Jan Marini 強效去眼紋「Age Intervention Eye Cream 科研抗衰老滋潤眼霜」

之前提過連美國都 sold out 嘅強效去眼紋 eye cream，因為一直都入唔到貨，所以我用咗好幾個月都未介紹過佢，上星期終於返到貨喇~

就係呢款「Jan Marini Age Intervention Eye Cream 科研抗衰老滋潤眼霜」→

至於佢強响邊處呢?

之前曾經返過幾盒貨，有熟客買咗一盒試，唔夠 2 星期又帶多 2-3 個 friend 上嚟買，話用咗 2 星期唔夠已經少咗 2 條眼紋!

貪靚男同事 Edmund 亦有用呢盒 eye cream，佢話早前去深圳兩日一夜遊，唔想帶咁多嘢，就剩係帶咗呢盒 eye cream 去一次過搽面搽眼。2 日後返到公司好興奮咁 share 話，原來用嚟搽面皮膚會變得好飽滿、好水潤兼虎紋明顯淡咗! 

不過當面霜搽好奢侈啫 😅

其實同一個 Age Intervention 系列都有盒逆齡面霜啦，搽面化算好多喎 😂

至於我嘅用後感，就 roll down 慢慢睇啦~

其實 Jan Marini 呢個美國科研 skincare 品牌，我都已經推介咗 2 年喇，不過都仲有好多產品未試勻晒，至於試咗又有效果睇嘅產品就已經响 Makeup Secret 上咗架~

未認識佢嘅朋友可能會覺得佢有些少貴，不過我敢講佢絕對係物有所值，用咗唔會冇效果 / 冇改善，所以自從佢上咗架之後一直都係暢銷品 🙌🏻

關於 Jan Marini 

於 1994 年成立，為美國頂尖科研護膚品牌之一，揉合專業皮膚科專家、化學博士及著名醫生，透過 35 年對各類皮膚的研究及臨床實驗，研創出多項醫學專利，產品技術於美國市場佔有領導地位。

Jan Marini 為全球率先採用水溶性維他命 C (Ascorbic Acid) 於美容護膚品上之品牌，並為首個研創出高穩定性的脂溶性維他命 C (Ascorbyl Palmitate) 的護膚品牌，歷年不斷創造出最頂尖而快速見效的抗衰老醫學美容護膚品，並經過反覆測試才推出市場，於全球多個國家有售。 

講返呢盒 eye cream，我已經試用咗好耐喇，大約用剩 20%，早晚都係用佢 →

主要成份 :  

複合肽 + 純維他命 A + 透明質酸 + 綠茶精華 + 輔酵素 Q10 + 必需脂肪酸  

詳細成份可 click 入: https://makeupsecret.com.hk/product/jan-marini-age-intervention-eye-cream

功效 : 

有效修護眼部肌膚受損細胞，促進肌膚更生，激活膠原蛋白及彈性纖維増新，高效去除乾紋、皺紋，並緊緻眼部肌膚，恢復肌膚儲水、鎖水、補水功能，同時深層滋潤飽滿眼周肌膚

$680 / 14g @ https://www.facebook.com/makeupsecret.hk/

made in U.S.A 

售賣點: Makeup Secret

香港九龍尖沙咀廣東道 116-120 號海威商業中心 12 樓 B 室

(位於 Apple Store 旁邊)  

星期一至五 1:00pm - 9:00pm / 星期六 12:00noon - 8:00pm (逢星期日休息)  

查詢電話: 2311 9682 

http://makeupsecret.com.hk/products

歡迎親臨店舖購買、或 click 入 Facebook inbox 訂購 (順豐速遞, 運費自付): https://www.facebook.com/makeupsecret.hk/

同一般眼霜一樣都係 cream 狀質地 →

搽嘅時候會 feel 到佢有厚度得來又唔會太杰身 →

溫馨提示 : eye cream 正確用法係用指腹印上眼周直至吸收，唔好貪快打圈狂捽呀 ☺️

吸收後會見到眼底紋理變得更飽滿潤澤，有充足滋潤感得來唔會潤得滯起油脂粒，亦唔會係反晒光油淋淋嗰種 →

至於我嘅用後感 →

So far 用咗 8 成，主要係早晚搽眼用，亦有聽同事 Edmund 咁講試過用嚟搽面幾次，正正就係 2 月去日本旅行嗰幾日。

用嚟搽面純粹係試驗性質 + 去旅行可以帶少盒面霜，點知效果又真係如佢所講出奇地好喎! 👍🏻

短短幾日皮膚的確係變得飽滿細緻咗 + 潤澤咗 + 泵漲返唔少紋理，而虎紋亦有淡咗啲，响日本零下氣溫、乾到抽筋嗰幾日真係救咗我塊面唔少! 而嗰幾日响日本影嘅相，膚質望上去亦係明顯靚過平時的! (好懷念~)

不過都係嗰句，當面霜用實在太奢侈，所以我剩係咁樣試咗一個 trip，返到 hk 就照正常用返嚟搽眼了 😁

用嚟搽眼嘅紋果 →

眾所周知我兩邊眼底都有幾個凹凸洞，係多年前切除汗管瘤遺留的，已問過好多美容醫生係冇辦法整得走。

如果大家仲有印像，1 月時我有 share 過去「真如堂」做埋線，嘗試泵漲呢啲凹凸洞，效果都 ok 的! 不過我只係做咗 1 次，之後就因為太忙冇再去整，所以 2 個月之後呢個咁美好嘅效果就還原了。

而呢盒 Jan Marini 眼霜我係大約 1 月開始用的，用咗幾個月我發現啲凹凸洞好明顯係冇咁凹、平滑咗好多! 😍

而且整體望上去眼底皮膚亦冇以前咁乾，紋理係飽滿咗、漲咗、光滑年輕咗的~

P.S 我有用佢嚟搽埋虎紋

就算化完妝眼底都冇平時咁乾 →

我好好彩地天生眼細眼紋唔多，好少捽眼又有好勤力護膚，所以冇乜眼紋，未能感受到如我哋嗰位熟客咁講，搽完 2 星期唔見咗 2 條眼紋，要即刻返轉頭買嗰種興奮。

不過我體驗到嘅係另一種興奮喇~ 😙

單係改善到我啲凹凸洞 + 改善到我化完妝眼底就現乾紋 + 望上去又飽滿咗冇咁乾呢幾點，我已經夠滿足~

Jan Marini 其實仲有好多皇牌產品，有興趣可睇睇 : https://makeupsecret.com.hk/brands/jan-marini/