2017年10月19日 星期四

Harvey Nichols "Clean Beauty Box" 天然護膚無添加

早排 Harvey Nichols 舉辦的 "Clean Beauty" 發佈會,我都有出席呀~

至於點解隔咗成個月先 share?

因為..... 

我成日覺得去 event 鬥快 post 相簽個到係冇乜意思,如果真係有心推介,重點應該係個 "用後感",而唔係用 3 分鐘寫幾行字 post 張相就算嘛。就咁寫幾行產品資料 post 上 FB / IG 其實真係冇乜意思......

雖然明白 PR 有 PR 的難處,產品暴光率高故然可交差,不過我都係一如常態唱反調,希望可以花長啲時間試清楚,然後再用心去寫每一個真實用後感。所以 blog 文總係慢人成個月先出,大家亦應該唔會介意吧~ 😉 

今次 Harvey Nichols 推出嘅係 8 個外國天然護膚品牌之 hero product,每件都係得過獎嘅產品~

Buy 唔 buy 天然護膚品呢啲係個人喜好,我自己並冇特別 preference,認為科研護膚品有科研護膚品的好處 (見效快、效果顯著),天然護膚品亦有天然護膚品的優點 (無添加、皮膚敏感者 / 孕婦可用),只要係好用嘅護膚品我就會推介~ ✌🏻

"Clean Beauty" Beauty Box $1,480 @ Harvey Nichols →

包括 8 件產品 (有啲係 travel size,有啲係 full size): 

Lxmi Pure Nilotica Melt 15g
SkinOwl Beauty Whip 23g
Kari Gran Lip Whip 7ml
Lina Hanson Global Face Serum 5ml
Briogeo Gel-to-oil Overnight Repair Treatment 59ml
Fur Fur Oil 14ml
Évolué Hydrating Serum 30ml
Lué by Jean Seo Erase 56g


所有產品都係天然無添加,不含受管制成份、成份可疑的產品,或會刺激皮膚的成份,如激素 / 致癌物 / Parabens 防腐劑 / PEGs / 甲醛 / 礦物油 /  硫酸鹽(Sulfates) / 合成香料 / 化學防曬劑等等。

經常都會有大肚媽媽 inbox 問我有乜嘢護膚品可以用,今次就可以留意吓呢幾個品牌喇~ ❤️


由於有太多產品,今次我會由自己試用後嘅喜好去排先後次序~ 

第一位「LUÉ by Jean Seo 燕麥飄霜」$150 / 56g →  

集清潔 + 磨砂 + 提亮膚色 3 大功效, 由非常幼滑的全燕麥粒子、脫脂奶粉及碳酸鎂混合而成,有效溫和地清除黑頭及舊角質,同時為肌膚帶來滋潤和養分,使膚質更嫩滑及光澤。

Made in U.S.A


呢支好多 KOL / 明星都推介過,出名到不得了~ 

用時只要倒出適量粉末於掌心 → 加入少少清水混合成糊狀 → 在面上推勻打圈按摩 → 用清水洗面即可,都唔算好麻煩。

至於何謂 "適量粉末" ? 

大概係 1 蚊銀大細再多啲啲。為免浪費,建議可先倒出少少,唔夠先再加。 


用時會聞到好大陣燕麥奶粉麥皮味,有種好想舔一下試味的衝動! 😂

粉狀粒子非常溫和幼細,就算唔覺意大力咗去捽亦唔會傷到皮膚,洗完面之後會 feel 皮膚好 soft,好乾淨,膚質摸上手亦滑嫩好多,而且一啲都唔乾~

粉刺都清到的,不過就清唔晒,而黑頭就請唔到,但去死皮效果就唔錯。

個人認為的確係比起市面上嘅磨砂膏效果好好多,亦唔會咁傷皮膚,成份天然,價錢又唔貴,獨立單買都只係 $150,好值得試試~


第二位「évolué Hydrating Serum」$650 / 30ml →

屬一支高效保濕的透明質酸精華,唔同嘅係其透明質酸係由蘑菇中提取,分子低至 10-30 萬 Daltons 之間,能真正滲透至肌底層被皮膚所吸收,有效促進膠原蛋白合成,令肌膚回復水油平衡狀態,變得更飽滿富彈性。

Made in U.S.A


透明質酸精華相信大家都已經試過唔少,不過呢支嘅滲透度都真係好高!

可以話係暫時以我用過嘅透明質酸精華之中,滲透度最高嘅一支! 👍🏻


而且伸展度亦都好高,我每次用半泵份量已足夠搽勻全塊面。


推勻後會於幾秒間被皮膚所吸收 →

摸上去係清清爽爽,完全唔反光,同時又會 feel 到膚質飲飽水咁,好滑手! 😍

但由於分子真係好細 + 秒速吸收咗,保濕度唔係好夠,屬於零滋潤感,所以我會用佢嚟打底,之後會搽多一隻滋潤少少嘅精華素,然後先再搽日霜 / 晚霜。

等底層可以補到水,面層又會有滋潤度~

唯獨售價的確唔算平,不過一般 quality 好嘅透明質酸精華都係類似呢啲價位。


第三位「Lina Hanson Global Face Serum」$780 / 30ml →

成份蘊含猴麵樹及瑪魯拉果有機植物油,有效平衡肌底水油比例 + 減少細紋及皺紋 + 增強皮膚彈性 + 均勻膚色散發自然光澤,仲可以改善炎症和敏感情況,最適合妝前使用。

