Clarins「Body Fit 超輕盈纖體精華」review

呢支 Clarins「Body Fit 超輕盈纖體精華」我已經由第 1 代試到而家第 7 代喇~ 🎉

不過我就唔係無間斷長期一直用，只係覺得自己肥咗嘅時候先會用 1-2 支，當係 keep 吓身型，順便又可以當埋 body lotion 搽，一舉兩得~

至於點解咁多年來每次一諗起纖體 / 瘦身就一定係揀 Clarins 呢? 

因為以前用過覺得 work 嘛! 而且 2 次生完小朋友都係靠瘋狂搽 Clarins 而成功修得返身型，覺得既然試到一款牌子 ok 就無謂花錢周圍買來試了，所以一直都係揀佢。

講返呢支「第 7 代 Body Fit」→

好耐之前都提過認為 Clarins 最強嘅瘦身 product 係「Body Shaping Cream」，但佢質地比較滋潤，唔多適合夏天用，加上如果唔係太肥太多脂肪，只係肥咗少少、想 firm 啲啲、消吓水腫的話，著實冇需要用到佢，所以今次就買了「Body Fit」。

產品資料 →

加入全新纖體植物成份 "溫柏葉萃取"，不只針對 1 種、而是 3 種脂肪細胞，爆發三重撃脂動力，針對脂肪組織，有效抑制脂肪增生及肌膚鬆泡，促進存脂脂肪細胞的解脂活動，全速擺脫脂肪，令身體更纖瘦、線條更緊緻、減少橙皮紋、改善肥胖、預防新生脂肪形成，加快塑造窈窕Ｓ曲線。   

$550 / 200ml @ http://www.clarins.com.hk

久不久會有 promotion 優惠套裝

外表咁多年來都差不多，頂多係樽身轉吓顏色咁 →

其實我真係好想講.......

可唔可以考慮轉做 "泵裝"?? 😂

會方便好多嘛~

如果要全身搽晒，平均要倒出 7-8 次確係好唔方便 🤦🏻‍♀️

而質地方面亦同上一代差唔多，都係 gel 狀 →

但推開嘅就 feel 到係保濕過上一代少少 →

用少少份量已經可以推得好遠，用量變相慳咗啲啲~

吸收速度算快，同以前幾代一樣唔會有黏稠感，搽勻後大約幾分鐘就變得清爽，摸上去仲要好滑手，氣味亦討好 →

至於效果呢，so far 用咗半支，同以前介紹過的舊版一樣都係要靠按摩搽先有效，而且一定要有心堅持連續晚晚用 (早 + 晚更好)，若然只係當佢係普通 body lotion 係咁二搽吓 / 間中先用吓的話，就建議唔好嘥 $ 買了，因為咁樣搽效果一啲都唔會明顯的。

不過我都冇跟足官方示範咁搽 (邊有時間)，純粹由下至上打圈按摩 (腿、hip 位及腰腹)，前臂至上臂打圈按摩咁，但就會大大力咁捽，好似扭毛巾咁大力咁，直至吸收晒為止。

如果屋企有腿部按摩機，搽完用機按一下效果仲神速! 小腿水腫唔使 10 mins 消晒!

總括嚟講仍然係覺得佢好有效，特別係手手腳腳，不過肚腩位 / hip 位效果就冇咁明顯 (啲啲啦唔多)。

温馨提示~ 

皮膚易敏感的話，買前最好試試 tester，因為佢都有少少 "薄荷慶慶哋" 咁 feel (微量)，未必人人覺得 ok。