澳洲權威 DU'IT「女神急救手膜」平價 hand mask 🙌🏻 掂喎!

係咁嘅, 我有輕度潔癖 😆

每日一有時間就用酒精乜都消毒一餐, 又會經常洗手, 雙手唔乾就奇啦~ 

所以我除咗會隨身攜帶勁潤嘅 hand cream + 細細支精華油一乾就搽之外, 仲會每隔幾晚厚敷一次 hand mask (帶布手套敷住瞓)~

由於敷得頻密, hand mask 我差不多每隔 3 個月就 K.O 一支! 以呢個用量計, 次次買我用開嘅「LCN」真係會破產㗎, 於是決定揾支平平哋嘅 hand mask 試, 留返啲奶粉錢俾呀 👶🏻 先~ 

呢支喺萬寧買嘅澳洲 DU'IT「女神急救手膜」, 特價後約 $65-68 左右 (75g) →

主要針對家務手 + 粗糙手而設,  仲話可以強效抗衰老, 啱晒我 😌

而用咗好多年嘅 LCN「Reposan Hand Mask」, SaSa 買就約 $250-$260 / 50ml → 

係勁有效勁好用! 👍🏻

每次雙手乾到龜裂甩皮時, 用佢連續敷幾晚就會即刻返老還童! 已 keep 住回購咗 5-6 年!

但我用得密、消耗得快就會覺得佢貴咗啲, 若果有平價 replacement 就當然更好啦~

DU'IT「女神急救手膜」產品資料 →

強效配方添加維他命 E  + 甜杏仁奶 + 尿素 + 乳酸 + 天然保濕因子等, 易於吸收, 能促進皮膚細胞再生, 讓雙手變得更柔軟年輕, 增強皮膚彈性, 延緩衰老。

針對家務手、粗糙手, 有效解決乾燥 / 粗糙 / 老繭 / 龜裂 / 紅腫過敏 / 經常洗手或接觸化學品造成粗糙等手部皮膚問題, 連續使用 5 天效果顯著。

使用方法 👉🏻

可每天使用, 作為 hand cream 薄搽, 或作為 hand mask 敷用

質地軟滑輕柔, 推開時有奶油 feel →

由於質感都幾潤身, 建議唔好一次過唧出太多份量, 可慢慢按需要添加

用後感 →

確係好 ok 喎!! 👏🏻

雖然吸收收得冇 LCN「Reposan」咁快, 但帶對布手套厚敷 15-20 mins (也可敷住瞓), 敷完雙手又真係柔滑好多, 甩皮嘅位置會被軟化唔再龜裂, 乾紋又有明顯改善, 雙手皮膚觸感滑嫩咗, 又冇香料味, 唔錯唔錯~

試過用嚟搽埋腳再著對 🧦 敷, 腳踭位都有變得更 soft, 效果同樣讚!

但如果當 hand cream 搽, 我就覺得會潤咗啲, 雖未至於油淋淋, 但搽完都會有黏稠感, 就算份量用少啲薄搽都會覺得黏笠, 不過如果係臨瞓前當 hand cream 搽都可以接受嘅~

呢支絕對值得試, 價錢又平~ 推介推介~