今日介紹俾大家嘅係一支好特別嘅精華呀~
有咩貢特別呢?~ 😮
係特別大支! (有成 200ml)
特別水感! (獨特啫喱水質感)
特別清涼! (有涼浸浸感覺好適合夏天用)
講嘅就係下圖 ERNO LASZLO 夏天新出嘅「水漾藍藻凝活緊緻精華」喇 →
先提供產品資料 →
水漾藍藻凝活緊緻精華
FIRMARINE Lift Essence Lotion
蘊含巨大螺旋藻、乳酸、蘆薈葉汁液、透明質酸、大米澱粉及多種植物萃取物，以獨特的密封水感凝膠精華注入緊緻配方，並以微膠囊包裹著活氧複合物，能將養份滲透至肌膚細胞，助更新肌膚、輕柔去角質、提升緊緻、保濕鎖水、賦活肌膚彈性，同時能保護肌膚免受自由基傷害。
$780 / 200ml @ http://www.ernolaszlo-hk.com/tc/
(trial product given by Erno Laszlo)
以一般精華素只有 30ml 計，呢支 ERNO LASZLO 有成 200ml 係超級勁大支呀!! 😲😲😲
所以 $780 係一啲都唔貴，甚至可以話超值呢!
亦因為佢實在大支到難以置信，所以我有再三向品牌 confirm 肯定呢支真係精華素、唔係精華水?? (答案真係精華素)
使用方法
潔面及用爽膚水後，取 1-2 泵精華輕拍於面及頸部，然後再塗抹面霜。
屬 water gel-based 啫喱水質地 →
由於質地勁稀身，伸展度極高，故一泵份量已經係好多好多，建議日間用半泵就夠，而夜晚就可用一泵份量慢慢按摩至吸收，緊緻效果會更好。
搽上面嗰刻已 feel 到質感同一般精華好唔同~
雖然稀身水質嘅精華過往都試過唔少，但呢支係特別水嫩同冰涼的 (有丁點薄荷感但並不刺面，只係冰涼)，亦 feel 到佢冇加入太多透明質酸 / 油脂 / 膠質成份，所以係補濕得來頗清爽，零癡笠笠黏稠感，夏天用係好正 ☀️
份子細，吸收速度快，搽勻後約 10 秒內已可被皮膚完全吸收 →
有補水度之餘感覺清新又清爽，仲 feel 到有少少緊緊哋嘅 up lift 效果，望上去同摸上皮膚亦更柔滑~ 👍🏻
夏天皮膚水份流失得快，補充水份固然緊要，所以用呢支 ERNO 打個底補吓水、先再搽其他護膚品係好應該，兼又有緊緻感~
但補完水都要有少少油份响面層鎖返住先得，咁樣水份先冇咁易流失 (尤其夏天經常開冷氣)，所以無論幾熱隨後都要搽返面霜，怕笠的話亦可揀乳液或潤身少少的精華取代。
由於質感好稀身，係適合任何 skin type 使用，我有俾我老公試過佢都話好正! 清爽得來又有啲補濕效果、有啲 firmimg 感、仲好用過男仕 skincare 咁話! 加上 200ml 咁大支絕對可以兩公婆 share 用，值得一試~ 🙌🏻
但對於 dry skin 嚟講，呢支 ERNO 保濕度並唔多夠，建議隨後搽多支潤少少嘅精華、再搽埋面霜會更好~
沒有留言:
發佈留言
注意：只有此網誌的成員可以留言。