2018年5月18日 星期五

激讚補濕精華!「Jan Marini HYLA 3D 高濃度透明質酸激活細胞精華」單睇大細份子都唔夠,仲要睇埋分子結構?

相信大家都知皮膚要夠水份先會平滑剔透,亦都知最有效補濕鎖水嘅成份就係透明質酸....

但點解已經有日日搽緊透明質酸精華,又唔係用平價嘢,但皮膚都仲係咁乾、咁多乾紋、毛孔仲係咁顯眼呢? 🤔

其實係因為......

大部份市面上嘅透明質酸精華都主 sell 細份子、易吸收、質地清爽,而呢類精華我同你都試過唔少,佢哋唔係冇效,只不過對我哋呢班中女嚟講唔夠咁解~

由於呢類細份子透明質酸精華質地都較稀身,所以當乾性肌 / 成熟肌一搽上去就已經俾角質層吸晒,未必落到肌底,而面層嘅保濕感覺亦較快流失,所以就會有 "搽咗好似冇搽過" 嘅感覺了。

以年輕肌 / 唔太乾嘅皮膚計,其實呢類細份子透明質酸精華係夠用的,但對乾性肌 / 中女嚟講就當然唔夠,好多時搽完都覺唔夠保濕要加量搽 double,又或者再補搽其他保濕精華咁,計落其實成本仲高咗添......

咁即係揀大份子透明質酸精華更好?

但係潤得來又會好膠質 / 好侷好黏 / 起擦膠碎喎? 咁即係點揀好呀?

等我今次分享吓點樣揀適合自己嘅透明質酸精華啦~ 🤗



首先上段已提過,以年輕肌 / 唔太乾嘅皮膚計,其實揀細份子透明質酸精華係夠用的,如之前推介過的「Evolue Hydrating Serum」,甚至平平哋求其揀一支 B5 gel 都係夠用。 

如以年輕肌 x 乾乾哋嘅皮膚計,就可揀結合大份子 + 細份子嘅透明質酸精華,如之前推介過的「Phydro Lab」之類,細份子可注入肌底、大份子可封住表層,就內外都補充到水份。

但以中女 / 成熟肌 / 乾性肌計,由於肌膚衰老問題已經出現,單用大份子 + 細份子都仲係唔夠,效果仍然會好快流失,所以仲要睇埋透明質酸嘅「交聯結構」,同埋透明質酸嘅研製技術,內外夾攻先得~


咩係「交聯結構」??

透明質酸結構本身有分「交聯」及「非交聯」式,由於「交聯式透明質酸」網狀結構排列更整齊,就可令透明質酸份子鏈增長 + 份子品質增大 + 增強透明質酸密度 + 水溶性相對減弱,於是流失速度就會減慢,保濕持久力亦係最高 👍🏻

而「非交聯式透明質酸」結構排列因較分散,在皮下會好快被代謝降解,於是流失速度就會更快 👎🏻

好似好複雜?


於網上揾到有關透明質酸嘅交聯結構圖片,一睇就明 →

睇完就明白識揀一定要揀「交聯式透明質酸精華」了吧~ 😌

否則搽完效果好快就 bye bye = 冇搽過一樣 = 嘥錢


至於「交聯式透明質酸精華」有咩牌子選擇? 🤔

呢點就比較難答了,因為市面上絕大部份都係非交聯式,就算當佢係採用交聯式透明質酸,如果冇標明我哋亦唔會知,問售貨姐姐佢亦可能一頭霧水唔知你講咩。

而我用緊呢支就明確知道係「交聯式透明質酸精華」 → 


Jan Marini Hyla 3D HA Activating Complex 高濃度透明質酸激活細胞精華

蘊含多種醫學級別不同大小份子透明質酸 + 維他命 B5 + 維他命 E + 胜肽膠原 + 抗氧化物成份,並採用「脂體密封透明質酸技術」,更有效深入滲透至肌底層全方位補充透明質酸,激活細胞再生並增加皮下組織載水量,高效持續保濕,促進膠原再生,從根源改善皺紋及肌膚粗糙問題,集強效補濕、抗皺、飽滿肌膚、提升緊緻度於一身。

適合任何缺水皮膚使用,敏感肌亦可用。特別適合乾性肌,或做完 laser / 醫美療程後用,可增強皮膚修復力。

made in U.S.A

詳細產品資料 : https://makeupsecret.com.hk/product/jan-marini-hyla-3d-高濃度透明質酸3d激活細胞精華/


以補濕精華嚟講,呢支透明質酸精華無疑係唔平,不過.....

