「IdeaPelle 強效淨白玉液 + 美肌透白萬能霜」 review

今次想分享用後感嘅，就係好多 blogger 都介紹過、專門用作解決毛孔堵塞問題嘅「IdeaPelle 強效淨白玉液」喇~ (仲有佢樽「美肌透白萬能霜」)

香港空氣咁污染，加上氣候又侷又潮濕易出油，毛孔堵塞呢啲當然係人人都有嘅常見問題啦，爭在你理唔理佢啫~ 亦有好多人係會等到毛孔閉塞到一個點、唔理唔得嗰陣先至去美容院求救。

老土啲講句，預防勝於治療嘛! 平日好好保養一下，美容院錢慳返唔少~

就好似呢支「IdeaPelle 強效淨白玉液」咁，只需响平常護膚程序做多一步，就可以分解皮膚上的污染物，暢通毛孔徹底淨膚，仲有效美白去黃、去黑頭暗粒、收細毛孔同提亮膚色，仲講到話美白功效比巿面上的美白產品高出 400 倍! 一星期美白一度咁神! 

都唔好話唔吸引!

至於效果如何? Roll down 繼續睇啦~ 😊

「IdeaPelle」background →

以安全及有效為前題，提供的護膚品皆為人體皮膚所必要的補充劑，以高純度植物萃取物及細胞活化更新為主要成份。產品採用美國最新專利技術成份，並透過美國頂級的醫學家，皮膚學家，化驗師及藥物研究學家多年的研究，認証及精心的改良，保証每一瓶產品均為高質量，高效果。 

強效淨白玉液

IDEAPELLE POWER WHITENING LOTION PLUS IV

為「Ideapelle」之皇牌產品，蘊含美國專利成分白藜蘆醇和氨基酸衍生物，有助分解皮膚上的污染物，徹底潔淨暢通毛孔，回復清新的嫩滑肌膚，並能做到美白去黃、去黑頭暗粒、收細毛孔、去除多餘油脂分泌及提亮膚色等多重功效。

適合所有膚質 (包括敏感肌)。

產品更指其美白功效比巿面上的美白產品高出 400倍! 一星期美白一度快速見效! 

$489 / 30ml @ https://www.ideapelle.com.hk

(trial products given by Ideapelle)

用法 →

潔面後滴 10 幾滴落化妝棉，於皮膚上輕輕打圈擦抹即可，然後再用返自己的爽膚水 → 精華素 → 眼霜面霜。

簡單啲講，即係响用爽膚水前用，每晚用又得，隔幾晚先用一次亦得，視乎自己油脂分泌旺唔旺盛 / 塊面污唔污漕 / 多唔多黑頭粉剌~

用時會有丁點涼涼哋嘅感覺 (未至於薄荷)。

質地就好似水一樣咁稀身，不含香料 →

So far 我用咗 1/3 支，測試期間係晚晚用，有時隔晚用。抹完塊面我仲會反轉塊化妝棉，順便抹一下 underarm! (嗰個位最易毛孔閉塞嘛) 🤣

每次一用完都會 feel 到塊面滑手啲 + 乾淨啲 + 毛孔有收細啲啲，不過就有啲乾。但產品已講明係潔淨毛孔為主，所以冇保濕效果亦屬正常，隨後搽返 skincare 就冇問題。

粉刺有冇少咗呢?

係的確少咗啲嘅，但就唔好期望會完全清到晒，始終有啲粉刺係會較頑強，而黑頭就唔係好清到，只能當預防黑頭產生。

不過我試過用呢支配合上次推介嘅「韓國 DREAM RAY 超聲波剷皮機」用，效果就激讚! 真係清得乾淨過用普通爽膚水好多倍! 剷皮機重温: http://isadoracheng.blogspot.hk/2017/10/dream-ray-review.html

咁美白去黃效果呢?

都覺得係有去黄氣效用，但美白就唔多覺眼.... 咁我用後冇白到又唔代表其他人都冇嘅，反正用佢都係為潔淨毛孔 + 抵抗過多油脂分泌為主，如用後有美白效果則可以當 bonus 吧~ ☺️

同牌子另一款面霜 →

夢幻美肌透白萬能霜

DREAM SKIN OMNI PURE WHITE CREAM

蘊含反式白藜蘆醇 + 牛初乳等天然美白成份，能即時改善膚色不均、暗啞、毛孔粗大等問題，令肌膚呈現自然粉嫩透白感，同時具抗氧化功效，用後膚色即時提亮，毛孔細膩。長效控油達 8 小時以上，肌膚整日清爽不油膩。適合所有膚質 (包括敏感肌)。

早晚亦可使用，不含粉，無須卸妝。

$489 / 30ml @ https://www.ideapelle.com.hk

用法 → 

潔膚後 → 精華素 → 日常面霜後用

採用真空泵設計，倍感衛生 →

Cream 狀質地 →

搽的時候柔順易推，少少份量已足夠搽勻全面 →

搽勻後好快變清爽，啞緻不反光 →

如單獨用會唔夠保濕 (主推清爽控油美白嘛)，但使用方法亦有話係搽完所有 skincare、於面霜之後才用的，而搽完所有 skincare 後塊面都夠潤了，所以問題不大。

效果方面，搽勻後會即時好似搽咗 "有均勻膚色提亮效果 + 細緻毛孔" 嘅清爽控油 makeup base 咁，仲有柔焦效果，膚色又會白咗少少，有啲啲好似化咗個超級淡妝咁! 效果都唔錯，唔會太白，好自然~ 👍🏻

雖然有美圖秀秀 feel，不過成份其實係不含粉，但產品指 "早晚亦可使用，不含粉，無須卸妝" 呢點我就有保留。

正因為佢 blur 膚質嘅效果太美好，於是我忍唔住望望個成份表，發現裡邊含有 "矽靈"，用後要卸妝，故建議當佢係一支 makeup base 日間用就好。

其實 "矽靈" 加入面霜之中都係常見的，亦有啲護膚專家指未必係唔好，反而可以封住之前搽過的精華素等等，只要唔係加入於滲透性高嘅護膚品 (如精華素) 就 ok。

至於我 buy 唔 buy 呢個理論?

我 buy 的，觀點係正確，面霜的確唔算係滲透性高嘅護膚品 。

不過而家啲面霜研發科技咁先進，隻隻都話自己滲透度高，我又點衡量搽咗唔卸妝真係對 block 毛孔冇影响先?? 加上 "矽靈" 嘅 blur 膚質效果亦只係暫時性，唔會被皮膚所吸收或 keep 到長效果，所以穩陣起見，都係作為 makeup base 日間用吧~ 😉