呢套新出嘅「無添加亮肌盈潤粉底霜」+「無添加亮肌盈潤底霜」係 X'mas 前就收到了, 但之前坐月好耐冇出街冇化妝, 一直到今日先攞出嚟試, 即刻寫個 review 先~
首先 FANCL 嘅化妝品我覺得碎粉 + 粉餅 + 眉筆 + 唇膏 + 胭脂粉 + 眼影粉都係好 ok 的 👍🏻
唯獨係 base 同 foundation 差少少......
差響邊呢?
最主要係所有 base 顏色都偏白 (日本嘢係咁), 質地較乾, 唔容易推勻, 而 foundation 亦同樣唔夠保濕貼面, 唔夠均勻之外妝效亦唔持久。But 都係嗰句, 勝在無添加囉 😅
又睇睇今次新出嘅 base + 粉底霜有冇改進到~
無添加亮肌盈潤底霜 SPF25 PA+++ →
含獨特魔幻亮紫配方, 能即時修正暗黃膚色, 令肌膚透現年輕光澤丶淡化瑕疵。配以「角質修護成分」及升級版「亮澤緊緻盈潤油」, 有助改善肌膚防禦機能, 不使用防腐劑及合成色素, 化粧同時護膚。
(products sponsored by FANCL)
一搽上面嗰下我經已 feel 到好白, 完全 foresee 到搽完應該會變藝妓..... 😅
勝在真係有「美肌效果」, 填平到紋理毛孔, 淡化到瑕疵 →
但搽勻後果然好白, 同條頸係兩截色 😆
同埋搽嗰陣都幾乾幾難推......
所以唔太建議試了, 除非你本身皮膚唔乾兼好白淨
Base 我就覺得一般喇, 再試埋支「無添加亮肌盈潤粉底霜」→
配以升級版「亮澤緊緻盈潤油」及「長效膚色亮采粉末」, 質地幼滑薄貼, 能高效修飾肌膚紋理, 隱匿細紋瑕疵, 長效保持粧感水潤亮澤, 即使長時間上粧也不顯細紋, 讓肌膚全日展現年輕無瑕的光采。
不使用防腐劑及合成色素, 化粧同時護膚。
SPF30 PA++ (共 4 色)
收到嘅粉底顏色明顯比我膚色深, 正好 tune 返深色少少, 救一救搽完 base 之後塊「藝妓面」😝
質地屬於較杰身 cream 狀, 並非描述所指嘅「幼滑薄貼質地」→
不過厚身 / 薄身對我嚟講都冇所謂, 只要佢遮到瑕, 均勻到膚色又貼面就 ok
搽勻後效果 →
遠少少睇非常無瑕! 又係有美肌 feel, 填平到細紋毛孔 😍
均勻膚色 / 遮瑕度亦 ok, 係有啲泛紅位置 cover 唔到啫~
但缺點係唔夠潤, 唔夠易推勻, 搽嗰陣已 feel 到個粉質膠膠哋, 搽完 close up 睇亦覺得好似有層膠膜漿住咁, 有啲侷身唔多好 feel.......
掃埋碎粉定妝 + 化晒妝後效果 →
雖然都頗無瑕, 但底妝感覺有啲「膠」, 唔夠自然.....
持久度亦只係中低, 化完妝 2 hrs 就開始爆油, 以我 dry skin 底平常面油都冇滴計, 好明顯係因為 base + foundation 唔夠保濕而乾到出油, 唔啱我膚質, 又係只適合皮膚唔乾嘅人用......
報告完畢~~
下次再試 Shiseido 氣墊粉底比大家睇~~ 😊
沒有留言:
張貼留言