「產後古法紥肚」15 日成果

上星期已 share 過「古法紥肚」10 日效果, 尋日剛完成晒全個 15 日療程, 又分享下效果同感想先 😌

首先呢段期間我並冇節食 / 冇食過減肥 supplement, 始終養好身體緊要啲, 所以坐月期間想修身能夠做嘅就只有靠搽瘦身 skincare 了。

不過上一胎試過只靠搽瘦身產品係減得好慢, 每晚狂搽狂捽都要 8 個月先瘦得返晒, 過程係好漫長好攰, 而且期間買瘦身產品嘅 $ 都唔少, 所以今胎就決定試試揾人上門做 「古法紥肚」, 今日終於完成晒 15 日療程, 效果我係滿意嘅! 

當然唔會即刻瘦到好似以前咁, 但就於短短 15 日內加快咗修身速度, 成個人感覺輕返好多, 就算之後靠自己減都容易啲 👍🏻

如我上次所講, 「古法紥肚」絕對係有效, 但只能將修身進度加速, 並唔會做完 10-15 日即刻由 XL 變 S / 凸肚變扁肚 (除非本身大住肚都好瘦), 之後如想再瘦落去, 係點都要靠自己努力搽瘦身產品 / 做運動 / 食瘦身 supplement 之類的。

不過如果今次唔係靠「古法紥肚」幫手, 單靠我自己減都唔知要減到幾時呀! 再講因懷孕 + 生產過程撐闊咗嘅盤骨, 亦冇可能自己收窄到嘛~ 所以雖然紥住個肚咁多日係唔太自在, 但就好值得~~

而家個身側面睇經已扁返好多, 背脊冇咁厚, 手臂冇咁粗, hip 位冇咁巨, 大腿 firm 返啲, 腰線又出返嚟, 每個部位都有減咗少少 →

雖然比起以前都仲係好有肉地 (話晒生完都重過以前廿幾磅), 而且肚皮曾經撐到咁大, 就算瘦返都會鬆, 冇可能咁快就收緊返晒, 但短短 15 日有呢個效果都算要開香檳慶祝了! 🤣🍾

究竟要做 10 日定 15 日先夠??

視乎自己懷孕期間長咗幾多肉、肥腫咗幾多啦, 我懷孕後期係足足重咗 40 磅, 就算生完 2 星期都仲有廿幾磅甩唔到, 加上水腫情況嚴重, 所以我係揀 15 日 package。

我的 case 腰腹 + 下半身係做到第 6 日已有明顯改善, 而第 7 日就覺得改善速度會開始減慢, 主要係因為頭 7 日已經減咗勁多, 於是剩低可以減嘅空間細咗。去到第 10 日見個肚都收得七七八八, 於是剩低嗰幾日除咗做肚位之外, 就叫紮肚師就主力幫我減背脊舊肉 + 手臂 💪🏻

其實頭一星期紮肚師都有幫我做過全身, 手臂 / 背脊都叫好咗啲, 但始終個 focus 係減腰腹 + 下半身,  手臂 / 背脊呢啲唔係主角, 當然係有時間剩先重點做了。而每人 concern 嘅部位都唔同, 只要同紮肚師講講有咩位想特別減就 ok~

手臂 Day 6 vs. Day 15 效果 →

主要係背脊舊肉冇咁厚、冇咁唧肉, 手臂線條緊返少少, 著衫時亦 feel 到啲衫手袖位冇之前咁緊~ 以自己乜都冇做過、剩係訓響床上俾人按摩幾日有咁嘅改善都算係咁啦~

而腰腹 + hip 位 + 大腿而家係已經著得入 M size 褲, 唔使再著鬆身孕期褲 😃

紮肚師已功德完滿, 至於剩低未減到嗰啲就.......

我會再繼續努力減到著得入以前啲 S size 褲為止的了~~~ 💪🏻😂

上門古法紥肚資料 + 效果分享重溫 →

http://isadoracheng.blogspot.com/2018/12/blog-post.html#more