SK-II 今季新推出的竟然唔係護膚品，而係導入儀??
真係一改常態喎! 😲
聞說用佢配合「R.N.A. Power 精華面霜」一齊使用，滲透度 + 緊緻效果會比用手指搽顯著多 3 倍!
今次就同大家介紹吓呢支 size 纖幼又輕身嘅「Magnetic Booster」(磁力微振導入儀) 究竟有咩功效， 又到底好唔好用啦~~
「R.N.A. Power 立體緊緻精華霜 x 磁力微振導入儀套裝」($1220 @ SK-II) →
精華面霜並唔係新出品，2015 年剛推出時已經介紹過，舊文重溫 :
至於支「Magnetic Booster 磁力微振導入儀」資料 :
為 SK-II 首項採用 "磁力微振科技" 研發的美容導入棒，以每分鐘高達 7,000 次的轉速，帶來持續溫和的磁力微振，全面提昇 R.N.A. Power 護膚產品系列所蘊藏的珍貴成份滲透力，比單用指尖塗抺效果高達 3 倍，讓日常護膚昇華至全新層次，用後一覺醒來，肌膚更飽滿，神采活現。
(trial product given by SK-II)
早前我亦有出席過 SK-II 舉辦嘅發佈會，聽聽有關導入儀嘅用法 →
發佈會內又遇到我好喜愛同尊敬嘅 SK-II trainer Clara 老師 →
一齊睇睇 Clara 老師的用法示範 →
呢支導入儀最特別嘅地方係...... 全支都 "冇開關掣"! 😂
咁係點用嘅呢?
只要用手捉住柄身銀色金屬位，再用支導入儀直接掂落塊面，一接觸肌膚就會自動產生微震動，一移開肌膚又會自動停機，好過癮~~ 😙
而且唔需要充電，已有內置電池。
** 使用後不可濕水洗，只能用濕布抹淨 **
用法 →
先以一毫子大小份量的「R.N.A. Power 精華面霜」搽勻全面，再用導入儀由下至上按摩使用，用法跟所有導入棒 / 導入機大同小異。
至於我嘅用後感 →
的確係快速而有效，只需用佢按摩 3 分鐘就有即時效果睇，用後皮膚會比單用手指搽面霜更潤澤飽滿，對改善乾紋及皺紋尤其見效，翌朝瞓醒起身皮膚亦更平滑有光澤，就好似敷完一晚好潤嘅 mask 咁~ 😍
除咗潤澤效果之外，firming 效果亦明顯見到有的，但撫平眼袋功效就唔及黃金棒咁勁。
其實效果有啲似 Glycel 部 42ºC 導入儀，只不過 SK-II 呢支就見效快好多 (始終係新研發嘛)，唔使按摩太耐就有效果睇。另外 size 細小輕身亦係一優點，話晒要按摩 3 分鐘，太大部太重手會攰的。
適合咩皮膚用?
由於需配合質地滋潤的面霜按摩使用，故只適合 dry skin 用。
雖然怕太潤的話也可配合「R.N.A. 精華素」用，質地會薄身啲，但如果份量搽太少都係會按摩唔到，而搽得多的話又係會等於潤，所以都一樣唔適合油性肌 / 年輕肌。(孕婦唔用得)
加上以效果計仍然認為係配合「R.N.A. 精華面霜」用最 good，所以都係一件中女 / 成熟肌產品。
值唔值得買?
如果屋企本身冇黄金棒或其他導入機、而皮膚又超級乾的話，咁我會好推介你買，每分鐘 7,000 次微震動轉速亦唔算低。但如屋企已經收埋好多呢類機，咁就可有可無了 (除非係想換機吧)。
至於除咗配合 SK-II 嘅 R.N.A. Power 護膚品用之外，又可唔可配合其他牌子 skincare 用呢??
我當然有問過~ 😂
答案係冇話唔得嘅，但有冇相同效果就 unknown ，因為支導入儀研製時係採用 SK-II 的護膚品測試 (這個是當然的)，而配合其他牌子 skincare 用有冇效則冇相關數據，所以係 unknown。
我亦都有試過配合其他牌子面霜用，認為都有啲效，至少會吸收得快咗，但就要用潤身嘅面霜先得，用太薄的質地會推一陣就吸收晒變乾推唔到。
平常我會將支導入儀咁樣放响面霜上面，比較慳位 →
沒有留言:
張貼留言