2018年4月3日 星期二

REVLON「COLORSTAY™ 全新眼線筆系列」review

早陣子收到 REVLON 的新出眼線筆系列 + 眼妝品,又係時候寫個用後感報告一下 🤗

當中盒 4 色眼影粉 + 眼影打底霜 +  眼影膏 + 彈性筆尖眼線筆,我都覺得係幾好用的,價格亦親民,值得一試~

先望望盒「16 小時持久眼影」→

高度防脫妝,整天持久貼服,眼影組合採用 4 合 1 設計,並根據不同時尚色調配搭顏色,令用家更易掌握使用,營造完美眼妝。

約 $118 (6 色選擇) @ 各大 sasa / Watson's / 萬寧


REVLON 官網 : http://www.revlon.com.hk

(products sponsored by REVLON)


雖然呢款眼影並唔係 new item,不過久不久都會有新出顏色,如下圖呢盒 #510 Precocious → 

全部以酒紅色調為主,有深至淺的酒紅啡,仲有提亮效果的光影色。


效果圖 →

眼褶 : 右下角深啡
眼尾 : 少量左下角酒紅色
眼蓋 : 右上角淺啡
眉骨 : 左上角光影 (呢隻唔算好出色)

由於非常襯我髮色,所以近期返工同去街都經常用佢 😍


用自己支日本「Love Liner」#Burgundy Brown 眼線液,配呢盒 REVLON 眼影單用 "右上角淺啡色" 嘅效果 →

只用淺啡的話感覺會咁冇濃妝 😊


鎖色提亮眼影底霜 Eyeshadow Primer / Base ($98)

以獨家 ColorStay™科技研製,能提亮眼蓋暗沉膚色,同時使眼蓋肌膚變得更光滑,讓隨後掃上的眼影粉更顯色、色效更持久、更貼服,具高達24小時持妝效果。


霜狀質地,觸感柔滑容易推勻→


由於伸展度極高,建議每隻眼份量只用半粒米大細就好~

下圖為一粒紅豆大細份量,已足以夠搽 5 對眼 😂


搽勻後會有提亮眼皮膚色作用,效果自然,唔會太光太白,適合所有膚色使用 →

會有少許啜啜哋嘅感覺,襯佢未完全乾透時掃眼影粉就可以啜住顏色,令眼影更顯色、更持久、亦冇咁容易跌粉跣粉~

呢類 eyeshadow base 係我無論幫人化妝 / 自己化眼妝都必用嘅打底妝品,用咗眼妝真係會 long keep 好多的,會冇咁易溶眼妝。而呢支 REVLON 價錢亦唔貴,仲要 made in USA,一支有排用 👍🏻

至於防溶程度,雖然冇標明係防水防油,不過持久度都好 ok,只要唔係眼油眼水極多的話都夠用~


持久亮麗眼影霜 Cream Eyeshadow ($78) 

防水防汗防脫妝配方,顯色度極高,眼妝貼服,輕輕一掃就能方便快捷地為雙目塗上色彩。

9 色選擇


貼心在盒蓋上有配置 mini 眼影掃 →

雖然支眼影掃仔柄身係有啲短,不過對於指甲長 / 唔想用手指直接掂落去嘅人嚟講,仍然係有好過冇,係方便啲嘅 👏🏻


新出顏色#730 金屬淡啡 →

自覺呢隻 color 比其他嗰幾隻色都更靚! 顏色夠百搭實用、效果又自然、唔會好閃好誇張,日常化普通妝都用到,唔使等到化晚妝先用得著,而且仲係防水的,眼油眼水多都可以用 😍

雖然話就話防水防溶,而官方用法都係指呢盒眼影膏可以直接單用 (唔使再加眼影粉),不過以 hk 咁潮濕熱侷嘅夏天計,大家都明冇嘢係 100% 防溶啦,始終唔係外國天氣咁乾爽嘛~

所以都係當佢係 eyeshadow base 咁用嚟打底就好,on top 點都掃返啲眼影粉就更無憂~


輪到呢 3 支新出嘅眼線液 Liquid Eyeliner (各 $98 支) →

上     : 滾輪極緻精細眼線液 (滾輪頭)
中間 : 持久濃黑彈性筆尖眼線液 (毛筆頭)
下     : 持久濃黑纖細氣墊眼線液 (氣墊頭)

