2018年11月8日 星期四

飄眉 vs. 霧眉 vs. 新式飄霧眉 •● 有咩分別?

好多客人整眉之前都會問做「飄眉」定「霧眉」好?

其實「飄」同「霧」都各有各優點缺點,但如果只能揀一款的話,我會揀做「飄」。不過對於眉型太幼 / 眉毛稀疏的人,都係先做「飄 」再加少少「霧」互補更好,既有底色又有線條感,色效亦會更 long keep,大家睇完就明白了 😉

霧眉 →

✔︎ 好似用眉粉填色咁,效果輕淡,柔和自然

由於只有底色,欠缺線條感,若果本身眉型太幼 / 唔夠眉毛,夾硬做霧眉就會好似 "一堆真眉毛外邊加咗個淺色框",會同真眉毛產生明顯色差,一眼就俾人望穿,而且剛整完時會較實色, downtime 期會似小虎, 日子耐咗退色後邊框位顏色仲會燻染化開。

(好友於韓國做的「霧眉」效果)


飄眉 →

✔︎ 好似一條條仿真眉毛咁,效果迫真,能為稀疏眉 / 幼眉 / 崩眉補充返線條感

 由於只有線條,欠缺底色,如果用粗身針片整 / 線條整得疏,望上去就會似一條條鋼線,線條與線條之間會見到空隙,但總括計仍會比霧眉效果更自然。


至於新式飄霧眉

揉合「飄 + 霧」優點,用上約 3-4 款不同粗幼度針片 + 不同色乳,線條排列得更密集更幼身,唔會好似鋼線咁粗身,感覺更柔和,較適合喜愛 natural 風的人 👍🏻

除咗可以揀顏色之外,仲可以依個人喜好選擇整「線條多啲」定「底色多啲」,比較 flexible,如下圖係屬於「多飄少霧」= 多線條、少底色,效果會更迫真兼自然,亦近乎零 downtime 期~

(由於相片全部係剛整好時影的,所以無論整咩色,眉色都會有少少泛紅,但就唔會腫)


至於深返少少色嘅「半飄半霧」效果就會較適合眉毛粗黑的人 →

對眉毛本身粗黑的人計,若做太淡色就會同真眉毛顯得格格不入,揀灰色 / 灰啡 / 灰黑色 + 飄霧效果各佔一半, 便會更 match 真毛髮。雖然揀深色剛整好時會深少少,但一星期 downtime 期過後就會變淡約 30%,到時就剛剛好了~ 😊


另一款啡色「半飄半霧」例子 →

而眉毛幼身唔夠色嘅人, 其實都可以揀「半飄半霧」, 改用較淺啡色 + 用 match 返毛髮幼度嘅針片就會好柔和, 唔使怕會變小虎眉~ 😉


簡單的說,「飄」係會更仿真兼自然, 而再加入「霧」就會變濃色少少, 所以愛 natural 的可揀「單飄」「多飄少霧」, 如愛濃密眉色就可揀「半飄半霧」☺️

不過點樣配搭都要視乎本身眉毛情況, 操作前亦會按客人喜好 + 個別眉毛情況再講解清楚, 畫好眉型合心意後 + 解釋咗成個過程先會開始整~


顏色方面有咩選擇?

好多人以為飄霧眉只有黑色 / 深中淺啡色選擇, 但其實顏色係有好多㗎~ 只視乎紋繡師肯唔肯落本添置而已, 由於大部份紋繡師只會買幾隻大路常用色,所以一般人就以為只得幾款色選擇了。

我哋可以揀嘅 color 有黑色 / 灰黑 / 灰啡 / 深啡 / 朱古力啡 / 棕啡 / 橄欖啡 / 拖肥糖啡 / 楓葉啡 / 啡紅 / 栗子啡 / 蜜糖啡等等,方便 match 返髮色 🤗


而線條顏色同底色仲可以分開選擇, 當然揀咩色 / 整幾深色 / 改咩眉型等等,都係個人喜好啦~

若然唔知點揀的話,只要講清楚自己想要咩效果就 👌🏻


Downtime 期要幾耐

如所有真實客人相片所見,無論係整咩色,剛整完嗰刻眉色都會有輕微泛紅,亦會深色少少 → 整完第 2-3 日會開始結薄痂 → 約第 6-7 日薄痂會開始自然掉落 → 薄痂完全掉落後眉色就會變淡約 30%,變得更柔和自然,整個 downtime 期約為一星期。

然後大約隔 2 個月預約免費補色就剛剛好,到時可因應個別皮膚留色情況而決定補幾多色~


可以做勁淡色嗎? 剛整完嗰幾日冇 downtime 期?