創辦人 Lina Hanson 本身係荷里活著名化妝師,國際影星 Natalie Portman、Emma Stone 都係佢嘅客仔。而呢支精華雖然貴就貴啲,但就被雜誌《ELLE》極力推介過,加上唔少星級化妝師都係擁躉,有 "終極補水神器" 之稱,所以如果皮膚好乾的話都係值得一試的~

Made in U.S.A


質地為稀身的精華油,每次用半泵已經好足夠,唔需要用太多份量 →

不過份量呢啲係好視乎天氣,同本身皮膚有幾乾,以秋天嚟講我覺得半泵已經好多,如覺得太滋潤就可以自行將份量減少。


用後皮膚充滿光澤感,乾紋亦會有顯著改善 →

要維持水油平衡,同時補充水份同油份當然缺一不可,而呢支精華素雖然被稱為 "補水神器",但其實全成份均為有機植物油,只不過係質地好稀身、好易吸收嗰種,所以如想補水的話,用佢前都係要另外搽補水精華。

以補充油份、增加滋潤度及健康光澤感計,我覺得佢效果係激讚! 用完唔油膩、唔黏身嗰吓好,嚟緊秋冬用會一流! 妝前用佢粉底會好貼面~ 😍

不過就只適合 dry skin / 成熟肌用,年輕肌 / 油性肌與佢無緣了。

第四位「Lxmi Pure Nilotica Melt Nourishing Balm-to-Oil」$480 / 30g →

呢盒勁!

獲 USDA ORGANIC 有機認證 + 曾獲 Forbes 評為 "夢寐以求的乳霜具有可持續發展及慈善的理念" + 獲 CNBC 形容為 "如 Chanel 般具影響力"!

而我就認為佢係 "如 Hermes 般咁尊貴"! 因為佢每一盒都印有一組獨立條碼,只要响佢網站輸入號碼,就可以知道產品成份係响幾時同邊度採摘得來! 直頭係好似 Hermes 咁啦,只相差在冇採摘嗰個人個名啫~ 😆

成份以 100% 純天然獨家尼羅卡丁堅果油製造,比傳統的乳木果油蘊含多 25% 氨基酸,至於質地 = 豬油膏,會透過掌心溫度令精華轉化成油,有效軟化皮膚,舒緩敏感,令膚色健康亮澤飽滿,更可作睡眠面膜用。

呢盒我排到 "喜好排行榜" 尾位,係因為佢真係好油,唔係所有人都鍾意咁油嘅 oil balm 面霜,要乾得好嚴重嘅人先會 buy。

加上雖然佢唔係唔好,但我亦曾經用過類似嘅 oil balm (Dr. Jart),售價平一半 (只不過唔係有機產品)。所以...... 自己選擇吧~


另外除咗護膚品之外,仲有天然有機唇膏「Kari Gran Lip Whip」$190 / 7ml →

創辦人 Kari Gran 自患上自體免疫性疾病後,就開始關注護膚品成份,所以就推出了以有機蜂蠟 + 金盞花油 + 山茶花油製成的「Lip Whip」唇膏及潤唇膏。

除咗係全天然成份,仲有效修復保護唇部皮脂,補濕滋潤。


顏色由淡粉、玫紅、至深紅色也有 →

質感屬於非常柔軟潤滑,搽咗之後軟綿綿好似棉花糖咁,仲有點薄荷涼浸浸感覺~ 

不過就唔算太顯色,可當係有色潤唇膏咁用~


*******************************************************************************
好喇~

介紹完一堆我覺得好用 / 值得一試嘅產品之後,不如又講講呢個 beauty box 內有咩產品係我覺得一般嘅啦~ 😉


「Briogeo Don’t Despair, Repair! Gel-to-oil Overnight Repair Treatment」$240 / 59ml →

相等於係頭髮嘅 sleeping mask,於睡眠間為頭髮補充水份,修復開叉、增強彈性及光澤等等。獨有的 Gel-to-oil 技術,只要用手心溫度即可令凝膠精華轉化成油,透過按摩滋潤髮絲及髮根。由於係天然產品,就算用落頭皮亦 ok。

「Briogeo」呢個頭髮天然護理牌子,我之前都用過佢幾件產品,係有讚冇彈的! 


至於今次呢支 Overnight Repair 頭髮精華,質地係好晶瑩通透嘅 gel oil →

覺得佢一般,係因為佢份量用得少又唔夠潤 (可能我頭髮太乾燥),用得多又太黏手太油膩,所以咁多 like.......


「SkinOwl Beauty Whip」$630 / 57g →     

係一款舒緩面膜,蘊含有機橄欖油 + 有機荷荷巴油 + 有機赤萁茶 + 巴垥哥尼亞馬基莓 + 透明質酸,可用作 sleeping mask 或妝前底霜使用,有效均勻提亮膚色、平滑膚質、補濕、抗氧化。

Made in U.S.A

唔鍾意佢嘅原因,係因為覺得唔夠滋潤,用後亦唔覺得有咩特別,加上有少少薄荷感覺,所以唔多 like 佢......

綜合成個 beauty box 裡邊嘅產品,我覺得係可以依自己喜好個別購買,唔一定要買成套 beauty box,反正人人皮膚需求都唔同,無謂因為買一套比較抵而浪費一啲唔會用到嘅產品嘛~ 報告完畢~ 😄


4 則留言:

  1. Isa, 就係鐘意你就算去event都會認真試完先post,另外,請問以上產品可以係邊度買?

    回覆刪除
    回覆
    1. Have Nichols 內會有售, 於中環 Landmark 或金鐘 Pacific Place 內~

      刪除
  2. Hi,Isa,我好喜歡你每次都真心試用後再share, 慳咗我哋時間同💰,thanks.

    回覆刪除
  3. 作者已經移除這則留言。

    回覆刪除