今次介紹嘅澳洲護膚品牌「Mum To Be™」, 幾日前 post 嘅 video 內都有提起過, 係 2 個月前收到的 X'mas gift, 以 $168-$280 價位嚟講確係正! 值得推介俾大家試試~
雖然睇名都知佢係打正旗號為孕婦 / 產婦而設, 但其實都只不過係主 sell 天然有機冇化學物啫, 品牌自己都有講唔一定係孕婦先用得, 只要係天然護膚品愛好者都可以用~
「Mum To Be™」係澳洲有名氣嘅天然 skincare 品牌, 集合知名有機植物學專家 + 婦嬰護理師 + 墨爾本大學植物研究實驗室成員而創立, 所有產品均不含人造香料 / 化學防腐劑 / 礦物油 / 皂鹼 / SLS 或 SLES 等化學劑, 並通過澳洲皮膚科 HRIPT 敏感性肌膚測試。
澳洲官網 : http://www.mum-to-be.com
(trial products given by SaSa)
首先, 我並非天然 skincare 頭號粉絲, 都同樣會用科研產品, 認為如果要美白 / 明顯改善膚質, 始終都係要科研䕶膚品先做到, 而天然有機 skincare 就係主攻抗衰老 / 減紋 / 滋潤效果, 如果你係想揾呢類效能嘅 skincare, 咁今次嘅「Mum To Be™」就啱晒你喇~ 😉
Ultimate Revival Olive Oil 身體調理油 →
成份含高純度橄欖果油 + 香葉天竺葵花油 + 苦橙果皮油等, 為全天然植物萃取油脂提鍊, 有效促進膠原蛋白生成, 恢復細胞結構, 從而增強皮膚拉伸能力, 令皮膚更有彈性, 潤澤肌膚之餘能快速吸收, 有效撫平肌膚乾紋, 使肌膚回復柔滑, 具淡淡天然植物香氣。
$180 / 110ml @ SaSa
皮膚乾嘅人用嚟搽 body 感覺係一流!
質感比堅果油 / 玫瑰油 / Bio-Oil 等清爽, 屬薄身質地嘅 body oil, 搽勻後隔 5 mins 左右已會被完全吸收, 冇油淋淋嘅油膩感, 搽完個身唔會乾到痕, 而且佢嘅天然植物香氣亦相當討好, 伸展度仲要好高, 一支用到勁耐, 我每晚全身狂搽都用到 2 個月 😃
孕婦亦當然可用佢作為產前 / 產後妊娠油用啦~
好過用 Bio-Oil / Mustela / Palmer's 好多呀! 呢支價錢唔算貴又係天然有機喎~
Ultimate Revival Crème 緊實撫紋霜 →
成份以蘆薈液取代純水做保濕劑, 以迷迭香葉等萃取取代防腐劑, 以植物精油取代礦物油, 以薰衣草花萃取取代人工香料。乳霜質地水感無負擔, 有效潤澤肌膚紋理, 緊實身體肌膚回復彈性, 促進並恢復細胞結構能力。
$220 / 120ml @ SaSa
呢支質感確係清爽! 雖則搽嗰陣都 feel 到有水潤感, 但就會秒速吸收, 搽完 body 感覺絲質柔滑, 又有微微薰衣草香氣, 伸展度又係好高, 少少份量已能推得好遠, 一支有排用 👍🏻
不過緊緻效果就唔多覺有, 只能當普通 body lotion 搽, 勝在係全天然又唔黏稠, 春夏用都 ok (冬天用我覺得唔夠潤), 唔鐘意油膩感嘅人會好合適~
Antioxidant‐enriched Hydrating Mist 保濕噴霧 →
添加酵母萃取 + 大豆胺基酸 + 澳洲沙漠野生青檸果萃取 + 苦橙果皮油等, 有效調節水油平衡, 滋潤肌膚增強彈性, 瞬間亮澤柔嫩肌膚, 保濕抗氧化。不含酒精及人造香料
呢支於早幾日嘅 video 內有提過, 感覺係滋潤到不得了, 噴少少已經好似搽咗精華油咁, 非常適合 dry skin / 極乾沙漠肌乾燥時使用 (唔啱油性肌, 有少少油淋淋), 我有時懶得滯會就咁噴完佢、乜都唔搽就直接瞓覺, 第二朝起身都完全唔會覺得乾 👏🏻
亦有試過沖完涼用佢嚟噴背脊, 保濕效果同樣 good~ (背脊好難搽到 lotion 嘛)
$168 / 150ml @ SaSa
Aqua Regenerating Serum 海洋煥肌精華 →
集保濕舒緩及柔膚於一身, 有效促進皮膚微循環, 並於皮膚表面形成保濕屏障, 防止肌膚水份流失, 讓肌膚持續水潤, 並有助淡化細紋及減緩皺紋, 令肌膚柔軟平滑。
$280 / 40ml @ SaSa
呢支我而家仲用緊, 以 dry skin 用嚟講係屬於中上滋潤程度, 雖然都含有精華油成份, 但用後就唔會油淋淋, 搽勻後摸上塊面嘅感覺都幾柔軟, 亦可改善到乾紋同甩皮問題, 望上去膚質會平滑啲~ 👍🏻
日間化妝前我係用 1.5 泵打底, 之後會再搽防曬, 上粉底時係有 feel 到更貼面同少咗現乾紋~
(夜晚我就會用 2 泵份量)
專為乾性缺水肌而設, 成份以蘆薈液取代純水做保濕劑, 添加荷荷巴油 + 澳洲野生洛神花精華 + 酪梨油 + 玫瑰花萃取 + 薰衣草花萃取 + 維生素 C + 牛油果油等等, 能高效滋潤柔軟肌膚, 減少細紋, 抗氧化, 回復緊緻彈性, 同時能提升肌膚光澤度, 淨白改善膚色。
$280 / 50g @ SaSa
同一系列另有分質地較清爽嘅「Moisturizing Lotion」, 不過我就覺得唔夠潤, 都係「Night Reparative Crème」好用啲~
「Night Reparative Crème」望上去都睇到質感係比「Moisturizing Lotion」豐厚 →
呢款又係適合 dry skin 用嘅晚霜, 其實都冇分日夜嘅, 皮膚乾的話日間都可使用。
搽上面嘅感覺係輕薄得來非常潤澤, 雖然搽勻後都有少少油光, 但就唔係黏笠, 隔一陣再推兩推就吸收晒, 未至於會油淋淋, 滋潤度以而家 20 度左右天氣嚟講係足夠的, 但極乾嘅皮膚就可能會覺得未夠潤。
整體都滿意嘅, 乾紋亦撫平到, 不過成樽用晒都唔覺得膚色有咩改善, 當係普通抗衰老 face cream 搽就好, 淨白方面唔好抱有期望~
沒有留言:
發佈留言
注意：只有此網誌的成員可以留言。