明明全家都冇濕疹, 係唔知點解細囝有......
初時見佢只係細細撻, 少少紅 / 少少甩皮凸起咁, 但愈大情況就愈明顯, 半年後已經變成一大撻, 2 隻腳仔都 R 到損晒..... 🥺
雖然只屬初期, 但都預計到繼續落去會一直惡化, 梗要趁早 K.O 佢啦!
大家都知濕疹係可以發得好嚴重㗎嘛.....
2020年8月20日星期四
2019年12月18日星期三
敏感肌 / BB 過敏 👍🏻 掂掂掂! 👍🏻 西班牙「ISDIN」舒緩修復面霜 Skin Repair Facial Cream
BB / 幼兒皮膚脆弱嘛, 轉季周不時都好易敏感, 面仔同 body 經常一撻二撻泛紅 / 痕癢 / 甩皮仔 (莫講話 BB, 其實大人都係), 搽乜可以快速 K.O?
我有好介紹呀! 🙋🏻♀️
呢支西班牙「ISDIN」面霜係我早幾個月前 SaSa 買的, 當時呀 B 皮膚敏感, 屋企搽開嗰支 Marine Elements 抗敏面霜又用晒, 唯有急急腳衝去附近 Sasa 揾支取替品頂住先.....
揀佢純粹係俾盒上張 before & after 相吸引, 因為呀 B 當刻塊面真係好似張相咁紅卜卜 →
發現原來都好有效喎! 搽咗 2-3 日就好似張 after 相咁退晒紅, 變返正常! 👏🏻
雖然係 BB 面霜, 不過大人當然可用, 我都有搽過好 work!
2019年5月11日星期六
淘寶有好貨 ♕ $899 輕便式可褶 滾輪初生 BB 床
BB 床買淘寶貨穩唔穩陣㗎? 🤔
我就覺得就算喺 hk 買外地牌子都有機會係 made in China, 網購亦有好多係淘寶貨, 咁不如自己淘仲多選擇啦~ 只要唔好揀太平的, 再花時間睇清楚用家評價就冇問題, 例如今次細佬呢張 BB 床, 我就揀咗成個月比較過先決定買, 實物非常讚! 👏🏻
點解揀咁細張床? 買大張啲可以瞓多幾年實用啲喎? 同埋揀實木床唔會硬淨啲咩?
以前都有買過大 size 實木 BB 床俾哥哥 + 妹妹嘅, 但大家知 hk 寸金呎土, 啲房勁細, 睡房門又勁窄啦! 如果買太大 size 就有機會過唔到睡房門, 只能放廳, 就算擺到入房都係好迫冇乜位剩, 實木床要移出移入亦冇咁方便。
同埋每個 BB 都好有性格, 如哥哥 + 妹妹正正就係唔肯自己瞓 BB 床嗰批, 結果張床瞓咗幾個月就淪為雜物床, 仲要係一張好嘥位、好 "亞炸" 嘅雜物床, 要拆又麻煩喎......
所以今次我學精咗, 都係買張細嘅試試水溫先! 🤣
2019年4月29日星期一
淘寶有好貨! $99 勁正「升降款 baby 防摔欄 床欄」👶🏻
家有 baby 又點可以冇床欄?~
BB 大約 4 個月已經識翻身 + 開始學爬, 好容易碌落床, 而床欄就可以防止意外發生, 一直去到 3-4 歲都可以預防小朋友反瞓碌落床~
對新手父母嚟講, 買床欄唔知頭唔知路, 買得到嘅地方又唔多, 好多時見 ToysRus 有得賣就會去 ToysRus 買, 但我買過 2 塊就覺得麻麻哋, 款式選擇仲勁少, 其實唔介意的話, 反而淘寶會有更多高質量選擇呀! 不過當然要睇清楚評價啦 😉
同好多其他物品一樣, 床欄都係要買返去用過先知好唔好用 / 夠唔夠穩陣, 話晒屋企有 3 個寶貝, 每個相隔 5 年, 床欄就買過 3 塊, 見 FB 有好多讀者都剛剛生完 BB, 不如就分享少少揀床欄嘅心德俾新手爸媽參考一下啦~
2019年2月17日星期日
$300 以下天然有機護膚品有好嘢! 澳洲「Mum To Be™」護膚系列 review
今次介紹嘅澳洲護膚品牌「Mum To Be™」, 幾日前 post 嘅 video 內都有提起過, 係 2 個月前收到的 X'mas gift, 以 $168-$280 價位嚟講確係正! 值得推介俾大家試試~
雖然睇名都知佢係打正旗號為孕婦 / 產婦而設, 但其實都只不過係主 sell 天然有機冇化學物啫, 品牌自己都有講唔一定係孕婦先用得, 只要係天然護膚品愛好者都可以用~
「Mum To Be™」係澳洲有名氣嘅天然 skincare 品牌, 集合知名有機植物學專家 + 婦嬰護理師 + 墨爾本大學植物研究實驗室成員而創立, 所有產品均不含人造香料 / 化學防腐劑 / 礦物油 / 皂鹼 / SLS 或 SLES 等化學劑, 並通過澳洲皮膚科 HRIPT 敏感性肌膚測試。
澳洲官網 : http://www.mum-to-be.com
(trial products given by SaSa)
2018年12月25日星期二
6 款 BB 䕶膚品牌推介 baby skincare 👶🏻
話晒已經係第 3 胎, BB 䕶膚品必定試過唔少啦~
話說 10 年前哥哥出世時, BB skincare 選擇得好少, 來來去去唔係用「強生」就「施巴」(但哥哥用「強生」會敏感起紅疹)。5 年後到妹妹出世選擇已經多咗好多, 仲有唔少天然有機牌子揀𠻹! 到而家又過咗 5 年, 輪到細佬出世選擇當然就更多啦~
今次推介嘅 6 款 BB 䕶膚品牌, 其實用過冇話邊隻特別好啲, 至少用完冇出現過敏感, 成份亦全部適合嬰幼兒使用~
Burt's Bees 天然寶寶護理系列 →
全系列有 body lotion + 沐浴露 + 洗頭水 + 尿片膏 + 萬用軟膏等等, 98%-99.8% 天然安全成份, 採用不刺激眼睛配方, 不含硫酸 / 酞酸鹽 / 石化物 / 苯甲酸酯, 唔會刺激 BB 皮膚, 經兒科醫生驗證為防過敏配方。
售價每件為 $89-$99，外型上最靚係佢，送禮一流 🎁
Burt's Bees 專門店、部份萬寧及屈臣氏有售
訂閱：
文章 (Atom)