話說一盒有幾隻色嘅遮瑕組合，我舖頭都有隻美國「Cinema Secrets 五色遮瑕膏」，都用咗好多年喇~ 只不過佢每次一 sold out 等美國訂貨都好耐，遇上缺貨時我上堂教班就好頭痕 😩
但要揾過隻牌子暫時 replace 都唔容易呀! 始終要一盒有齊深淺橙色 corrector + 深淺膚色遮瑕膏，顏色仲要合心意 + 質地唔要乾 + 貼皮膚喎，其實係好難揾.....
雖然而家「Cinema Secrets 五色遮瑕膏」已經返咗現貨，但我之前都貪新鮮買咗盒台灣「BeautyMaker Perfect Concealer Palette」，勝在價錢唔貴只係百幾蚊，又試試先~
獨特「雙層球體科技」，不但比液狀遮瑕更保濕更持妝，亦比霜狀遮瑕更輕薄，輕輕點拍就能立即遮瑕痘疤、斑點、黑眼圈，完全看不到遮瑕痕跡，輕易塑造自然裸肌無妝感。
售價大約係 $148-168 @ LOG-ON
(部份圖片取自官網)
產品用法示範 →
大家知 model 示範永遠都係好美好的，但實物顏色又係咪適合依產品介紹般咁用呢?
等我又 share 返實物顏色用法 →
A 淺象牙色
係好淺白嘅膚色。除非本身膚色好白，否則好少人會用到咁淺嘅色，如用作 cover 痘印 / 斑點會顯灰。但只要自己溝返深色少少亦可以用到唔會嘥，如溝 B、C 或 D
B 中度膚色
適合普通自然膚色單用，的確可 cover 到痘印 / 斑點 / 黑眼圈 / 膚色不均等等
C 深膚色
膚色深的人單用無妨，否則也可自己溝返淺色少少中和一下，如溝 A 或 B。如以描述指用來作陰影膏用其實並唔夠深色，瘦面效果並不大，除非本身膚色好白
D 深橙調 corrector
可用來為黑眼圈打底調色，然後再搽膚色遮瑕膏，如 B 或 C 。如覺顏色偏深，亦可自己溝少少 A 或 B 中和一下
實物試色圖 →
btw 官網示範呢個效果，就好明顯係誇大咗 →
明明係凸嘅發炎暗瘡，有冇可能搽完遮瑕膏會變得完全扁平 / 消失咗??
執相嘅嘢你明嘅~ 🤣
HK 的話，呢類 PS 過帶誤導性的商品效果圖係唔出得街，但台灣可能 ok 吧?
用後感 →
我黑眼圈唔算深，用 B (中度膚色) 溝少少 C (深膚色) 已可 cover 晒黑眼圈色素，而淚溝 / 眼尾下垂位我就再搽咗少少 B (中度膚色) 溝 A (淺象牙色) 提亮。
遮瑕度雖然唔算太高，但效果都 ok，以我唔係太多瑕疵要遮 / 色素唔太深唔難遮計，我係夠用的，但對於瑕疵色素深的人計就會覺得唔夠 coverage 了。
質地亦頗貼皮膚，雖則貼面程度唔可以同 cinema secrets / cle de peau / covermark 等等相比，但至少搽上後冇特別現眼紋，亦唔覺得乾，兼勝在夠平! 不過就略嫌有啲跣色，吸附唔實皮膚，持久度差少少......
另外由於呢盒 concealer 色調有啲偏粉紅，下下要溝色都幾麻煩，個人認為呢盒 BeautyMaker 唔算好易用 / 唔太適合新手用，就連上堂借俾化妝師學員試都話一頭冒水，唔熟化妝就不建議買了。
沒有留言:
張貼留言