2019年1月2日 星期三

「無針埋線」同 HIFU 有咩分別?「Liftera Ultra V Lift」無針埋線緊緻瘦面效果

放咗 1 個月產假, 再休息多一陣就要準備開始返工喇~ 🤱🏻

雖然個身仍然係肥腫要再慢慢努力減, 不過做完「古法紮肚」都總算叫做對個身交待咗, 係時候輪到減塊面~

比起修身瘦 body, 我覺得塊面係相對易減啲, 尤其只要肯付出少少 $ 就得喇 😆

話晒生完 bb 塊面腫到豬頭咁, 又多咗個雙下巴, 連條頸都粗咗, 單靠自己搽 firming 護膚品根本冇可能減到, 就算用埋家用式瘦面機都唔幫得幾多, 想加速瘦面進度出得街見人, 就要靠外援幫幫手了~

瘦面外援有咩選擇?

當然係去美容院做機最快見效啦! 首選係最新興嘅「Liftera Ultra V Lift」= 而家啲廣告成日推嘅「無針埋線」緊緻瘦面 treatment 💆🏻‍♀️


「Liftera V Lift」係現時做「無針埋線出名嘅緊緻瘦面機, 獲韓國 KFDA 認證, 好多地方 →

打破傳統 HIFU 行線式輸出技術, 以專利醫療級 TDT (熱點擴散) 渦旋式聚焦超聲波技術, 於皮膚特定深度密集輸出能量, 即時緊緻提升面部鬆弛肥腫情況, 同時激活肌底膠原增生重組, 增強肌膚彈性, 改善皺紋及膚質, 過程更快兼完全無痛。


傳統 HIFU 有咩分別?

好多人以為「Liftera V Lift」同 HIFU 係 2 樣嘢,  其實佢亦係 HIFU 一種, 但就屬於新款無痛兼更強效嘅 HIFU, 所以效果原理同傳統 HIFU 一樣分別在於 :

傳統 HIFU →

採用大機頭一條條平排線咁逐下打 (行線式), 未能緊貼面部所有凹凸不平輪廓, 能量輸出得唔夠平均, 收費貴 (約幾千蚊一次), 而且話就話新一代已經係無痛, 但其實做耐咗都覺得有痺痛酸弱感覺。


Liftera V Lift 無針埋線 →

用嘅頭更細更新式, 變為小巧筆形機頭打圈碌住咁打 (旋渦式), 好處係能更緊貼面部所有曲線輪廓, 唔會 miss 咗任何一個 spot, 能量輸出得更平均, 密度亦更高, 緊緻拉提度會比傳統 HIFU 更強效兼持久, 價錢更親民 (約千幾蚊一次), 過程更快而且真正無痛。

由於 firming 效果足以媲美「注射式埋線」, 但就唔使用針, 對皮膚零創損, 所以又被稱為「無針埋線」😌


舊一代 HIFU (Double M) 我 3 年前都有打過, 懷孕時見自己肥腫咗咁多, 都打算生完 bb 後會再打 (實在太有需要)。既然而家有新機款, 價錢又平咗就當然更好啦! 只爭在去邊間打啫~

最終今次冇揀到大集團, 改為去 one man band 形式小型美容院, 貪佢唔 hard sell (係直頭冇 sell 過) 👏🏻

Miracle Skin
尖沙咀金巴利道 35 號金巴利中心 8 樓 804 室 (君怡酒店對面)
查詢或 whatsapp: 21531529 / 61771777


呢間美容院係紥肚師推介俾我的~

之前紥肚時傾開計, 我話而家塊面咁肥有排減, 然後佢就話剛剛打完 HIFU 瘦咗好多, 又 show 佢自己嘅 before & after 相俾我睇, 話呢間美容院價錢唔貴又唔 sell 人, 而且好近我 (尖沙咀), 叫我去試試.....


我一望紥肚師 whatsapp 俾我個地址......

嘩! 乜咁邪呀! 間美容院店址竟然係我舊舖店址喎!! hahahaha~

咁有緣, 唔去幫襯都唔得啦! 🤣


價錢 →

首次試做價係 $888 包面連頸共 6000 發 (原價 $1680) / 3 次 package 係 $5040

確實係唔貴, 比起以前打 HIFU 要萬幾兩萬 3 次已經平咗勁多~

而今次去嘅呢間美容院都幾好, 發數打得足 + 有 heart 做 +  價錢合理 + 唔 sell 人, 而且因為得 1 個美容師做, 唔使怕每次去都唔同咗美容師 👍🏻


再睇睇未做前個樣 (產後 3 星期) →

經歴完十月懷胎 / 孕期大飲大食後, 我以前塊 V 面經已蕩然無存, 而家係變咗 "一舊浸咗水 N 日嘅發漲麵包", 又鬆又腫, 成個人由 S 變 L 😝


產後 4 星期, 去打「Liftera V Lift」嗰日已經叫好咗啲, 但仍然都係肥肥腫腫 →


做完 1 次效果對比 →

過程約 40 mins, 塊面已即時 firm 返好多!