3 款我測試過都係 waterproof 防溶的,一整日唔溶妝,但游水就當然唔得啦,日常用就好 😆


滾輪極緻精細眼線液 

設計打破多年傳統的眼線筆型尖頭,取而代之以輪狀筆頭設計,更輕易滾滑出垂直、分明的立體眼線,輕鬆塑造出各種風格的型格眼線,隨手打造百變妝容。


滾輪頭設計的確係好特別! 😊


不過特別還特別,好唔好用先係重點。

由於個滾輪都幾大,我第 1 次用佢時..... 真係有唔小心碌碌吓一個不留神就插咗入眼 😅

所以唔建議新手用喇,隻手真係要好定 + 好專注地用先得,而且條眼線都幾粗吓......


持久濃黑彈性筆尖眼線液 (毛筆頭) 

可緊貼睫毛邊緣,輕易勾繪出色纖幼眼線,即使是眼線新手亦能流暢畫出細緻的隱形內眼線。


呢支我比較推介! 

始終都係毛筆頭易 handle 好多,新手用亦更合適 👍🏻

雖然我畫得有啲粗,不過其實佢筆尖係 ok 幼的,要畫出比下圖幼一半的眼線亦冇難度~


持久濃黑纖細氣墊眼線液 (氣墊頭) →

能隨心所欲輕鬆描繪出各種眼部線條,輕易描繪內外眼線,不需濃妝艷抹也能突顯女性魅力。


"氣墊頭" 筆尖雖然唔係咩新攪作,好多眼線液都係呢種設計,而 "氣墊頭" 筆尖特性就係墨汁比較多,畫出嚟嘅眼線會較飽和粗黑,線條亦較實較深 = 唔係幼身自然嗰種,較適合愛粗身實黑眼線效果的人用 = 濃妝人的寶貝。

而 REVLON 呢支就勝在筆尖呈梯形狀,用嚟填補睫毛根位係更方便,唔會好似其他普通尖形氣墊眼線液咁難 handle 👍🏻

不過愛幼身眼線的話,都係揀返 "毛筆頭" 款式更好~



12 則留言:

  1. 有無髮品推薦,洗完頭頭髮柔順d?thx

    回覆刪除
    回覆
    1. Loreal Professionnel 系列隻 Absolut Repair 洗頭水同 hair mask 都幾好~ 一般髮品店有售

      刪除
  2. Hi Isa,

    最近我想要買一部按摩器來幫助瘦腿和肚腩,不知你有試過Refa for body的按摩器?希望你可以給一些建議,更希望有天你可以拍片給大家詳細介紹和分享。謝謝。

    回覆刪除
    回覆
    1. Refa 我冇試過呀,body 機我只用過的Glycel 的:http://isadoracheng.blogspot.hk/2015/09/makeup-secret-x-glycel.html?m=0

      刪除
  3. Hi Isa,
    我想問下我T zone同面頰毛孔粗大,仲有幾粒凹凸洞,請問建議做你分享過的mosaic laser嗎?另外,我有輕微抬頭紋同頸紋,有咩可以用或搽來改善? Thx

    回覆刪除
    回覆
    1. 我同事都做緊 Oasis 部 mosaic laser, 係有效的,除咗凹凸洞會有改善,皮膚都會平滑啲,但如只做一兩次唔會夠,要至少做幾次先得,視乎凹凸洞情況有幾深,同埋做完會紅腫一天~ 而頸紋之類用堅果精華油搽會更好~

      刪除
  4. Hi Isa, 請問有冇比CDP遮瑕膏更高遮瑕度的產品介紹?另外,請問混肌適合用邊隻碎粉?

    回覆刪除
    回覆
    1. 都有的,如 Shiseido 支遮瑕棒便比 cdp 更高 coverage, 但憑係遮瑕度高的產品質地都會偏乾,會易啲出眼紋~ 另外混合性皮膚夏天好多隻碎粉都可以用,如 vidivici / laura mercier / fancl 的碎粉我覺得夏天用都不錯的~

      刪除
  5. Hi Isa, 請問易出油的暗瘡皮膚,日常清潔遮瑕掃、濕粉掃應該乾洗定濕洗?

    回覆刪除
    回覆
    1. 遮瑕掃同濕粉掃係一定要用化妝掃清潔劑洗,如果係易出油的暗瘡皮膚,最好用一次洗一次~

      刪除
    2. 請問化妝掃清潔劑有邊隻好用?

      刪除