其實「新式飄霧眉」已經係冇乜 downtime 期, 整完唔會變小虎, 只會好似畫咗眉咁, 係即時出得街見人㗎, 但如果仍然想做淡色亦當然可以啦~ 

不過所有飄霧眉都一定有甩痂後退色期,只要唔介意一星期 downtime 期過後會變淡約 30%,都可以留待補色時先加返深的~ ☺️

整得淡嘅好處係完全零 downtime 期,色效更柔和自然,但缺點就係色效持久度相對會降低,冇其他人 last 得咁耐,約 1 年內就要再次補色了。不過都係個人喜好啦~ 有好多人係寧願唔夠色自己化妝畫兩筆、都唔鐘意深色的,只要整之前講清楚意願就 ok~

整淡色例子 →


Makeup Secret新式飄霧 

一 take 過揉合美式、韓式、台式「飄 + 霧」手法優點,比過往飄霧眉效果更自然、更仿真、更柔和,因應個別眉毛情況 tailor-made 填補,更可自選顏色、線條感粗幼度及底色配搭等等,bye bye 公式化,選擇更 flexible。

✔︎ 合併手功飄眉 + 手功打霧技術
✔︎ 分段採用 3-4 款即棄式針片,比普通紋繡針片更幼細,線條感更迫真柔和
✔︎ 分層採用 2-3 款色乳,多款顏色選擇
✔︎ downtown 期唔會變小虎眉
✔︎ 過程完全零痛楚


新式飄霧眉 $3000 (包免費補色 1 次)

👍🏻 包 4 個月內免費補色 1 次,無額外收費
👍🏻 採用美國名牌優質紋繡色乳 + 即棄式工具,絕不使用劣質平價品,不會後期變綠變藍
👍🏻 著名化妝師 Isadora Cheng 親自主理,持美國、韓國、台灣、香港等 7 個專業紋繡師資格

Facebook 專頁查詢 / 預約 :
https://www.facebook.com/makeupsecret.hk/



* 改舊眉* 飄霧補色效果 👉🏻



粗濃眉想做「新式飄霧眉」更有 special offer $1800 ! 👉🏻


提提大家我哋半年前搬咗新 office ! 新地址 👉🏻

Makeup Secret
尖沙咀廣東道 116-120 號海威商業中心 12 樓 B 室
(Apple Store 📱側 / Armani 對面)
T: 2311 9682


5 則留言:

  1. ISA, 我黑眼圈其實偏紫色, 就咁用膚色遮瑕遮唔晒, 係咪應該要用corrector先再上膚色遮瑕膏?如果係你有無咩介紹? 我眼底有少少乾 thanks

    回覆刪除
    回覆
    1. 冇錯係要先用橙色 corrector 的, 而呢類顏色 corrector 只有 Bobbi Brown / Laura Mercier 有及比較高 coverage (NYX / MAC / 有啲開架 brand 等都有, 但冇咁好用), 但質地點都會有少少乾, 記住唔好搽太多份量及必需要用遮瑕掃搽就 ok~

      刪除
  2. Hi! 我之前跟你介紹用Urban Decay既碎粉,斬好OK!不過,佢而家香港唔再出,請問有冇類似效果既碎粉介紹?我係乾燥既中女肌, thanks!

    回覆刪除
    回覆
    1. 可以試試 Covermark 紫色蓋嗰盒膚色透明碎粉, 以 loose powder 計唔算好乾~

      刪除
  3. Hi 男仔飄眉好還是霧眉好?想預約2月,多少錢?

    回覆刪除