「收陰機」我諗大家係有聽過的，但實際係咩一回事? 咩人需要做? 係咩原理同效果? 我估大家就真係未必知，始終呢種 treatment 唔算 common，身邊應該比較少人做過，而且就算做過都未必會四圍分享吧?
本著白老鼠心態我去試咗，都分享一下俾大家知到底係咩東東啦~
「收陰機」嘛，顧名思義就係 "收窄陰道" 系統 treatment，專門針對產後女性、或因年紀漸長陰道老化等，而引起了陰道鬆弛 / 缺乏彈性 / 乾澀 / 或有尿滲問題的女性而設。其實生完 BB 或者去到中年，陰道會鬆弛係正常生理變化，你同我都一定會去到呢個階段，普通到同年紀大咗就一定會出皺紋一樣，只係爭在你理唔理佢啫。
至於陰道鬆弛呢回事，最影響嘅並唔係夫妻生活，而係 "尿滲"! 唔好以為唔會發生响自己身上，其實我認識好多女性朋友臨近 40 歲都會開始有呢種先兆，最明顯嘅就係開始忍唔到尿尿，一有想尿尿嘅感覺就要即刻揾洗手間去，否則真係會尿滲.....
或者呢個 topic 確實有啲尷尬? 所以大部份人會選擇避談、或自己用護墊墊吓 just in case 就算..... 因為未必知可以做啲咩改善嘛，又唔知做咗有冇效?
所以早半年前當我收到 +medispa 邀請試做「收陰機」treatment 時，二話不說就應承了，認為呢個係好好嘅 topic，等大家可以知道「收陰機」究竟係咩一回事，因為呢樣嘢實在太謎喇，又冇乜 blogger 分享過嘛!
講真我完全唔覺得尷尬，都話咗呢個係女性正常生理變化，係女人都必經嘛，咁不如預早試吓佢 work 唔 work 先~
好，講我個人感受前，先介紹一下呢個「ThermiVa 私密緊緻療程」→
有別於傳統舊式「收陰機」，呢部新款嘅「ThermiVa 射頻緊膚治療系統」機頭係更細、更無創、更無痛的，除咗有效改善尿滲之外，仲可以改善埋陰道乾澀、外陰及內陰欠缺彈性、鬆弛等問題，係專門治療尿道鬆弛、因盆底組織鬆弛而導致子宮脫垂、及陰道前後壁膨出問題而設的治療儀器。
當然，bonus 係會令陰道收緊，而且仲可以改善鬆弛陰唇的外觀，對好介意因生育而導致內陰或外陰鬆弛的 ladies，無可厚非係一種 bonus。
首先，「傳統 CO2 舊式收陰機」機頭係咁嘅 →
老老實實，如果要用呢舊又大又冷冰冰嘅不銹鋼做 treatment 的話，我會睬佢都傻! 咪仲辛苦過做婦檢?!
最最最緊要係....... 舊式呢款並唔係用完即棄形式的!
係消毒完會不停重覆使用嗰種呀，如果消毒功力唔夠就真係 omg......
而今次介紹呢部新式「ThermiVa 射頻緊膚治療系統」機頭，就只有一支棒咁細 →
唔使多講，真係幼細好多，超大對比!
⽐傳統「傳統 CO2 舊式收陰機」機頭至少細 3 倍~
側面睇只係咁薄，仲幼過手指 →
最重要係密封包裝，用完即棄形式 →
安全衛生呢點最緊要，杜絕交叉感染可能性呀!
而棒上銀色位就係發放射頻位置 →
原理係通過射頻產⽣溫熱效應，根據不同程度的陰道鬆弛問題，於陰道粘膜層及肌層 360 度⽴體轉動，去刺激粘膜固有層，重組肌層中的膠原蛋⽩及受損神經元 + 令彈性纖維大量增生重塑 + 增加陰道濕度 + 加快局部血液循環，修復損傷及鬆弛的肌肉和筋膜，使陰道彈性增強，治療尿滲問題。
至於安全問題，部機亦有精密溫度控制系統，能提供先進實時溫度監控功能，療程感覺絕對無痛 ，只有輕微溫熱感，亦不需要康復期，不會影響當晚的正常夫妻生活安排。
試後感 →
Sorry 今次唔會有 before & after 相 / 過程相提供，只能分享個人感受，大家懂的~
我係試做形式試咗一次，過程大概係 45 mins，期間治療師會以人手將上圖支棒棒於陰道內轉動，過程絕對唔痛唔難受，只會 feel 到暖暖哋，亦唔需要矇眼，可以瞓低玩手機玩足全程~
只係轉到去某啲位感覺會大啲，會有好想去尿尿的感覺、同埋會有少少 "吉吉哋" 咁 (嗰啲應該就係比較鬆弛嘅位置)。
效果 →
「收陰機」一般收費並不便宜，咁既然收得你咁貴一次，就當然唔會冇效果啦，否則仲點會有人做呢~
以我未有尿滲問題、只係有開始忍唔到尿尿情況計 (順產生過 2 個小朋友係咁上下啦)，係做一次已有明顯好轉，忍尿尿能力已回復到未生小朋友前咁好，唔需要成日急於揾洗手間去，而且功效係只不過做完一次 treatment、直到而家過咗半年都仲 keep 到，呢啲係自己一定會 feel 到、會知道的。
至於呢種收緊效果可以點量度? 目測冇可能吧? 感覺呢啲都係靠我講咋喎?
其實佢真係可以俾到你知 before & after 分別的，又或者咁講啦，就算冇得目測，你自己都真係會 feel 到 difference 的。至於外陰 (即陰唇) 部份，就真係目測都可以見到有收緊，治療師亦可以影相俾你睇，分別都幾明顯的!
最後，雖則佢係做一次已有明顯改善，但如果鬆弛問題較嚴重的話，咁就要做多幾次情況先會一次比一次好了。至於確實要做幾多次呢點真係要自己先知，呢個「ThermiVa 私密緊緻療程」亦係單次收費的。
我今次只係分享自己用後感 + 介紹解開呢種「收陰機」功能原理同效果疑團，至於有冇需要做就大家自己決定了喇~
療程價錢
單次：$18,000 - $23,000
讀者專屬優惠：可享「ThermiVa 私密緊緻療程」九折 (須於登記時說明)
網上登記：於 http://www.plusmedispa.com/contact 提交查詢表格，註明登記「ThermiVa 私密緊緻療程」，或於 +medispa Facebook Inbox 留言 (Facebook : plusmedispahk)
也可致電美容中⼼預約: 2625 0288 (旺⾓) / 2155 8108 (灣仔) / 2845 5568 (元朗)
網址 : www.plusmedispa.com
Instagram : plusmedispa
沒有留言:
發佈留言
注意：只有此網誌的成員可以留言。