Makeup Secret: 【角蛋白睫毛】勁 hit ! 👁👁 歐美 Lash Lift「角蛋白捲曲美睫術」

「角蛋白睫毛」响歐美 + 日韓都 hit 咗好耐喇~

只不過 hk 都係近呢一年先興起，甚至仲有好多人仍未知佢同「孕睫術、傳統電睫毛、植眼睫毛」有咩分別?

我又 share 吓~ 🤗

植睫毛 →

呢個好多人都知係用膠水响真睫毛上貼上假睫毛，我之前都有成日整。不過每隔 3 星期整一次、每次 $500 其實都幾貴幾花時間，而且效果都有啲誇張，甩啲唔甩啲嗰陣又好肉酸......

而且雖然話唔傷睫毛，但始終膠水都有刺眼感，而响真睫毛上僭建假睫毛亦增加咗重量負擔，仲有啲梗眼感覺，久而久之其實都 feel 到真睫毛係脆弱咗 (相信好多人都有同感)，所以之後就冇再整了.....

傳統電睫毛

原理係以強鹼性藥水令睫毛捲曲，約可 last 3-4 星期，但藥水就比較刺眼傷皮膚，亦因捲芯弧度限制而令睫毛根位唔夠上翹，捲曲效果唔夠自然，屬於較假較老土嘅娃娃眼 feel。因效果太捲曲，視覺上反而仲覺得睫毛望上去短咗，唔整好過整!

新款韓式「孕睫術」

原理係用微針刺穿眼線位角質層、去導入孕睫精華令真睫毛生長，但我自己學過就覺得感覺同「注顏粉底」一樣唔夠安全，一來唔知所導入嘅精華有咩成份 (太多山寨貨)，二來仲要連續做 3 次先 last 到 (每次幾百蚊)，期間仲要每日搽睫毛生長液保養，太麻煩了......

其實咁多人去整睫毛，無非都係想每朝一瞓醒雙眼就精精神神，自然放大，又唔想日日夾睫毛 / 搽 mascara / 化咁多眼妝啫，咁整「角蛋白睫毛」仲更加安全 + 自然喎! 👁👁

角蛋白睫毛術 (Lash Lift) 係咩嚟?

效果有如電睫毛，但就並非用傳統電睫毛技術 / 用料~

「角蛋白睫毛術」係採用外國 FDA 合規格成份，安全零副作用不傷睫毛，並以修護睫毛為前提，利用軟化 → 固定 → 染黑 → 修護方式去創造完美上翹弧度，令睫毛吸收角蛋白養份後生長得更強韌，兼即時有捲曲上翹濃黑效果，做一次平均可 keep 到 1.5 至 2 個月! 👏🏻

以下全部係我幫客人整「角蛋白睫毛」後效果 →

✔︎ 非傳統電睫毛，效果更自然，成份更安全，不損睫毛及皮膚
✔︎ 唔使再用睫毛夾 / mascara / 植睫毛，真睫毛都捲曲上翹濃黑
✔︎ 零 downtime，100% 真睫毛零異物重量負擔
✔︎ 短小下垂睫毛 / 睫毛倒生都適合做
✔︎ 過程只需 1 小時多啲，做一次可 last 6-10 星期 (視乎個人睫毛生長週期及保養方式)

整個過程零痛楚 / 零感覺，好多人整時都會瞓著覺 😴

整一次平均可 keep 6-10 星期，之後可按需要重新整過~

而上翹程度亦可依個人喜好挑選，"自然捲曲" / "超級上翹" 都有得揀~

單眼皮亦同樣適合做 →

就算睫毛本身唔夠濃密，整完都會變得更上翹 →

連我媽咪 64 歲、超內雙眼皮 + 睫毛下垂，整完都有呢種效果 →

整完眼皮望上去冇平時咁重，睫毛亦變得粗黑濃密咗好多!

整「角蛋白睫毛」前後有咩要注意?

- 整前需卸除隱形眼鏡 / 勿搽睫毛膏
- 完成後需要時間定型，睫毛 6 小時內不能濕水
- 完成後 24 小時內勿游水，勿用卸妝油卸眼妝 (可用卸妝水)，以免影響持久度
- 24 小時後可照正常搽睫毛膏及使用卸妝油

不適合 →
❌眼周有濕疹或其他眼部疾病人仕
❌如有植睫毛，必需等假睫毛甩晒後先可以整
❌如有電眼睫毛，必需等還原後先可以整