俾我 suggest 的話，都係「FANCL MCO 納米卸粧液」吧，一來無添加 / 冇致害物 / 冇礦物油等等 ，二來孕婦又用得~
其實每日化粧皮膚唔多唔少都經已接觸到好多防腐劑 / 化學物，空氣又咁多污染物，可以話係避無可避，所以卸粧真係要卸乾淨啲！如果連卸粧品都仲要用埋啲化學嘢，咁皮膚就真係冇得休息了......
而卸妝品我用得最密、encore 得最多支嘅就係「FANCL MCO 納米卸粧液」→
已經連續用咗 3 年喇~ 👍🏻
怕佢冇添加防腐劑好快會過期?
其實未開封都可存放 3 年的，而開封後亦可存放 120 日，以每晚使用 2 泵份量計，大約 2 個月左右用完一支。
(product given by FANCL)
雖然間中都會試吓其他卸粧產品 (咁唔試又唔得嘅，始終係一隻白老鼠)，但屋企永遠會有一支 FANCL~
比較過後亦認為佢係最溫和、最深層潔淨、最安全、最無添加嘅一款卸粧油，安全到就算係小朋友玩完啲咩表演化完粧、用佢嚟卸粧都唔怕會傷到小朋友皮膚嗰種，而且無論個粧化到幾濃都能夠好快卸得乾淨～
質地唔會太厚杰，打圈按摩卸妝時亦 feel 到好柔滑 →
所以試過咁多牌子之後，都仍然覺得 FANCL 整體計係最好的，淨係夠乾淨 + 安全安心呢兩點已經好夠~
我試過好多cleansing oil, 都真係最中意佢。Fancl D野唔平, 又標榜細枝, 某次唔知點解買左兩枝返屋企, 好記得初次放佢上面個陣真係覺得好驚艷, 因為佢真係好幼滑, 完全無負「納米」之名! 即係你搽上面會Feel到分子好細, 感覺真係會入到毛孔幫你澈底卸妝咁, 又唔駛特別乳化, 所以真係好方便。
回覆刪除