上星期剛剛介紹完 BECCA 嘅 Primer 同粉底，今次就輪到佢嘅「Glow On The Go Kit」光影組合喇~ 🌟
組合內包括 2 件迷你版光影液 + 光影粉:
Shimmering Skin Perfector Pressed 2.4g
Shimmering Skin Perfector Spotlight Wand 4.8g
雖然呢 set 我並非响 HK 買，但上次都提過係可以响 Sephora 網購得到的:
對鐘意搽光影嘅人計，呢個價錢係超值的!
好多專櫃牌子單係一盒光影粉都要呢個價，而家係同一價錢就可試到 2 款 BECCA 皇牌光影產品，正~ 👏🏻
Skin Perfector 光影液效果 →
可見閃爍度頗高! 顏色係近乎膚色，印開後實際搽上面係冇色的，適合塑造歐美 model 的光感底妝，令輪廓更立體~ ☺️
而光影液 vs. 光影粉嘅分別係，前者光感較重，保濕度較好，較適合 dry skin / 秋冬用 ; 後者光感較弱，質感較乾，較適合混合肌 / 偏油肌 / 春夏用。
用法一 : 如只想要自然淡淡光感，可用於粉底後 / 碎粉前
用法二 : 如想要更明顯光感，可於化好成個妝後，用手指拍印少少上面
用法三 : 如嫌家中的粉底液太啞緻，想增强粉底光澤度，可溝埋粉底一齊搽上面
塗抹位置 : 用手指搽於 t-zone + 顴骨 + 下巴
下圖係以 "方法二" 塗上，光澤感會最強 →
光影液 / 光影膏我曾經都試過好多款，而呢支 BECCA 就勝在質感透薄唔油膩，就算係夏天印响碎粉後都冇令底妝溶化，輪廓即時變得勁立體之餘，仲令底妝變得更貼面冇咁乾，妝感又自然~ 😍
至於另外的「Skin Perfector 光影粉」效果亦係屬較大粒子、較閃爍那種，比一般光影粉更亮澤。雖然搽上手背係有色，但實際掃上面係透明的 →
對於揀光影粉嘅喜好係人人都唔同，有人鐘意細粒子淡薄自然光感，搽咗唔係好覺眼嗰種，亦有人鐘意揀大粒子勁立體效果，所以並冇分邊種好啲 / 咩牌子好啲，都係視乎個人喜好~ ☺️
而我則喜愛用大粒子光澤度較明顯、只需掃一下就出到光感嘅光影粉，一來無需掃幾次先見到效果，慳返啲時間，二來如果要掃幾次先出到光澤感，咁無形之中個妝都會厚咗嘛~
搽上面效果 →
閃爍度無疑係比一般光影粉強，不過呢個正正就係我想要嘅效果，所以係超級鐘意! 輪廓變得好立體呀~ 😍
(如果嫌呢個程度太光的話，亦只需減少份量掃就 ok，好 flexible)
就算唔用陰影粉打鼻影 / 陰影，單掃呢盒 BECCA 輪廓已經好突出，方便又快捷 →
光影粉我都曾經用過好多牌子，但都及唔上呢盒 BECCA 咁光咁明顯，所以佢已經變為我最愛嘅光影粉喇~~ ❤️
呢套 BECCA 果然冇買錯~~
沒有留言:
發佈留言
注意：只有此網誌的成員可以留言。