日敷 mask 計，皮膚質素基本上已經推到去自己頂點。雖則仍然比上不足，但以本身唔係剝殼雞蛋無瑕膚質計，應該都冇得再點 upgrade了。

正因為咁，好多 skincare 用响我度我都覺得冇乜效果，極其量只會 feel 到保濕滋潤。加上咁多年來做白老鼠試過咁多 skincare，皮膚都已經試到冇晒反應，真係要一啲好強效嘅產品先會有驚喜喇.......

至於呢支 Booster 我喺 5 月時開始用，短短 1 星期已經開始發現膚質有轉變，2 星期後嘅改善仲更加係明顯到朋友會問我呢期轉用咗乜嘢 skincare~

7 月時用完 1 支之後，我又貪新鮮去試吓其他牌子，一來都要做吓白老鼠，二來呢支 Booster 的確係唔平，自己貨都唔係唔使錢嘛。

但過咗 1 個月之後..... 

見到膚質又回落返，結果都係死死地氣忍唔住開第 2 支 Booster  用~ 😂

質地屬淡黄色乳液狀，冇色冇味 →

晚間我習慣用 1.5 泵份量，而日間就用 1 泵 →

補濕度方面我覺得佢已經好夠潤，用咗佢就唔需要再搽其他精華同面霜了~ 

搽勻後除咗可即時 feel 到潤澤感，亦能泵漲毛孔及乾紋 →

早前停用咗呢支 Booster 一排去試其他 skincare，上星期先開始用返，當時嗰樣 →

皮膚一向都薄，好易泛紅兼好乾，已經有做保濕 facial 同敷 mask 都仲係乾到爆炸，毛孔及乾紋都較明顯，整體膚質望落較粗糙。

(剛洗完面未搽任何 skincare 狀態)

使用後 2 星期，整體膚質望上去係平滑細緻咗 →

當然咁近放大睇都仍會見到有毛孔，但膚質已經算改善咗好多~ 

最明顯係覺得皮膚光滑咗 + 飽滿咗 + 膚色均勻咗 + 亮澤咗 + 泛紅同紅腫情況好咗，連毛孔同乾紋都有改善，有種整體膚質都 upgrade 咗嘅感覺~

唯獨 firming 效果我就唔多覺有 (因為好多人話有)，可能係我已打過 HIFU，又有打開 RF 呢類緊緻機，都已經 firm 盡咗。

(同為剛洗完面未搽 skincare 狀態)

如果遠返少少睇 or 搽埋 BB cream / 粉底睇，效果仲更好 →

日間用完佢再化妝，粉底係貼到一個點! 真係會好似所謂的第 2 層肌膚咁!

至於公司嗰位白老鼠 2 號、經常乾到敏感嘅男同事 Edmund 就話，用咗 3 星期 (有時會配合家用微針一齊用)，皮膚明顯細緻平滑咗，毛孔同乾紋都有減淡，皮膚更強韌同飽滿，面珠鬆弛位仲緊緻實淨咗，又冇咁易起敏感，效果洗完臉都仲 Keep 到。

而其他用過嘅客人 feedback..... (真係要感激大家，我咁耐都未出文介紹呢支 Booster，而支 Booster 又咁貴，都有咁多人上嚟聽到話好用就信我買嚟試，仲 inbox 話返俾我哋知效果)

全部都話用咗 1-2 星期就 feel 到皮膚質地唔同咗 + 滑咗 + 上妝更貼面 + 整體皮膚改善咗 + 膚色提亮咗 + 摸落同睇落都嫩滑咗 + 緊緻咗咁樣~

Jan Marini Age Intervention® Regeneration Booster 
升級版 360°活膚抗衰老療程

價錢雖貴但見效快，用呢支 Booster 亦唔使再用其他精華素及面霜，一支已可全效抗衰老 + 潤澤肌膚，非常值得一試，呢支用咗絕對唔會後悔~

最後，雖然佢效果又快又勁，但成份並不含任何類固醇及激素，可以放心，Jan Marini 本身亦係一個出名 x 有口碑的美國醫學品牌~


也附上美國 "JMSR 皮膚科研中心" 臨床測試結果，經由 Rober Weiss MD 醫生驗證 : 

94% 測試者認為能改善整體膚質
89% 測試者認為有緊緻提升效果
89% 測試者認為能減少皺紋及幼紋
89% 測試者認為能均勻膚色
100% 測試者滿意整體效果，皮膚亦沒有過敏