佢除咗係採用「交聯式透明質酸」,仲有唔係所有牌子做到嘅「脂體密封透明質酸技術」,確保透明質酸係落到肌底先會爆開發揮功效,唔會俾面層吸收晒落唔到肌底,冇咁易被分解代謝及流失,仲有效強化肌膚表皮層嘅防禦功能 👍🏻

當大家睇埋呢幅圖,就會明白點解佢絕對值回票價 →




大小份子呢 2 種透明質酸,基本上响揀補濕精華計已經係 must,所以市面上好多精華都有。

但對於「交聯式透明質酸」+「脂質體密封透明質酸」,就冇乜精華係同時有,而 Jan Marini 呢支「Hyla 3D 精華」就已經包含晒呢 4 種透明質酸~


以技術 x 效果品質描述計,睇落好似好無敵,又冇乜類對手咁,但幾時都係實際用後感緊要過產品描述啦!

呢支精華我哋已經上咗架 2-3 個月,我自己亦已開第 2 支用緊,只不過一直未有介紹過佢 (要解釋交聯結構嗰 part 好花時間寫嘛 😆)

雖然係咁,有好多用開 Jan Marini 護膚品嘅熟客已經好識貨地買過嚟用,仲有唔少已經同我一樣係用緊第 2 支,而我哋當然會問吓佢哋嘅用後感,點解會 encore 買第 2 支咁啦~

而熟客們俾嘅評價主要係認為 :

- 試過咁多款透明質酸精華,冇一支保濕效果好似佢咁持久
- 真正保到濕,唔會好似冇搽過嘢,水份可以 Keep 到,皮膚冇以前咁乾
- 用後皮膚光滑咗,紋理少咗
- 本身係濕疹皮膚,用咗佢之後轉季反而濕疹冇爆發過
- 有做開 Laser Treatment 嘅客人,話連續用 HYLA 3D,皮膚修復得好快,補濕感係非常明顯實在,水分提升好多倍,摸落皮膚都有彈性。


至於我嘅用後感,等我俾埋個質地大家睇咗先再講~

望上去係 gel 狀,比一般透明質酸精華明顯較厚身 →

去到我呢類將近 40 嘅 age range,稀身水質嘅透明質酸精華一定滿足唔到皮膚需求,而且唔係話質地夠杰身就一定有效,大家明白的。


雖然望上去杰杰哋,不過其實一推開就會 feel 到佢好水凝 →

唔會有層膠膜漿住塊面嘅黏稠侷身感覺,用後化妝亦唔會起擦膠碎~


我的用後感 →

基本上同一班熟客們嘅感覺差不多,認同佢係我用過咁多款透明質酸精華之中保濕效果最持久的,一搽上面已經 feel 到個質地同平時啲透明質酸精華係有 difference,而搽勻後感覺薄得來保濕感亦係持續 keep 到的~

至於膚質上嘅改善,會睇到除咗冇以前咁易變乾咁缺水,紋理會被撫平泵漲之外,整體望上去亦會光嫩啲、平滑啲、飽滿啲,皮膚會好似飲飽水咁,上妝粉底又更貼面~

特別在我個甩皮鼻翼同鼻頭 (因嚴重鼻敏感長期抹鼻導致甩皮),用咗佢之後就算繼續日日抹鼻涕,都冇再甩過皮喇~!!

另外有熟客試過用呢支精華厚搽當 mask 咁敷 (無需過水等吸收就 ok),話效果直頭好似敷咗塊 "水光 paper mask" 咁水嫩滑溜,於是我又試吓佢咁做,又真係好得喎! 😍


我的用法次序
洗面 → SK-II 神仙水 → 呢支保濕 「Jan Marini Hyla 3D」→ 「Jan Marini Regeneration Booster 抗衰老精華」→ Jan Marini SPF45 防曬日霜 或晚霜

