撞鬼你「日本排行第一 Love Liner 眼線液」review

呢支就係頂頂大名嘅日本 cosme 眼線排行榜第 1 名「Love Liner 眼線液」喇~

講到咁出名，又係人都識，梗係要試試啦!

約 $138 購自 sasa 

包裝的確係好精緻，外貌絕對可媲美專櫃品牌 →

不過最緊要都係好唔好畫，繼續睇埋先~

產品資料 →

快乾、防水不易掉色、溫水可卸，並添加入美容液成份，化眼妝同時能保養皮膚。

(我就唔係好信一支眼線液可以保養眼部皮膚囉.....  大家都係聽完就算啦) 😂

毛筆狀彈性筆嘴確實係好易畫，幾幼細嘅眼線都畫到 → 

有黑色同啡色選擇，我買嘅係啡色。

雖然係幾好畫 + 防溶，不過唔知係我唔好彩定點喇，只係用咗 3 次之後佢就變咗咁 →

啲色變成一忽忽好唔均勻，好似已經用咗幾個月變乾咗咁......

雖然有 keep 單，好可惜個包裝盒已經掉咗冇得換...... 😭

宣佈 $138 用 3 次報銷..... 😫