見到面型收細咗 + 虎紋淺咗 + 下巴尖返啲冇咁圓, 最明顯係面珠登舊肉冇咁漲同下垂, 成個人精靈返 sharp 返, 望落去都冇咁師奶 feel, 效果都算幾好呀! 返到屋企老公都話係冇咁肥腫, 呢筆 $ 俾得值~ 😍

除咗有即時效果之餘,「Liftera V Lift」亦同傳統 HIFU 一樣會令肌底膠原增生, 重組返肌底層承托力的, 所以同樣係打完後隔 2-3 個月會逐漸變得再 firm 啲, 效果會比而家呢個即時效果再好少少~


另外做完覺得膚質望上去光滑咗 →

至於過程感覺方面, 比起我 3 年前打嘅舊一代 HIFU, 新款「Liftera V Lift」確係完全無痛, 只係 feel 到暖暖哋, 亦唔會有以前打 HIFU 嘅冤痛感, 我仲嫌冇 feel 叫美容師調高少少度數添! 😂

(我今次係小試牛刀打 7 度, 打算下次去挑戰 8 度)


再對比返一星期前嗰個口腫 + 面腫 + 鼻腫嘅樣 →

真係要開香檳賀一賀! 🤣


而家就算正面睇都冇咁肥腫了 →

雖然紮起頭髮都仍然覺得塊面好肥, 不過冇辦法啦, 剛生完 BB 一個月係冇咁快減得晒了, 唯有隔多 3 星期再去打第 2 次, 暫時用頭髮遮一遮 + 化個瘦面妝都仲呃到人~ 😝


效果可以 last 幾耐?

「Liftera V Lift」又係同傳統 HIFU 一樣以 3 次為整個療程, 做完 3 次約可 last 年幾兩年, 至於確實能 last 幾耐就因應每人皮膚狀態 / 新陳代謝速度 / 日常保養方式而異, 如以我以前打過傳統 HIFU 為例就 last 到 1.5 年。

而如果只打 1 次就約可 last 4-6 個月, 但效果就一定冇人哋打足 3 次咁 firm 了。



14 則留言:

  1. 請問無針埋線同真如堂蛋白線比較, 邊個效果勁D? thx

    回覆刪除
    回覆
    1. 如果你塊面比較腫或者鬆弛,咁打無針埋線會好啲,但如果塊面本身唔係太鬆/唔係太腫,想提升輪廓的話咁就打蛋白線會好啲~呢個問題都好多人問過,我隔幾日會出篇文詳細講一下的~

      刪除
  2. 發現得你個blog太遲添....你寫既野簡潔又清晰, 追

    回覆刪除
  3. 請問你這部和ultra V hifu Plus一樣嗎?
    因為ultra V hifu plus要3k多做一次
    但不知效果如何

    回覆刪除
    回覆
    1. 應該都係類似嘅嘢,但我未打過嗰款所以都唔知道效果會唔會更好~

      刪除
  4. 多謝您的分享,其實我覺得您產後及做完療程—樣咁靚女。請問剛剛打完Scupltra在蘋果肌隔多久可做V Lifting. 及會不會影响 Sculptra 效果?

    回覆刪除
    回覆
    1. 多謝你呀~ 如果打完 scupltra 最好隔 1 個月後先做 V lift, 如果太近時間打絕對會影響 sculptra 效果,比我會至少隔 1.5 月先打~

      刪除
  5. 多謝您的意見,咁我遲些才做啦,我真係好矛盾,想飽滿些之餘又想保持清秀,-步-步唔好心急慢慢調校啦😉

    回覆刪除
  6. 系咪第一次整完都 會即有效果?

    回覆刪除
    回覆
    1. 都有效果睇㗎~ 尤其如果你塊面越鬆就越有效果睇到,但如果本身塊面已經好 firm 咁就只有少少效果睇~

      刪除
  7. 請問每次隔幾耐做一次效果較佳,如果情況嚴重係咪要做6次較好,有冇話最多做幾多次就要停??

    回覆刪除
    回覆
    1. 初初頭三次係建議每隔一個月做一次,之後可以每隔兩三個月甚至更耐先返去做當保養,不過都係視乎本身塊面有幾鬆~

      刪除
  8. 多謝你分享🙏🤝我都好想改善皺紋。

    回覆刪除