再繼續介紹夏天啱用嘅啞緻型粉底 😊
上星期剛剛介紹過中價嘅 Bobbi Brown「Skin Long-Wear Weightless 持久輕透霧鏡粉底液」俾大家 (重溫 : bobbi-brown-skin-long-wear-weightless )，不如今星期就介紹返隻平少少嘅「KATE」啦~
KATE「The Base Zero 零瑕肌密粉底液」→
輕輕一抹能完美修飾凹凸不平的毛孔 / 瑕疵，與肌膚融為一體，打造零厚重感的底妝，具 SPF 18 PA++ 防曬度。
$129 (共 6 款顏色選擇) @ sasa / Watson's / 萬寧
The Base Zero 系列有 2 款粉底液，而我買嘅係黑色樽「零瑕肌密粉底液」→
有睇電視廣告的話，應該知道佢今期新出咗呢支「啞光粉底液」→
不過我試過質感實在太乾喇，只適合後生女 / 油性皮膚，所以冇揀到呢支。
講返今次試呢支「零瑕肌密粉底液」→
雖然冇上圖新出嗰支粉底液咁控油，但其實妝效經已相當啞緻，混合肌 / 少少偏乾嘅皮膚夏天用係足夠有餘，可維持一日唔爆油~
伸展度高，頗易推開 →
屬零光感的啞緻妝效，但推開後好快就變乾，要快手搽勻 →
我買嘅色號係 #02 自然色，比我膚色淺咗少少，不過再深一號嘅 #04 又太深，而 #03 係仲淺色過 #02，所以冇得揀嘅情況之下就買咗 #02 😆
So far 試咗一星期，分別試過用手指 / 濕粉樸 / 粉底掃上粉，效果分別係 →
手指 : 效果 ok，妝感會比較透薄同貼面
濕粉樸 : 始終呢支 KATE 屬啞緻配方，用濕過嘅粉樸上妝效果會差啲，有濕氣易浮粉
粉底掃 : 粉底質地實在太快乾，好難推得均勻，要花更長時間
= 呢支 foundation 配合手指上粉最好 👍🏻
完妝圖 (枱燈照射下效果) →
遮瑕高一啲都唔低，大部份瑕疵都 cover 到，粉質非常貼面，毛孔亦真係有修飾掩蓋到，妝效近乎完美，不過感覺會有少少乾。
其實效果係自然的，雖然 #02 色比我膚色淺咗少少，但亦未至於太白，只不過盞枱燈係大白光，所以影到好似好白咁。
於太陽燈光下睇係自然好多，唔係太白 →
持久度方面，以現時平均 25-28 度氣温計，大約可維持 7-8 小時唔出油，亦冇乜點溶妝，不過始終啞緻型粉底係會有少少乾，假若天氣再熱啲時用應該會更好。
總括而言除咗有啲乾之外我都覺得佢幾唔錯，咁嘅價錢咁嘅效果完全值回票價，推介俾油性肌 / 混合肌 summer 用~
至於皮膚稍為偏乾的人，如果想用呢支 KATE 就要於妝前搽足啲保濕護膚品 / 保濕 base~
(但成熟肌 / 太乾嘅皮膚唔合適)
請問真如堂蛋白埋線鼻效果仍ok?
回覆刪除想做，見你鼻樑同柱做咗，有D相好好，有D好似仍見凹位，唔知係咪角度，推薦嗎？
推薦架, 始終較安全亦有效果睇~ 不過要有心理準備佢只能維持 2-3 個月 (以我的 case 係 2 個月, 視乎每人吸收速度), 之後就會自然流失, 所以而家影啲相應該係已經打回原形了, 要 keep 住整先得~ 如果係不能被皮膚吸收嗰種物料埋線就會持久好多, 但就有被皮膚排斥的風險~
刪除Hi Isa,
回覆刪除今日去左Bobbi Brown counter 想試Skin Long-Wear Weightless ，但嗰個姐姐就話適合中性～油性肌膚用，乾膚就用Intensive Skin Serum Foundation比較好。Isa 你覺得呢？ 夏天的話用邊隻好？
Thank you
個姐姐講得冇錯呀, Intensive Skin Serum Foundation 一出嘅時候我都有介紹過: http://isadoracheng.blogspot.hk/2015/04/bobbi-brown-intensive-skin-serum.html 係較適合 dry skin 的, 而呢支新嘅 Skin Long-Wear Weightless 係 oil-free, 太乾嘅皮膚唔適合用, 不過佢裡面都有保濕成份, 我皮膚雖然乾, 但只要搽好保濕 skincare 後夏天我都用到, 會冇咁易出油 + 高遮瑕度過同持久過 Intensive 嗰支, 但就乾佢少少咁, 所以要視乎你係乾到咩程度了~
刪除你好！想請問中女乾性肌，想買帶出去補妝既產品，請問有什麼介紹？謝謝！
回覆刪除可考慮買一盒粉餅, 如 suqqu / covermark / channel / Sofina primavista 的粉餅都係算冇咁乾的, 但粉餅只能修飾到出油問題, 令個妝變回啞緻冇油光, 如有已溶妝的瑕疵如暗瘡 / 黑眼圈 / 泛紅等等, 粉餅就救唔到的, 要於補粉餅前自行補搽遮瑕膏 or 氣墊粉底先~
刪除