如果唔貪心的話,其實精華素只用呢支「Hyla 3D」已足夠,但我係貪心的,所以要用埋支「抗衰老精華 Regeneration Booster」凍齡~ 😂


雖然唔算平,但論補濕效果同持久度 + 採用成份 + 研製技術 + 肉眼睇得到嘅改善計,又真係幾有驚喜嘅! 親身上去試吓 tester 就會明喇~


Jan Marini「Hyla 3D 高濃度透明質酸激活細胞精華」

$1038 / 30ml @ https://makeupsecret.com.hk/brands/jan-marini/


售賣點:
Makeup Secret 
香港九龍尖沙咀廣東道 116-120 號海威商業中心 12 樓 B 室
(位於 Apple Store 旁邊)
星期一至五 1:00pm - 9:00pm / 星期六 12:00noon - 8:00pm (逢星期日休息)
查詢電話: 2311 9682

歡迎親臨店舖購買、或 click 入 Facebook 專頁 inbox 訂購 (順豐速遞運費自付): https://www.facebook.com/makeupsecret.hk/


另外若然皮膚未去到咁乾,咁平返少少又優質嘅選擇,就可以留意下面呢支 Oasis Medical DermaSynergy「Intensive Soothing & Hydrating Ampoule」喇 →

呢支「高濃度舒緩保濕精華」亦係乾性肌 / 敏感肌 / 或醫美療程後用嘅 good choice,同樣係高濃度嘅透明質酸精華,其他成份仲要係 100% 天然植物萃取,冇致敏致害物~

呢支精華特別在係以「超聲波製鍊」,比普通保濕精華更能滲透肌底,並結合大小份子透明質酸,內外都夾攻到,係脆弱肌膚 / 舒緩醫美療程後嘅最佳保濕劑,有效保濕鎖水 + 舒緩過敏及乾燥感 + 修補受損組織 + 加快傷口癒合 + 保持細胞水分平衡。

made in Korea

$680 / 30ml @ https://www.facebook.com/makeupsecret.hk/

詳細產品資料 :
oasismedical-dermasynergy 高濃度舒緩保濕精華/


「Oasis Medical DermaSynergy」呢個護膚品牌,大家聽落可能有啲陌生,其實佢就係容祖兒代言嗰間 Oasis Medical 醫美中心集團的喇 😊

旗下仲有 Glycel / Erno Laszlo / H2O+ / EuroBeaute 等等,不過「Oasis Medical DermaSynergy」系列就冇專門店,只於其醫美中心有售,專門為醫美療程後的客人而設,而我哋就係佢嘅唯一對外銷售點~

因為偶然用過覺得正,就向 Oasis group 入貨了,當然少不了出動多張人情牌先攞到貨~


老老實實,呢支保濕精華雖然係冇 Jan Marini 嗰支咁犀利,但以幾百蚊價位計,已經勁過外間普通透明質酸精華好多好多! 持久度同保濕度係一啲都唔弱~ 都有感覺架 !!

我未用 Jan Marini 前都係用呢支 Oasis 的,不過人望高處嘛,試過更好就好難返轉頭 😆


單睇同摸個質地,已經 feel 到佢唔係普通透明質酸精華 →

呢支精華進駐我哋舖頭呢一年間,好多客人係不停 encore 回購,用完一支又一支~ 


佢同樣係冇黏稠感,同時又強效保到濕、鎖到水,持久度亦係 keep 到~


至於 Jan Marini vs. Oasis Medical @ Derma Synergy 點揀好?

其實主要係視乎本身皮膚有幾乾、有咩衰老問題想改善,最實際都係自己去舖頭摸吓 tester、搽上面試吓、比併吓啦~ 😊



6 則留言:

  1. 请问Jan Marini「Hyla 3D 高濃度透明質酸激活細胞精華」海外可以订购吗?

    回覆刪除
    回覆
    1. 可以,不過要視乎所在國家地區,可以 facebook inbox 你的所在地給我們查一查,facebook page : https://www.facebook.com/makeupsecret.hk/

      刪除
  2. 如果有Jan Marini Vitamin C serum, Hyla 3D and Booster, 3 枝應該點用呢?

    回覆刪除
    回覆
    1. Vitamin C serum 你係指 C-ESTA® Serum? Hyla 3D 係可以用响 C-ESTA® Serum 同 Booster 之前,但 Booster 同 C-ESTA® Serum 本身就應該分開早晚用~

      刪除
  3. Hello Isa, 星期四晚在 Makeup Secret 樓下街見到你,你皮膚好白好細緻好靚呀!想知道你用邊度粉底同邊隻色號? 謝謝你!

    回覆刪除
    回覆
    1. 謝謝你~ 嗰日係用咗 Shiseido 嘅 SYNCHRO SKIN GLOW 氣墊粉底 (#Golden 3) + Suqqu 碎粉~

      刪除